Tips to lower Cholesterol: तुम्हाला खावे लागणार नाही औषध, ताटात असू द्या या 6 गोष्टी, आपोआप घटवा कोलेस्ट्रॉल!

कोलेस्ट्रॉल कमी करण्यासाठीच्या टिप्स 

How to lower Cholesterol : नवी दिल्ली : कोलेस्ट्रॉल ही आजकाल गंभीर समस्या बनली आहे. बदलत्या जीवनशैलीमुळे (Lifestyle) आणि आहार विहाराच्या चुकीच्या सवयींमुळे अनेक आजारांना हल्ली तोंड द्यावे लागते आहे. आरोग्यावर (Health) या सर्व बाबींची गंभीर परिणाम होतो आहे. तुमच्याही आसपास असे अनेकजण असतील ज्यांना कोलेस्ट्रॉलच्या (Cholesterol) समस्येचा त्रास होत असेल. कोलेस्ट्रॉलची पातळी वाढली की ती अनेक रोगांना जन्म देते. आजकाल अनेकांना वाढलेल्या कोलेस्ट्रॉलचा  त्रास होतो. तुमच्या माहितीसाठी वाढलेल्या कोलेस्ट्रॉलमुळे हृदयरोग (Heart Attack), हृदयविकाराचा झटका आणि पक्षाघाताचा (Paralysis)धोका वाढतो. साधारणपणे, शरीरातील कोलेस्ट्रॉल वाढण्याची अनेक कारणे असतात, परंतु असे मानले जाते की खाण्याच्या चुकीच्या सवयी हे त्याचे सर्वात मोठे कारण आहे. (Eat this 6 food & reduce your Cholesterol)

अधिक वाचा : Weight Loss Diet: वजन कमी करण्यासाठी विशिष्ट पद्धतीने खावे अंजीर, होईल जबरदस्त फायदा

का वाढते कोलेस्ट्रॉल

आजकाल लोक जास्त प्रमाणात हानिकारक आणि प्रक्रिया केलेले अन्न खातात. साखर, मैदा, कोल्ड्रिंक्स आणि तेलापासून बनवलेल्या गोष्टी खाल्ल्याने कोलेस्ट्रॉल वाढण्याचा धोका सर्वाधिक असतो. शरीरातील खराब कोलेस्टेरॉल (LDL) ची पातळी वाढल्याने रक्तवाहिन्या किंवा धमन्या ब्लॉक होऊ शकतात, ज्यामुळे हृदयरोग, हृदयविकाराचा झटका आणि पक्षाघाताचा धोका वाढतो.

कोलेस्ट्रॉल कसे कमी करावे? 

न्यू मीचे संस्थापक आणि सीईओ गगन धवन यांच्या मते, यासाठी अनेक औषधे आहेत, परंतु तुम्ही वनस्पती-आधारित आहार घेऊन शरीरातील खराब कोलेस्ट्रॉल कमी करू शकता. वनस्पतीजन्य पदार्थांमध्ये कोलेस्टेरॉल आणि सॅच्युरेटेड फॅट नसते, तर विद्राव्य फायबर मुबलक प्रमाणात असते. फळे, भाज्या, संपूर्ण धान्य यांसारख्या वनस्पतींपासून मिळणारे अन्न खराब कोलेस्ट्रॉल 5-10% कमी करू शकते.

अधिक वाचा : Health Tips: गृहिणींनी १५ मिनिटांसाठी घरीच करा हे ५ व्यायाम; काही दिवसातच कमी होईल वजन

कोलेस्ट्रॉल कमी करणारी फळे

सफरचंद, बेरी आणि लिंबूवर्गीय फळे जसे की संत्री आणि लिंबूमध्ये पेक्टिन नावाचा एक प्रकारचा फायबर असतो, जो कोलेस्ट्रॉल कमी करतो. याव्यतिरिक्त, फळे आवश्यक जीवनसत्त्वे, खनिजे आणि अँटिऑक्सिडंट्सचा उत्तम स्रोत आहेत.

संपूर्ण धान्य खाऊन कोलेस्ट्रॉल कसे कमी करावे

आजकाल बरेच लोक संपूर्ण धान्याचे सेवन कमी करतात. याचे सेवन केल्याने रक्तप्रवाहातील कोलेस्टेरॉलचे शोषण कमी करून एलडीएलची पातळी कमी होण्यास मदत होते. तपकिरी तांदूळ, मुस्ली आणि क्विनोआ या अद्भुत गोष्टी आहेत ज्या तुम्ही तुमच्या रोजच्या आहारात समाविष्ट करू शकता.

कोलेस्ट्रॉल कमी करणाऱ्या भाज्या

शरीरातील खराब कोलेस्ट्रॉल काढून टाकण्यासाठी हिरव्या भाज्यांचे सेवन करणे हा उत्तम उपाय आहे. कारण हे सर्व पोषक तत्व भाज्यांमध्ये आढळतात, जे कोलेस्ट्रॉल तसेच शरीरातील इतर वाईट घटक काढून टाकण्याचे काम करतात. वांगी आणि भेंडीमध्ये विरघळणारे फायबर आणि अँटिऑक्सिडंट्स भरपूर प्रमाणात असतात.

अधिक वाचा : Dry Fruits for Men: पुरुषांनो स्टॅमिना वाढवयचा आहे का, मग खा हे ड्रायफ्रुट्स

कोलेस्ट्रॉल कमी करण्यासाठी सोयाबीन खा

दररोज 25 ग्रॅम सोया प्रोटीनचे सेवन केल्याने कोलेस्ट्रॉलची पातळी कमी होण्यास मदत होते. तुम्ही तुमच्या स्किम्ड दुधाच्या जागी सोया मिल्क घेऊ शकता. याशिवाय सोयाबीनची भाजी बनवू शकता.

कोलेस्ट्रॉल कमी करणारे अन्न - ओट्स

ओट्समध्ये बीटा-ग्लुकन्स आढळतात. हा एक विशेष प्रकारचा फायबर आहे, जो कोलेस्ट्रॉलची पातळी कमी करण्यासाठी खूप प्रभावी आहे. तुम्ही सकाळी नाश्त्यात ओट्स घेऊ शकता. ते बनवताना मीठ आणि साखर कमी वापरा.

कोलेस्ट्रॉल कमी करण्यासाठी मसूर खा

मसूर हा प्रत्येक भारतीय घरातील मुख्य अन्नाचा एक भाग आहे. मसूर केवळ स्वादिष्टच नाही तर शरीरासाठी अनेक प्रकारे फायदेशीर आहे. नियमितपणे मसूर खाल्ल्याने हृदयाचे आरोग्य सुधारण्यास मदत होते. कडधान्यांमध्ये चरबी कमी आणि फायबर आणि प्रथिने जास्त असतात.

(Disclaimer : प्रस्तुत लेखात सुचविलेल्या टिप्स आणि सल्ले फक्त सामान्य माहितीसाठी आहेत आणि त्यांचा व्यावसायिक वैद्यकीय सल्ला म्हणून अर्थ लावला जाऊ नये. कोणत्याही प्रकारचे फिटनेस प्रोग्राम सुरू करण्यापूर्वी किंवा आपल्या आहारात कोणतेही बदल करण्यापूर्वी आपल्या डॉक्टरांचा सल्ला घ्या.)