Diet for Diabetes Patients: उन्हाळ्यात जर्दाळू ठरू शकते डायबिटीज रुग्णांसाठी संजीवनी औषध

Diet for Diabetes Patients: मधुमेह हा एक असा आजार आहे जो सध्या जगभरातील लोकांसाठी चिंतेचा विषय आहे. भारतासह जगभरात मधुमेहाच्या रुग्णांची संख्या दिवसेंदिवस वाढत आहे. चिंतेची बाब म्हणजे या आजाराला मुळापासून नष्ट करण्यासाठी आजतागायत कोणतेही ठोस उपचार सापडलेले नाहीत. मात्र, अमेरिकेच्या कृषी विभागाने दिलेल्या माहितीनुसार, मधुमेहाच्या रुग्णांनी त्यांच्या आहारात काही पदार्थांचा समावेश केल्यास शरीरातील साखरेचे प्रमाण नियंत्रणात राहण्यास मदत होऊ शकते. म्हणजेच मधुमेहावर नियंत्रण ठेवण्यासाठी तुम्हाला तुमच्या आहाराची आणि जीवनशैलीची खूप काळजी घेणे आवश्यक आहे. (Apricot can be refreshing medicine for diabetes Patients )

साधारणपणे असे मानले जाते की मधुमेहाच्या रुग्णांनी फळे खाऊ नयेत कारण त्यात साखरेचे प्रमाण जास्त असते. जर तुम्हालाही असे काही वाटत असेल तर ही धारणा पूर्णपणे चुकीची आहे. ताजी फळे खाल्ल्याने मधुमेहाचा धोका कमी होतो, असे अनेक अभ्यासातून समोर आले आहे. म्हणून आज आपण अशाच एका फळाबद्दल जाणून घेणार आहोत, ज्याचे सेवन मधुमेहाच्या रुग्णांसाठी जीवनरक्षक औषधी ठरू शकते.

जर्दाळू (Apricot) हे पिवळ्या रंगाचे आंबट-गोड फळ आहे जे उन्हाळ्याच्या हंगामात येते. या छोट्या फळात व्हिटॅमिन सी, पोटॅशियम, मॅग्नेशियम, कॉपर, फॉस्फरस आणि फायबर यांसारखे अनेक पोषक घटक मुबलक प्रमाणात आढळतात. तज्ञांच्या मते, एका जर्दाळूमध्ये फक्त 17 कॅलरीज आणि 4 ग्रॅम कार्बोहायड्रेट असतात. मधुमेह हा एक असा आजार आहे ज्यामध्ये व्यक्तीच्या शरीरातील इन्सुलिनच्या कार्यावर परिणाम होतो आणि रक्तातील साखर झपाट्याने वाढते. त्याचबरोबर जर्दाळूमध्ये आढळणारे फायबर आणि अँटीऑक्सिडंट गुणधर्म शरीरात साखर वाढू देत नाहीत, ज्यामुळे मधुमेहाचा धोका कमी होतो. म्हणजेच मधुमेह टाळण्यासाठी जर्दाळूचे रोज सेवन करणे तुमच्यासाठी फायदेशीर ठरू शकते. याव्यतिरिक्त, हे फळ पोटॅशियमचा एक चांगला स्रोत आहे, जे उच्च रक्तदाब नियंत्रित करण्यास मदत करते.

जर्दाळूचे इतर फायदे

जर्दाळूच्या आरोग्य फायद्यांची यादी मोठी आहे. मधुमेहाव्यतिरिक्त, दिवसाला चार जर्दाळू तुमच्या शरीराची 134 मायक्रोग्रॅम पर्यंत व्हिटॅमिन एची गरज पूर्ण करतात. व्हिटॅमिन ए तुमच्या डोळ्यांसाठी आणि रोगप्रतिकारक शक्तीसाठी खूप महत्वाचे आहे.

ही फळे फायबरचाही चांगला स्रोत आहेत. फायबरमुळे शरीरात रस निर्माण होतो, जो पचनास मदत करतो.

जर्दाळू आपली त्वचा, केस आणि हाडांसाठी देखील फायदेशीर आहे.

जर्दाळूमध्ये अनेक प्रकारचे अँटीऑक्सिडंट आढळतात जे लठ्ठपणा कमी करतात, तसेच हृदयविकाराचा धोका कमी करतात.

हे फळ शरीरातील सोडियमची पातळी नियंत्रित करून तुमचे हृदय निरोगी ठेवते.