Strawberry Cake : नववर्षाच्या पार्टीसाठी घरगुती स्ट्रॉबेरी केक
Homemade Strawberry Cake Recipe How to Make Strawberry Cake at home : नववर्षाच्या पार्टीसाठी घरगुती स्ट्रॉबेरी केक तयार करणे अतिशय सोपे आहे. जाणून घ्या घरगुती स्ट्रॉबेरी केक तयार करण्याची सोपी पद्धत....
नववर्षाच्या पार्टीसाठी घरगुती स्ट्रॉबेरी केक | फोटो सौजन्य: Representative Image
Homemade Strawberry Cake Recipe How to Make Strawberry Cake at home : नववर्षाच्या पार्टीसाठी घरगुती स्ट्रॉबेरी केक तयार करणे अतिशय सोपे आहे. घरगुती स्ट्रॉबेरी केक आपण फक्त नववर्षाच्या पार्टीसाठीच नाही तर इतर पार्टी, वाढदिवस, लग्नाचा वाढदिवस अशा कोणत्याही प्रसंगाला साजरे करण्यासाठी तयार करू शकता. स्ट्रॉबेरी केकचा गोडवा सोहळ्याचा आनंद द्विगुणीत करेल. स्ट्रॉबेरी केकमध्ये मर्यादीत कॅलरी असतात. पण व्हिप क्रीमचा मोठा लेयर लावला अथवा गोडवा वाढवण्यासाठी जॅमचा वापर केला तर कॅलरी वाढू शकतात. जाणून घ्या घरगुती स्ट्रॉबेरी केक तयार करण्याची सोपी पद्धत....
Diwali 2021: या मिठाई प्रेशर कुकरमध्येही बनवता येतात, जाणून घ्या सोपी रेसिपी
बातमीची भावकी
व्हिडीओमध्ये घरगुती स्ट्रॉबेरी केक तयार करण्याची कृती पाहू शकता. या व्यतिरिक्त आपण जाणून घेऊ एगलेस स्ट्रॉबेरी केक तयार करण्याची कृती....
एगलेस स्ट्रॉबेरी केक रेसिपी (Eggless Strawberry Cake Recipe)
साहित्य -
२ कप मैदा
२ कप स्ट्रॉबेरी
१ कप फेटलेले क्रीम
१ कप साखरेची पूड
अर्धा कप स्ट्रॉबेरी क्रश
अर्धा कप दूध
अर्धा कप बटर (अमूल बटर)
१ टी स्पून बेकिंग पावडर
१ टी स्पून व्हॅनिला पावडर
अर्धा टी स्पून स्ट्रॉबेरी इसेंस
कृती -
- एका भांड्यात मैदा घ्या. तो चाळणीच्या मदतीने चाळून दुसऱ्या भांड्यात घ्या. चाळून घेतलेल्या मैद्यात बेकिंग पावडर आणि व्हॅनिला पावडर घालून हे मिश्रण व्यवस्थित ढवळून घ्या.
- मिश्रणात थोडे दूध, स्ट्रॉबेरी इसेंस, साखरेची पूड, बटर (अमूल बटर) टाका आणि मिश्रण व्यवस्थित ढवळून घ्या.
- केक तयार करण्याचे भांडं घ्या. यात तयार केलेले मिश्रण ओता. बेक करण्यासाठी मायक्रोवेव्हमध्ये ठेवा. पाच मिनिटांत बेक होईल.
- बेकिंग झाल्यानंतर मिश्रण बाहेर करुन थंड करुन घ्या. थंड झाल्यानंतर त्याचे सुरीने आडवे कापून दोन भाग करा. या दोन्ही भागांच्या आतील बाजूवर फेटलेले क्रीम व्यवस्थित पसरवून घ्या. खाली असलेल्या भागावर क्रीम पसरवून त्याच्या वर स्ट्रॉबेरी क्रश पसरवा. त्यावर वरचा भाग ठेवा.
- केकच्या वरच्या भागाच्या वरील बाजूवर फेटलेले क्रीम व्यवस्थित पसरवून घ्या. क्रीम पसरवून त्याच्या वर स्ट्रॉबेरी क्रश पसरवा. त्यावर स्ट्रॉबेरीचे तुकडे ठेवा. आता केक थोडा वेळ फ्रीजमध्ये ठेवा. थंड झाला की हा 'कूल' झालेला चविष्ट केक खाण्यासाठी तयार असेल.