Tourist Places: देशातील ही हिल्स स्टेशन्स स्वच्छतेच्या बाबतीत टॉपवर; तुम्हीही घ्या पर्यटनाचा आनंद

लाइफफंडा
Updated May 27, 2022 | 13:56 IST | टाइम्स नाऊ मराठी

Tourist Places In India | जेव्हाही आपण एखाद्या ठिकाणाला भेट देण्याबद्दल बोलत असतो तेव्हा आपल्या मनात सर्वप्रथम गोष्ट येते की ती जागा अतिशय स्वच्छ असावी. कारण अस्वच्छ ठिकाणी फिरणे कोणालाच आवडत नाही त्यामुळे ती जागा स्वच्छ करण्याची जबाबदारीही आपल्यावरच असते.

These hill stations in the country are at the top in terms of cleanliness
देशातील ही हिल्स स्टेशन्स स्वच्छतेच्या बाबतीत टॉपवर  |  फोटो सौजन्य: BCCL
थोडं पण कामाचं
  • तवांग, अरुणाचल प्रदेश मधील सुमारे ३०४८ मीटर उंचीवर वसलेले हिल स्टेशन आहे.
  • कौसानी हे हिल स्टेशन उत्तराखंडच्या बागेश्वर जिल्ह्यात अल्मोडापासून ५१ किमी अंतरावर आहे.
  • इडुक्की हा केरळमधील नैसर्गिक क्षेत्रातील एक अनोखा भाग आहे.

Tourist Places In India | नवी दिल्ली : जेव्हाही आपण एखाद्या ठिकाणाला भेट देण्याबद्दल बोलत असतो तेव्हा आपल्या मनात सर्वप्रथम गोष्ट येते की ती जागा अतिशय स्वच्छ असावी. कारण अस्वच्छ ठिकाणी फिरणे कोणालाच आवडत नाही त्यामुळे ती जागा स्वच्छ करण्याची जबाबदारीही आपल्यावरच असते. आपण कुठे फिरायला गेलो की तेथील स्वच्छता राखणे ही आपली जबाबदारी असते. जर तुम्हालाही उन्हाळ्याच्या सुट्टीत थंड ठिकाणी फिरण्याची इच्छा असेल, तर यावेळी फक्त थंड जागा पाहून त्या ठिकाणी जाऊ नका. शिवाय तुम्ही काही स्वच्छ हिल्स स्टेशनलाही भेट देण्याचा प्लॅन करू शकता. चला तर म जाणून घेऊया भारतातील काही हिल्स स्टेशन्सबद्दल. (These hill stations in the country are at the top in terms of cleanliness). 

अधिक वाचा : अन् अजित पवारांनी जोडली विद्यार्थिनींसमोर जोडले हात

तवांग, अरूणाचल प्रदेश - Twang, Arunachal Pradesh

Arunachal Pradesh

तवांग, अरुणाचल प्रदेश, सुमारे ३०४८ मीटर उंचीवर वसलेले अनेक महत्त्वाच्या आणि सुंदर मठांसाठी ओळखले जाणारे हिल स्टेशन आहे. हे हिल स्टेशन ६वे दलाई लामा, त्सांगयांग ग्यात्सो यांचे जन्मस्थान म्हणून प्रसिद्ध आहे. तवांग हे सुंदर शहर आहे ज्याला दावांग असेही म्हणतात, ही जागा लोकांना सर्वाधिक आवडते. येथील तवांग मठ बौद्धांसाठी सर्वात लोकप्रिय आणि पवित्र ठिकाणांपैकी एक आहे. तवांग हे असे ठिकाण आहे जे आध्यात्माच्या सुगंधाने भरलेले आहे आणि येथील नैसर्गिक सौंदर्य या ठिकाणाची गोडी आणखी वाढवते. या हिल स्टेशनमध्ये फिरताना तुम्हाला कोणत्याही प्रकारची घाण दिसणार नाही.

कौसानी, उत्तराखंड -  Kausani, Uttarakhand

Kausani

कौसानी हे हिल स्टेशन उत्तराखंडच्या बागेश्वर जिल्ह्यात अल्मोडापासून ५१ किमी अंतरावर आहे. कौसानी येथील हिमालयाच्या सुंदर दृश्यात त्रिशूल, नंदा देवी आणि पांचुली शिखरे अतिशय आकर्षित करणारी दिसतात. इथून या ठिकाणाचे मनमोहक दृश्य पाहायला लोकांना खूप आवडते. पाइन जंगलांसह १८९० मीटर उंचीवर वसलेले कौसानी हिल स्टेशन हे निसर्गप्रेमी आणि पर्यटकांसाठी योग्य ठिकाण आहे. कौसानी येथे हिवाळ्याच्या महिन्यांत बर्फवृष्टी होते. पूर्वी हे ठिकाण वलना म्हणून ओळखले जात होते, जे त्याच्या अनेक आकर्षणांनी प्रसिद्ध आहे. येथील सूर्यास्ताचे दृश्य तुमचा मूड फ्रेश करेल. कैलास ट्रेक, बेस कौसानी ट्रेक आणि बागेश्वर-सुंदरधुंडा ट्रेक हे येथील काही लोकप्रिय ट्रेक आहेत.

कुन्नूर, तमिळनाडू - Coonoor, Tamil Nadu

Tamil Nadu

तीन सुंदर निलगिरी हिल स्टेशनपैकी एक, कुन्नूर हे पश्चिम घाटातील दुसरे सर्वात मोठे हिल स्टेशन आहे. हे १९३० मीटर उंचीवर आणि उटीपासून फक्त १९ किमी अंतरावर आहे. चहाच्या मळ्यांचे उतार, अनेक आकर्षणे आणि वर्षभर थंड हवामान असलेले हे ठिकाण उन्हाळ्यात भेट देण्यास उत्तम आहे. कुन्नूर हे निलगिरी टेकड्या आणि कॅथरीन धबधब्याच्या दृश्यांसाठी ओळखले जाते. हे ठिकाण समृद्ध हिरवळ, मॅनिक्युअर टेकड्या, वसाहती संस्कृती आणि आश्चर्यकारक दृश्यांसाठी स्वर्गासारखे दिसते.

हाफलॉंग, आसाम - Haflong, Assam

Haflong

जैवविविधतेने समृद्ध असलेले आसाम राज्य हाफलॉंग या एकमेव हिल स्टेशनसाठी ओळखले जाते. हिरव्यागार टेकड्या, अरुंद दऱ्या, अनोख्या वनस्पती आणि प्राणी तसेच अल्हादायक वातावरणासह मंत्रमुग्ध करणारी दृश्ये यामुळे हे ठिकाण पर्यटकांना आकर्षित करते. येथे पाहण्यासारखी अनेक ठिकाणे आहेत, ज्यात हाफलाँग हिल आणि हाफलाँग तलाव यांचा समावेश आहे.

हे ठिकाण कुटुंबासह तसेच मित्रांसह पिकनिकसाठी योग्य आहे. तुम्ही इथल्या तलावात बोटींगलाही जाऊ शकता. प्रवासी साधारणपणे ५० किलोमीटर अंतरावर असलेल्या मायबोंगच्या अवशेषांना भेट देण्यास प्राधान्य देतात. पक्ष्यांच्या आत्महत्येचे ठिकाण म्हणून ओळखल्या जाणार्‍या हाफलॉंग रिजच्या एका बाजूला असलेल्या ऑर्किड गार्डन, बोरियल रेंज किंवा जटिंगालाही तुम्ही भेट देऊ शकता.

इडुक्की, केरळ - Idukki, kerala

Tourist Places

इडुक्की हा केरळमधील नैसर्गिक क्षेत्रातील एक अनोखा भाग आहे, त्याचे अर्ध्याहून अधिक क्षेत्रफळ जंगलांनी व्यापलेले आहे. हे खडबडीत हिल स्टेशन वन्यजीव अभयारण्ये, सुंदर बंगले, चहाचे कारखाने, रबराचे मळे आणि जंगले यासाठी ओळखले जाते. देशातील सर्वात मोठे धरण म्हणून प्रसिद्ध असलेले कुरावन कुर्ती पर्वतावरील ६५० फूट लांब आणि ५५० फूट उंच कमान धरण हे इडुक्कीचे वैशिष्ट्य आहे. अनामुदी, जे हिमालयाच्या दक्षिणेला भारतातील सर्वोच्च शिखर आहे, ते इडुक्कीमध्ये देखील आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी