Neem Juice Benefits : कडुनिंबाचा ज्युस पिण्याचे आरोग्याला होणारे फायदे
Health Benefits of Neem Juice in Marathi : कडुनिंब अर्थात नीम. कडुनिंबात अनेक औषधी गुणधर्म आहेत.
Neem Juice Benefits : कडुनिंबाचा ज्युस पिण्याचे आरोग्याला होणारे फायदे
थोडं पण कामाचं
- कडुनिंबाचा ज्युस पिण्याचे आरोग्याला होणारे फायदे
- रोगप्रतिकारक क्षमता वाढते
- दात-हिरड्यांचे आरोग्य सुधारते, त्वचा तजेलदार होते
Health Benefits of Neem Juice in Marathi : कडुनिंब अर्थात नीम. कडुनिंबात अनेक औषधी गुणधर्म आहेत. कांजण्या, गोवर, नागीण असे आजार झालेल्या व्यक्तीला कडुनिंबाची पाने गरम पाण्यात घालून त्या पाण्याने आंघोळ करण्याचा सल्ला दिला जातो. कडुनिंबाची पाने पिण्यायोग्य पाण्याने धुवून नंतर चावून खाल्ल्यास रोगप्रतिकारक क्षमता वाढण्यास मदत होते. कडुनिंबाचा पालापाचोळा जाळून त्याची शेकोटी केली तर परिसरातले डास पळून जातात.
भारतीय संस्कृतीत कडुनिंबाला महत्त्व आहे. यामुळेच गुढी पाडवा या चैत्र महिन्यातील पहिल्या मोठ्या सणाच्या दिवशी कडुनिंबाची पाने चावून खाण्याची पद्धत आहेत. कडुनिंबाच्या पानांपासून तयार केलेली चटणी अर्थात कडुनिंबाची पाने आणि थोडं पाणी हे मिश्रण मिक्सरमध्ये फिरवून त्याची झटपट तयार केलेली चटणी जेवताना घ्यावी. दररोज कडुनिंबाची थोडी चटणी खाल्ल्याने रोगप्रतिकारक क्षमता वाढण्यास मदत होते. दररोज एक ग्लास कडुनिंबाचा ज्युस प्यायल्यास अनेक आजारांना दूर ठेवता येते. यासाठी कडुनिंबाची पाने आणि चटणीसाठी घेतात त्या तुलनेत जास्त पाणी हे मिश्रण मिक्सरमध्ये फिरवून घ्यावे. कडुनिंबाचा ज्युस पोटाच्या अनेक विकारांना दूर ठेवतो तसेच आजारी व्यक्तीला लवकर बरे करतो.
बातमीची भावकी
कडुनिंबाच्या ज्युसचे आरोग्यदायी फायदे
- रोगप्रतिकारक क्षमता : कडुनिंबाचा ज्युस रोगप्रतिकारक क्षमता वाढण्यास मदत करतो तसेच पोटाच्या अनेक विकारांना दूर ठेवतो. आजारी व्यक्तीला लवकर बरे करतो.
- दात-हिरड्या मजबूत करतो : कडुनिंबाच्या काडीने अर्थात दातूनने दात घासण्याची पद्धत दातांचे आरोग्य राखण्यासाठी महत्त्वाची आहे. हे शक्य नसल्यास दररोज सकाळी एक ग्लास कडुनिंबाचा ज्युस प्यावा. यामुळे दात मजबूत राहतात. दातांना कीड लागण्याचा धोका कमी होतो. हिरड्या मजबूत राहतात.
- त्वचेचे आरोग्य : दररोज सकाळी एक ग्लास कडुनिंबाचा ज्युस प्यावा. यामुळे त्वचा लकाकते. त्वचा रोग बरे होतात. शरीरातील विषद्रव्ये बाहेर टाकण्यास मदत होते. चेहऱ्याचे सौंदर्य वाढण्यास मदत होते.
- वजन नियंत्रणात राहते : दररोज सकाळी एक ग्लास कडुनिंबाचा ज्युस प्यायल्याने वजन नियंत्रणात राहण्यास मदत मिळते. पचनक्षमता सुधारते.
- ब्लड प्रेशर, डायबिटिस : दररोज सकाळी एक ग्लास कडुनिंबाचा ज्युस प्यायल्याने पोटाचा अल्सर, ब्लड प्रेशर, डायबिटिस हे आजार बरे होण्यास मदत होते.
डिस्क्लेमर / Disclaimer : मजकूर संकलित माहितीच्याआधारे तयार केला आहे. प्रयोग करण्याआधी वैद्यकीय सल्ला घेणे हिताचे आहे.