Watermelon Side Effects: जर तुम्हाला हा आजार असेल तर चुकुनहूी कलिंगड खाऊ नका, साइड इफेक्ट्स होण्याची शक्यता

तब्येत पाणी
Updated May 10, 2022 | 11:01 IST | टाइम्स नाऊ मराठी

Watermelon Side Effects: उन्हाळ्यात कलिंगड खाणे खूप फायदेशीर आहे. कलिंगडाध्ये ९२ टक्के पाणी असते, त्यामुळे उन्हाळ्यात ते शरीराला पाण्याचा पुरवठा करण्याचा उत्तम स्रोत आहे, पण त्याचे अतिसेवन काही लोकांसाठी विषासारखे आहे.

Watermelon Side Effects
कलिंगडाचे साईड इफेक्ट्स  |  फोटो सौजन्य: BCCL
थोडं पण कामाचं
  • हृदय रोगाचा त्रास असणाऱ्यांनी कलिंगड खाणे टाळावे
  • मधुमेहग्रस्त लोकांसाठी कलिंगड हानिकारक ठरू शकते.
  • सर्दी आणि खोकला असताना कलिंगड खाऊ नका.

कलिंगडाचे फायदे आणि साइड इफेक्ट्स: उन्हाळ्यात कलिंगड सर्वाधिक खाल्ले जाते. पाण्याचे प्रमाण जास्त असण्यासोबतच त्यात जीवनसत्त्वे A, B6, C, पोटॅशियम आणि मॅग्नेशियम, फायबर आणि अँटी-ऑक्सिडंट गुणधर्म यांसारखे अनेक पोषक घटक देखील असतात. त्यामुळे उन्हाळ्यात शरीराला पाण्याच्या पुरवठ्यासोबत पोषक तत्वेही मिळतात. मात्र, कलिंगड खाणे काही लोकांसाठी धोकादायक ठरू शकते.डॉक्टरांच्या म्हणण्यानुसार कलिंगडाचे जास्त सेवन करणे मधुमेह, सर्दी-खोकला आणि हृदयरोगींसाठी धोकादायक ठरू शकते. 

चला तर मग जाणून घेऊया, कोणत्या व्यक्तींसाठी कलिंगड खाणे विषासारखे आहे-


हृदय विकाराचा त्रास असणाऱ्यांसाठी कलिंगड हानीकारक


हृदयाशी संबंधित आजार असलेल्या लोकांसाठी कलिंगडाचे जास्त सेवन करणे धोकादायक ठरू शकते. कलिंगडासाठी पोटॅशियम मुबलक प्रमाणात आढळते, जे शरीरात वाढल्यास हृदयाचे ठोके वाढू शकतात. यासोबतच पल्स रेट कमी होण्याची समस्याही उद्भवू शकते.


मधुमेह असणाऱ्यांनी कलिंगड खाणे टाळावे

कलिंगडाच्या अतिसेवनाने मधुमेह असणाऱ्या रुग्णांच्या समस्याही वाढू शकतात. कलिंगड हे उच्च ग्लायसेमिक इंडेक्स असलेले फळ आहे. त्याच्या अतिसेवनाने शरीरातील ग्लुकोज वाढू शकते, जे मधुमेह असणाऱ्या रुग्णांसाठी हानिकारक ठरू शकते.


सर्दी आणि खोकला असताना कलिंगड खाऊ नये

उन्हाळ्यात जर एखाद्याला सर्दी-खोकल्याचा त्रास होत असेल तर त्यांच्यासाठी कलिंगड खाणे हानिकारक ठरू शकते. कलिंगडामध्ये पाण्याचे प्रमाण जास्त असल्याने त्याचा प्रभाव थंड होतो, ज्यामुळे सर्दी आणि खोकला वाढतो.

(Disclaimer: या लेखात सुचविलेल्या टिप्स आणि सल्ले फक्त सामान्य माहितीसाठी आहेतआणि व्यावसायिक वैद्यकीय सल्ला म्हणून त्याचा अर्थ लावला जाऊ नये. कोणताही फिटनेस प्रोग्राम सुरू करण्यापूर्वी किंवा आपल्या आहारात कोणतेही बदल करण्यापूर्वी, कृपया आपल्या डॉक्टरांचा सल्ला घ्या. डॉक्टरांचा सल्ला घ्या.)
 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी