Turmeric Face Pack: हळदीचा फेस पॅक वापरण्याचे फायदे आणि तयार करण्याच्या पद्धती
4 Turmeric face pack: हळदीचे फायदे फक्त चवीपुरते मर्यादित नाही. जेव्हा चमकदार त्वचेचा विचार केला जातो तेव्हा हळदीचा वापर बर्‍याच स्त्रिया त्यांच्या त्वचेची काळजी घेण्यासाठी करतात. मुरुम दूर करण्यापासून ते रंग सुधारण्यापर्यंत हळदीचे अनेक फायदे आहेत.
- हळदीचे फायदे फक्त चवीपुरते मर्यादित नाही.
- हळदीचे अनेक फायदे
- मॉइश्चरायझेशन आणि चमक वाढवण्यासाठी उपयुक्त
Turmeric Face Pack: हळदीचे फायदे फक्त चवीपुरते मर्यादित नाही. जेव्हा चमकदार त्वचेचा विचार केला जातो तेव्हा हळदीचा वापर बर्‍याच स्त्रिया त्यांच्या त्वचेची काळजी घेण्यासाठी करतात. मुरुम दूर करण्यापासून ते रंग सुधारण्यापर्यंत हळदीचे अनेक फायदे आहेत. चला जाणून घेऊया हळदीपासून बनवलेल्या अशाच फेस पॅकबद्दल जे रंग सुधारण्यासाठी उपयुक्त ठरू शकतात. (Benefits of using turmeric face pack daily)
हळद-बेसन फेसपॅक
चार ते पाच चमचे बेसनाच्या पिठात एक चतुर्थांश चमचे हळद मिसळा आणि चार ते पाच चमचे कच्चे दूध आणि एक चमचा मध मिक्स करा आणि हि पेस्ट चेहऱ्यावर लावा. ही पेस्ट चेहऱ्यावर आणि मानेवर 15 ते 20 मिनिटे ठेवा आणि थंड पाण्याने धुवा. मुरुम दूर करण्यासाठी, त्वचेला मॉइश्चरायझेशन आणि चमक वाढवण्यासाठी हे उपयुक्त आहे.
हळद-चंदन पॅक
दोन चमचे चंदन पावडरमध्ये तीन ते चार चिमूट हळद मिसळा आणि दोन चमचे दूध मिसळून पेस्ट तयार करा आणि 10-15 मिनिटे चेहऱ्याला मसाज करा. नंतर कोरडे राहू द्या आणि पाण्याने धुवा. यामुळे त्वचेचा पोत सुधारेल.
अधिक वाचा: Turmeric for skin care: चेहऱ्यावरचे डाग कमी करण्यासाठी टर्मरिक फेस क्लींजर वापरून पहा
हळद-दही पॅक
अर्धा कप दह्यात अर्धा चमचा हळद मिसळा. 15 मिनिटे चेहऱ्यावर लावा आणि थंड पाण्याने धुवा. हे त्वचेवरील टॅनिंग काढून टाकते. ही पेस्ट 15 ते 20 मिनिटे टॅन झालेल्या त्वचेवर राहू द्या आणि नंतर पाण्याने स्वच्छ करा.
हळद-मध पॅक
दोन ते तीन चमचे मधात दोन चमचे गुलाबजल मिसळून त्यात चिमूटभर हळद टाकून फेटा. हा पॅक चेहऱ्यावर आणि मानेवर लावल्याने सुरकुत्या दूर होतात आणि चमक कायम राहते.
हळद-लिंबू फेस पॅक
एक चमचा हळदीमध्ये एक ते दोन चमचे लिंबाचा रस मिसळा. ही पेस्ट त्वचेवर लावा आणि जास्तीत जास्त 20 मिनिटे राहू द्या. हा पॅक नैसर्गिक ब्लीच म्हणून काम करते.
अधिक वाचा: Ghee For Glowing Skin: रोज एक चमचा देसी तूप चमकदार त्वचेसाठी फायदेशीर, या टिप्स करा फॉलो
हळद पुदिना फेस पॅक
हा पॅक तयार करण्यासाठी पुदिन्याची पाने मॅश करा पेस्टमध्ये थोडी हळद घाला. आता ही पेस्ट चेहऱ्यावर लावा आणि कोरडी झाल्यानंतर स्वच्छ धुवा.
ऊसाचा रस आणि हळद
हळद आणि उसाचा रस प्रमाणानुसार घ्या, पेस्ट तयार करण्यासाठी एकत्र मिक्स करा आणि चेहऱ्यावर लावा, त्यानंतर थंड पाण्याने स्वच्छ धुवा.