अपचन अथवा बद्धकोष्ठतेमुळे होणारी पोटफुगी दूर करणारे पाच सोपे उपाय
Five simple ways to reduce bloating quickly : काही वेळा अपचन अथवा बद्धकोष्ठतेमुळे गॅसची समस्या निर्माण होते. ही समस्या दूर करण्याचे पाच सोपे घरगुती उपाय.
अपचन अथवा बद्धकोष्ठतेमुळे होणारी पोटफुगी दूर करणारे पाच सोपे उपाय | फोटो सौजन्य: Representative Image
थोडं पण कामाचं
- अपचन अथवा बद्धकोष्ठतेमुळे निर्माण होणारी गॅसची समस्या दूर करणारे पाच सोपे घरगुती उपाय
- गॅसची समस्या निर्माण होण्याची प्रमुख कारणे
- गॅसची समस्या दूर करणारे पाच सोपे घरगुती उपाय
Five simple ways to reduce bloating quickly : काही वेळा अपचन अथवा बद्धकोष्ठतेमुळे पोटफुगीची समस्या निर्माण होते. पोटफुगीचा त्रास होत असल्यास अस्वस्थ वाटते. दिवसभराच्या कामावर प्रतिकूल परिणाम होतो. कामाची गती मंदावते. एखाद्या कामावर लक्ष केंद्रीत करणे कठीण होते. चिडचिड वाढते. तब्येत ढासळते. जाणून घ्या ही समस्या दूर करण्याचे पाच सोपे घरगुती उपाय.
अवेळी होणारे जेवण, चुकीच्या आहारपद्धती, जंकफूड, फास्टफूड यांचे सेवन, भूकेपेक्षा जास्त अथवा भूकेपेक्षा खूप कमी खाणे अथवा घाईघाईने खाणे यामुळे पोटफुगी होते. विशिष्ट प्रकारच्या भाज्या खाल्ल्यामुळेही पोटफुगीचा होण्याचा धोका आहे. अनेकांना सोयाबीन, कांदे, ब्रोकोली, कोबी, फ्लॉवर या भाज्या खाल्ल्यास पोटफुगीचा त्रास होतो. यावर सोपा उपाय म्हणजे आपल्याला ज्या पदार्थांमुळे त्रास होतो असे पदार्थ रात्रीच्या वेळी खाऊ नये. दुपारच्या जेवणात किंवा सकाळच्या नाश्त्यात हे पदार्थ खाल्ले तर नंतर किमान एक हजार पावले चालून चालण्याचा व्यायाम करावा. काहींनी ग्लुटेन असलेले पदार्थ, दूध, दुधाचे पदार्थ खाल्ल्यामुळेही पोटफुगीचा त्रास होण्याचा धोका असतो. या मंडळींनी ज्या पदार्थांमुळे त्रास होतो ते ग्लुटेनचे पदार्थ खाऊ नये. ग्लुटेन फ्री पदार्थ खावेत.
बातमीची भावकी
अपचन अथवा बद्धकोष्ठतेमुळे होणारी पोटफुगी दूर करणारे पाच सोपे उपाय
- चाला : जेवणानंतर किमान एक तास चालण्याचा व्यायाम करा. किमान दहा पावले चालल्यावर दीर्घ श्वास घ्या आणि पोट आत घेऊन पुन्हा सामान्य स्थितीत आणा. हा व्यायाम ठराविक वेळाने वारंवार करावा.
- योगासने : पोटफुगीचा त्रास होत असल्यास तज्ज्ञांच्या मार्गदर्शनात हस्त पदंगुष्ठासन करा. ताठ उभे राहून श्वास घ्या आणि दोन्ही हात उचला. जमिनीला समांतर अशा प्रकारे हात हवेत उजव्या आणि डाव्या बाजूस सरळ आडवे करा. आता एक पाय हळू हळू एका हाताला स्पर्श करेपर्यंत वर उचला. हे झाल्यानंतर श्वास घ्या आणि हळू हळू पाय जमिनीवर आणा . याच पद्धतीने दुसऱ्या पायाने दुसऱ्या हाताला स्पर्श करण्याचा प्रयत्न करा. दुसरा पाय खाली आल्यावर पुन्हा पहिल्या पायाने प्रयोग करा. हा प्रयोग तीन-तीन किंवा पाच-पाचच्या सेटमध्ये करावा.
- लिंबूरस, आलेरस आणि पाणी : एक ग्लास पाण्यात लिंबूरस आणि आलेरस मिसळून ढवळून घ्या. हे पाणी रिकाम्यापोटी प्या.
- सीसीएफ टी : धने, जिरे आणि बडीशेप यांचे मिश्रण पाण्यात ओता. हे पाणी उकळवून प्या. पोट फुगल्यास हा चहा प्यावा.
- आराम : शांतपणे चावून खाल्ल्यास पोटफुगीचा त्रास कमी होतो. तसेच खाणे झाल्यावर थोडा वेळ विश्रांती घेतली तरी त्रास कमी होण्यास मदत होते.
पोटफुगीचा त्रास वारंवार होत असल्यास वैद्यकीय सल्ल्यानुसार उपचार करून घेणे आरोग्याच्यादृष्टीने हिताचे आहे.
डिस्क्लेमर / Disclaimer : सल्ल्यासह ही सामग्री केवळ सामान्य माहिती प्रदान करते. हे कोणत्याही प्रकारे पात्र वैद्यकीय मताचा पर्याय नाही. अधिक तपशिलांसाठी नेहमी तज्ज्ञ किंवा तुमच्या डॉक्टरांचा सल्ला घ्या. Timesnow मराठी या माहितीची जबाबदारी घेत नाही.