तुम्ही प्लास्टिक वापरताय? तर लठ्ठपणाला मिळतेय निमंत्रण
प्लास्टिकचे दुष्परिणाम साऱ्यांनाच माहिती आहे मात्र तुम्हाला माहीत आहे का प्लास्टिक आणि लठ्ठपणाचे काय कनेक्शन आहे.
- संशोधनानुसार प्लास्टिकमुळे लठ्ठपणा वाढतो
- प्लास्टिकचा वापर टाळला पाहिजे
मुंबई: गेल्या अनेक वर्षांपासून प्लास्टिकवरील(plastic) बंदीबाबत विचार सुरू आहे.मात्र अद्याप पूर्ण प्लास्टिकबंदी(ban on plastic) घालण्यात आलेली नाही. रोजच्या आयुष्यात आपण पावलोपावली प्लास्टिकचा वापर करत असतो. दररोजच्या वापराच्या गोष्टींमध्ये प्लास्टिक असते. प्लास्टिक सुरूवातीपासून निसर्गास हानिकारक राहिले आहे. त्याचा आरोग्यावरही वाईट परिणामच होतो. प्लास्टिकपासून अनेक दुष्परिणाम होतात हे साऱ्यांनाच माहीत आहे मात्र याचा लठ्ठपणाशीही संबंध आहे बरं का...
अधिक वाचा - 'महाजेनको' 8 हजार मेगावॅट वीज निर्मिती करणार
सध्याच्या काळात लठ्ठपणा ही मोठी समस्या बनली आहे. जगभरात मोठ्या संख्येने लोक लठ्ठपणाने ग्रस्त आहेत. लठ्ठपणाची कारणे अनेक आहेत. अनेक अभ्यासातून हे समोर आले आहे की प्लास्टिकमुळे लठ्ठपणास निमंत्रण मिळाले आहे. प्लास्टिकमधील केमिकल्समुळे वजन वाढते.
प्लास्टिकमुळे होणारे दुष्परिणाम टाळण्यासाठी हे करा
- यूझ अँड थ्रो प्लास्टिक कप, प्लेट्स आणि डिशेसचा वापर करणे टाळा.
- मायक्रोव्हेव कंटेनरमध्ये अन्न गरम करू नका
- ज्या ब्युटी प्रॉडक्टमध्ये प्लास्टिक आहे अशा पदार्थांचा वापर करू नका.
- त्याऐवजी ज्यूट अथवा पेपर बॅगचा वापर करा.
- प्लास्टिक स्ट्रॉचा वापर करणे टाळा. त्याऐवजी स्टेनलेस स्टील अथवा लाकडाच्या स्ट्रॉचा वापर करा.
- सुट्टी चहा पावडर वापरा. टी बॅगचा वापर करणे टाळा.
- जर तुमच्या डिशवॉशर स्क्रबमध्ये प्लास्टिक असेल तर ते वापरू नका
- घरातील प्लास्टिक टप्परवेअरऐवजी काचेचे अथवा स्टीलचे डबे वापरा.
- प्लास्टिक कधीही रिसायकल अथवा रियूज होत नाही. त्यामुळे त्याचा वापर जास्तीत जास्त टाळा.
अधिक वाचा - रिझर्व्हेशन असूनही नाही मिळाली सीट, रेल्वेला १ लाखाचा दंड