Watermelon: फ्रिजमध्ये चुकूनही ठेवू नका असे कलिंगड; नाहीतर होईल मोठे नुकसान
Cold Watermelon Side Effects । आता जूनचा महिना उजाडला तरीदेखील भारतातील बहुतेक भागात तीव्र उष्णता आहे, अनेक शहरांमध्ये दिवसाचे तापमान ४५ अंश सेल्सिअसच्या पुढे जात आहे.
- कलिंगड ९२ टक्के पाण्याने समृद्ध आहे.
- कलिंगडासोबतच कलिंगडाच्या बिया देखील फलदायी आहेत.
- थंड कलिंगड खाल्ल्याने फळातील पौष्टिकता कमी होते.
Cold Watermelon Side Effects । मुंबई : आता जूनचा महिना उजाडला तरीदेखील भारतातील बहुतेक भागात तीव्र उष्णता आहे, अनेक शहरांमध्ये दिवसाचे तापमान ४५ अंश सेल्सिअसच्या पुढे जात आहे. कडाक्याच्या उन्हात आणि घामाच्या स्थितीत शरीरात गारवा राहण्यासाठी लोक ताजी आणि थंडगार फळे खातात. कलिंगड हे त्यातीलच एक आहे, कारण कलिंगडामध्ये ९० टक्क्यांहून अधिक पाणी असते. (Do not accidentally eat watermelon stored in the fridge in this way).
फ्रिजमध्ये का ठेवतात कलिंगड?
जेव्हा आपण बाजारातून कलिंगड विकत घेऊन घरी आणतो तेव्हा त्याचा आकार खूप मोठा असतो आणि ते एकाच वेळी खाणे कठीण असते, त्यामुळे कलिंगड जास्त काळ ताजे राहावे म्हणून आपण ते फ्रिजमध्ये ठेवत असतो. लक्षणीय बाब म्हणजे कापलेले अर्धे कलिंगड फ्रिजमध्ये ठेवणे अत्यंत हानिकारक ठरू शकते.
अधिक वाचा : मान्सून कर्नाटकात दाखल तर महाराष्ट्रात येणार कधी?
कलिंगड जास्त वेळ फ्रिजमध्ये ठेवण्याचे तोटे
कलिंगड फ्रीजमध्ये ठेवल्याने व्हिटॅमिन ए, व्हिटॅमिन सी, लाइकोपीन आणि सिट्रोलिन या महत्त्वाच्या पोषक घटकांचे प्रमाण कमी होते. तसेच ते कापून फ्रिजमध्ये ठेवल्यास त्याचे इन्फेक्शन होऊ शकते, ज्यामुळे नंतर अन्न विषबाधा (Food Poisoning) होऊ शकते. त्यामुळे कलिंगड ताजे असतानाच खाणे केव्हाही चांगले.
किती वेळ फ्रिजमध्ये ठेवू शकतो कलिंगड?
खरं तर कलिंगडाला फ्रिजमध्ये ठेवण्याची गरजही नाही कारण त्याची साल मजबूत आणि जाड असते, त्यामुळे हे फळ लवकर खराब होत नाही. जर तुम्हाला टरबूज फ्रिजमध्ये ठेवायचे असेल तर ते कापण्याच्या अगोदर ठेवा आणि तुम्ही असे न कापलेले कलिंगड २० दिवस फ्रिजमध्ये ठेवू शकता.
फ्रिजमध्ये ठेवलेले कलिंगड खाण्याचे तोटे
- थंड कलिंगड खाल्ल्याने फळातील पौष्टिकता कमी होते.
- कलिंगड फ्रिजमध्ये ठेवल्याने खोकला आणि सर्दी होऊ शकते.
- कापलेल्या थंडगार कलिंगडामुळे अन्न विषबाधा होऊ शकते.
- कलिंगडातील बॅक्टेरिया आतड्याला नुकसान पोहचवू शकतात.
- अशा प्रकारे कलिंगड खाल्ल्याने पोट खराब होऊ शकते.
डिस्क्लेमर : सल्ल्यासह ही सामग्री केवळ सामान्य माहिती प्रदान करते. हे कोणत्याही प्रकारे पात्र वैद्यकीय मताचा पर्याय नाही. अधिक तपशिलांसाठी नेहमी तज्ञ किंवा तुमच्या डॉक्टरांचा सल्ला घ्या. Timesnow मराठी या माहितीची जबाबदारी घेत नाही.