Walking Benefits: हिवाळ्यात तंदुरुस्त राहण्यासाठी दिवसातून फक्त 10 मिनिटे करा हा व्यायाम
दीर्घकाळ वर्कआउटपासून दूर राहिल्याने लठ्ठपणा तसेच इतर अनेक समस्या उद्भवू शकतात. व्यायामसाठी वेळ काढता येत नसेल तर एक सोपा उपाय म्हणजे पायी चालणे. पायी चालण्याने अनेक फायदे होत असतात.
हिवाळ्यात तंदुरुस्त राहण्यासाठी 10 मिनिटे करा हा व्यायाम | फोटो सौजन्य: BCCL
थोडं पण कामाचं
- बसणे, झोपणे आणि शारीरिक हालचाल कमी होत असल्याने हळूहळू गुडघ्यांना त्रास होत असतो.
- दररोज चालण्याने धोके कमी होत असतात.
- ऑस्टिओपोरोसिसच्या रुग्णांसाठी नियमित चालणे खूप फायदेशीर
Walking Benefits:नवी दिल्ली: हिवाळा (winter)सुरू झाला की, फिटनेस (Fitness) राखणे खूप कठीण होऊन बसते. व्यायामासाठी (exercise) वेळ काढणे हे त्याहूनही मोठे आव्हान असते. हे आव्हान अनेकांकडून पेलवले जात नाही. परंतु दीर्घकाळ वर्कआउटपासून दूर राहिल्याने लठ्ठपणा तसेच इतर अनेक समस्या उद्भवू शकतात. व्यायामसाठी वेळ काढता येत नसेल तर एक सोपा उपाय म्हणजे पायी चालणे. पायी चालण्याने अनेक फायदे होत असतात. (Do this exercise for just 10 minutes a day to stay fit in winter)
अधिक वाचा : ट्विटरच्या निळी दांडीचा वाढला भाव, दरमहा भरावा लागेल शुल्क
दररोज चालण्याचे फायदे
1. हाडे निरोगी राहतात
रोज चालण्याने वाढत्या वयाबरोबर होणाऱ्या गुडघेदुखीपासून आपली सुटका मिळत असते. बसणे, झोपणे आणि शारीरिक हालचाल कमी होत असल्याने हळूहळू गुडघ्यांना त्रास होत असतो. यामुळे दररोज चालण्याने धोके कमी होत असतात. ऑस्टिओपोरोसिसच्या रुग्णांसाठी नियमित चालणे खूप फायदेशीर आहे.
अधिक वाचा : फिटनेस सर्टिफिकेटपूर्वी सर्वसामान्यांसाठी पूल झाला होता खुला
2. मनःस्थिती राहते आनंदी
दररोज चालणारे लोक केवळ हृदयानेच नव्हे तर मनानेही निरोगी असतात. सकाळी चालण्याने मेंदूला ताजा ऑक्सिजन मिळतो, ज्यामुळे तणाव आणि नैराश्य दूर होते.
रोगांपासून मुक्तता
दररोज चालण्याने कर्करोग आणि हृदय व रक्तवाहिन्यासंबंधी समस्यांचा धोका बर्‍याच प्रमाणात कमी होतो. चालणे ही केवळ वृद्धांपासून तरूणांसाठीच नव्हेतर लहान मुलांसाठीही अतिशय फायदेशीर क्रिया आहे. वृद्ध लोक आठवड्यातून फक्त एक तास जरी पायी चालले तरी ते दीर्घकाळ निरोगी राहू शकतात.
बातमीची भावकी
प्रवास नियम
- आपल्या वयाची बरोबरी असलेल्या लोकांसोबत फिरायला जा. त्यामुळे चालणे कंटाळवाणे होणार नाही.
- घरापासून जवळ असलेल्या ठिकाणी चालत जा.
- चालताना पाण्याची बाटली आणि हलका नाश्ता सोबत ठेवा.
- खडबडीत जागी फिरू नका.
- चालण्यासाठी नेहमी योग्य आकाराचे बुटं घाला.
- चालण्यासाठी खूप घट्ट किंवा खूप सैल कपडे घालू नका.
- तापमान आणि प्रदूषणाची काळजी घ्या.