तोंडाची दुर्गंधी हा आजारांचा संकेत, आयुर्वेदाद्वारे करा उपचार

Bad Breath Can Be Sign Of Diabetes, Lungs And Gut Health Try These 5 Tips To Lower The Risk : तोंडाची दुर्गंधी हा आजारांशी संबंधित संकेत असू शकतो असे आयुर्वेद सांगते.

Bad Breath Can Be Sign Of Diabetes, Lungs And Gut Health Try These 5 Tips To Lower The Risk
तोंडाची दुर्गंधी हा आजारांचा संकेत, आयुर्वेदाद्वारे करा उपचार 
थोडं पण कामाचं
  • तोंडाची दुर्गंधी हा आजारांचा संकेत, आयुर्वेदाद्वारे करा उपचार
  • दीर्घकाळ तोंडाला दुर्गंधी येणे हे आजाराचे लक्षण
  • तोंडाची दुर्गंधी जात नसल्यास वैद्यकीय सल्ला घेणे हिताचे

Bad Breath Can Be Sign Of Diabetes, Lungs And Gut Health Try These 5 Tips To Lower The Risk : तोंडाची दुर्गंधी हा आजारांशी संबंधित संकेत असू शकतो असे आयुर्वेद सांगते. तोंडाची स्वच्छता व्यवस्थित केली नाही तर दातांशी संबंधित समस्या निर्माण होऊ शकते. पोटाचे विकार होऊ शकतात. अॅसिडिटी अर्थात पित्ताचा त्रास होऊ शकतो. मधुमेह होऊ शकतो. फुफ्फुसांशी संबंधित त्रास होऊ शकतो. धूम्रपान, मद्यपान, तंबाखू-मावा-गुटखा याचे सेवन यामुळेही तोंडाला दुर्गंधी येऊ शकते. यामुळे तोंडाची स्वच्छता राखणे, व्यसने टाळणे आणि आरोग्याची काळजी घेणे मुखदुर्गंधी घालविण्यासाठी आवश्यक आहे. 

तब्येत पाणी । वेबस्टोरी : आरोग्य

दीर्घकाळ तोंडाला दुर्गंधी येणे हे आजाराचे लक्षण आहे. यामुळे तोंडाची दुर्गंधी जात नसल्यास वैद्यकीय सल्ला घेणे हिताचे. आयुर्वेदाचार्यांच्या मते तोंडाला दुर्गंधी येत असल्यास तोंडाच्या स्वच्छतेवर भर द्या. तसेच व्यसने करणे टाळावे. पचायला हलका असा आहार घेण्यावर भर द्यावा. आयुर्वेदाचार्यांच्या मते तोंडाची दुर्गंधी घालविण्याचे पाच सोपे उपाय आहेत... जाणून घ्या हे उपाय...

  1. दिवसातून किमान दोनदा दास स्वच्छ करावे : दिवसातून किमान दोन वेळा दात स्वच्छ करावे. सकाळी झोपून उठल्यावर आणि रात्री झोपण्याआधी दात घासावेत. जीभ पण स्वच्छ करावी. 
  2. बडीशेप खावी : कोणताही पदार्थ खाल्ल्यावर तसेच कोणतेही पेय प्यायल्यावर थोडी बडीशेप चावून खावी. बडीशेप खाल्ल्याने तोंडाची दुर्गंधी दूर होण्यास मदत होते तसेच अन्न पचण्यास मदत होते. 
  3. चुळा भरणे : कोणताही पदार्थ खाल्ल्यावर तसेच कोणतेही पेय प्यायल्यावर चुळा भराव्यात. तोंडाच्या स्वच्छतेची काळजी घ्यावी.
  4. तीन तासांचे अंतर : कोणत्याही दोन जेवणात किमान तीन तासांचे अंतर ठेवावे. 
  5. पुरेसे पाणी प्या : दररोज दिवसभरात किमान तीन ते चार लिटर पाणी पिणे आवश्यक आहे. यामुळे पोटाचे विकार दूर राहण्यास मदत होते. अन्न पचनासाठी मदत होते. शरीरातील विषद्रव्ये बाहेर टाकण्यास मदत होते.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी