Typhoid fever treatment: हे 4 घरगुती उपाय टायफॉइडचा ताप लवकर करतील दूर

हे 4 घरगुती उपाय टायफॉइडचा ताप लवकर करतील दूर 

Typhoid: टायफॉइड ताप (Typhoid fever) हा एक आजार आहे जो कोणालाही होऊ शकतो. हा आजार साल्मोनेला टायफी बॅक्टेरियामुळे (salmonella typhi bacteria) होतो. या जिवाणू संसर्गामुळे जास्त ताप आणि जठराग्नीसंबंधी समस्या निर्माण होतात. लोकांना सहसा दूषित पाणी किंवा अन्न सेवन केल्याने टायफॉइड होतो. (5 home remedies to get rid of typhoid fever)

टायफॉइडची लक्षणे (typhoid fever symptoms) म्हणजे अंगदुखी, भूक न लागणे अशी असू शकतात. काही लोकांना तापासोबत त्वचेवर लाल पुरळ किंवा गुलाबी ठिपके देखील असू शकतात. टायफॉइडची कारणे अनेक आहेत पण मुख्य कारण म्हणजे स्वच्छतेची काळजी न घेणे.

यामध्ये रुग्णाचा ताप १०४ अंश फॅरेनहाइटपर्यंत पोहोचू शकतो आणि औषधांनी ताप कमी न झाल्यास रुग्णालयात दाखल करावे लागते. टायफॉइडची लस काही वर्षांपर्यंत एखाद्या व्यक्तीला जीवाणूंचा संसर्ग होण्यापासून वाचवण्यास मदत करू शकते. या आजाराने त्रस्त लोकांसाठी अनेक औषधे उपलब्ध आहेत परंतु काही घरगुती उपायांनीही तुम्हाला आराम मिळू शकतो.

अधिक वाचा: भिजवलेले शेंगदाणे खा मधुमेह नियंत्रणात ठेवा

टायफॉइड कसा बरा करायचा?

टायफॉइडसारख्या आजारांमुळे अनेकदा डिहायड्रेशन होते. यामुळेच रुग्णांनी नेहमी भरपूर द्रव प्यावे. तुम्ही पाणी, ताज्या फळांचा रस, हर्बल चहा इत्यादी घेऊ शकता. टायफॉइडमुळे अतिसार होऊ शकतो, म्हणून ताज्या फळांच्या रसाचे सेवन केल्याने शरीरातील विषारी पदार्थ आणि इतर टाकाऊ पदार्थ बाहेर काढण्यास मदत होईल.

1. टायफॉइडवर घरगुती उपाय - लसूण

रिसर्च गेटवर प्रकाशित झालेल्या एका अभ्यासानुसार, आरोग्यासाठी लसणाचे असंख्य फायदे आहेत. टायफॉइड बरा करण्यासाठी हे अत्यंत उपयुक्त ठरू शकतं. यामध्ये अँटिऑक्सिडंट असतात आणि ते रक्त शुद्ध करण्याचे काम करतात. त्यामुळे शरीरातील साचलेली घाण बाहेर काढण्यासाठी किडनीला मदत होते. लसूणचे सेवन केल्याने टायफॉइडने त्रस्त व्यक्तीची प्रतिकारशक्ती वाढते.

अधिक वाचा: Child Health Care: मुलांच्या Breakfastमध्ये 'या'गोष्टींचा समावेश करा, मिळतील भरपूर फायदे

2. टायफॉइडचे औषध - तुळस

2021 मध्ये प्रकाशित झालेल्या एका अभ्यासानुसार, तुळस ही एक अशी औषधी वनस्पती आहे जी जळजळ आणि सांधेदुखी कमी करते. टायफॉइडसाठी हा सर्वोत्तम घरगुती उपाय आहे. अनेक आयुर्वेदिक औषधांमध्ये याचा वापर केला जातो. यामुळे मलेरियासह अनेक आजार बरे होऊ शकतात. टायफॉइडचा त्रास असलेले लोक ते चहा किंवा पाण्यात किंवा मधात उकळून सेवन करू शकतात. लवकर आराम मिळण्यासाठी आल्याचा रस किंवा काळी मिरी मिसळूनही सेवन करता येते. तुळशीतील काही महत्त्वाचे घटक टायफॉइडला कारणीभूत बॅक्टेरिया शरीरातून काढून टाकण्यास मदत करतात.

3. टायफॉइड तापासाठी आयुर्वेदिक उपचार- सफरचंद सायडर व्हिनेगर

सफरचंद सायडर व्हिनेगरमध्ये अॅसिडिक गुणधर्म असतात आणि टायफॉइड तापावर एक चांगला घरगुती उपाय आहे. टायफॉइड झालेल्या व्यक्तीच्या शरीरातील उष्णता काढून टाकून ताप कमी करण्यास या व्हिनेगरचा उपयोग होतो.

अधिक वाचा: Almond Benefits: सोलल्याशिवाय कधीही खाऊ नका बदाम, कारण ऐकून वाटेल आश्चर्य

4. टायफॉइडवरील उपचार - कोल्ड कॉम्प्रेस

टायफॉइडने ग्रस्त असलेल्या व्यक्तीला खूप दिवस ताप येतो. यामुळेच शरीराचे सामान्य तापमान राखणे महत्त्वाचे आहे. यासाठी तुम्ही कोल्ड कॉम्प्रेसची मदत घेऊ शकता. तुम्ही थंड पाण्यात कापड ओलावून रुग्णाच्या कपाळावर, काखेत, पायांवर आणि हातावर लावू शकता. तथापि, या प्रक्रियेत वापरलेले पाणी खूप थंड नसावे आणि सर्वोत्तम परिणामांसाठी कापड वेळोवेळी बदलले पाहिजे.

टीप: हा लेख फक्त सामान्य माहितीसाठी आहे. हा कोणत्याही प्रकारे उपचारांचा पर्याय असू शकत नाही. योग्य उपचारांसाठी नेहमी आपल्या डॉक्टरांशी संपर्क साधा.