Side effects of Holding Pee : लघवी रोखून धरल्यामुळे काय होतं? वाचा आणि चुका टाळा

कधी नाईलाज म्हणून तर कधी सवय म्हणून अनेकजण लघवी रोखून धरतात. मात्र याचे गंभीर दुष्परिणाम शरीरावर होत असतात.

Side effects of Holding Pee
लघवी रोखून धरल्याने काय होतं?  |  फोटो सौजन्य: Times Now
थोडं पण कामाचं
  • लघवी रोखून धरल्यामुळे होतात दुष्परिणाम
  • ब्लॅडरची क्षमता होते कमी
  • मासिक पाळीच्या काळात होतो अधिक त्रास

Side Effects of Holding Pee : कामाच्या गडबडीत अनेकदा लघवीला येऊनही त्याकडं दुर्लक्ष केलं जातं. काहीजण प्रवासात असताना स्वच्छतागृहाची सोय नसल्यामुळे लघवी रोखून धरतात, तर काहीजण निव्वळ आळशीपणामुळे लघवीला जाणं टाळतात. कधी नाईलाजास्तव तर कधी सवयीचा भाग म्हणून लघवी रोखून धरण्याचे प्रकार अनेकांकडून होत असतात. मात्र हे प्रकार आरोग्यासाठी घातक असल्याचं दिसून आलं आहे. लघवी रोखून धरल्यामुळे तात्कालिक त्रास तर होतोच, मात्र आपल्या मूत्राशयावर आणि मलनिस्सारण संस्थेवर त्याचे अनेक विपरित परिणामही होतात. 

ब्लॅडरची क्षमता होते कमी

सातत्याने लघवी रोखून धरण्याची सवय जडली तर ब्लॅडरची आकुंचन पावण्याची क्षमता कमी होण्याची शक्यता असते. आपलं ब्लॅडर हे नैसर्गिकरित्या आकुंचन आणि प्रसरण पावण्याचं काम करत असतं. जेव्हा अधिक काळ लघवी साठवून ठेवण्याची वेळ येते तेव्हा ब्लॅडर प्रसरण पावतं आणि लघवी बाहेर पडल्यानंतर ते पुन्हा आकुंचन पावतं. मात्र लघवी साठवून ठेवण्याची प्रवृत्ती वाढीस लागली तर मात्र आकुंचन पावण्याची ब्लॅडरची क्षमता कमी होऊ लागते. जर सातत्याने ब्लॅडर हे प्रसरण पावलेल्या अवस्थेत राहिलं, तर त्याची आकुंचित होण्याची वृत्ती कमी होते. याचे काही दुष्परिणाम शरीरावर होण्याची शक्यता असते. ब्लॅडर आकुंचन पावलं नाही, तर त्यात साठलेली सगळी लघवी बाहेर पडू शकत नाही. त्यामुळे लघवीला जाऊन आलं तरी सातत्याने लघवी लागल्याची भावना होत राहते. लघवी सातत्याने साठून राहिल्यामुळे ब्लॅडरमध्ये इन्फेक्शन होण्याचीही शक्यता असते. त्याचा दूरगामी परिणाम होऊन शस्त्रक्रिया करण्याची वेळ येऊ शकते.

अधिक वाचा - Fruits for weight loss : वजन कमी करण्याचा प्रयत्न करताय? ही फळं खाल्ली तर लवकर मिळेल फळ

किती लघवी साठवणे योग्य?

डॉक्टरांच्या सल्ल्यानुसार जास्तीत जास्त 2 कप लघवी शरीरात साठवणे योग्य आहे. त्यापेक्षा अधिक लघवी साठत असेल, तर लघवीला जाण्याच्या सवयी बदलण्याचा सल्ला दिला जातो. ज्यावेळी आपल्या शरीराचं ब्लॅडर 25 टक्के म्हणजेच एक चतुर्थांश भरतं, तेव्हा मेंदूला संकेत मिळतात आणि लघवीला जाण्याची भावना तयार होते. जर त्यानंतर लघवी केली नाही, तर युरिनमध्ये इन्फेक्शन होतं आणि युटीआयची (urinary tract infection) शक्यता बळावते. हा आजार अत्यंत वेदनादायी असतो आणि प्रत्येक वेळी लघवी करताना प्रचंड वेदनांचा सामना करावा लागू शकतो. जर यावर वेळीच उपाय केले नाहीत, तर गंभीर आजारात ही समस्या रुपांतरित होण्याची शक्यता असते.

अधिक वाचा - Plastic Surgery And Cosmetic Surgery: प्लॅस्टिक आणि कॉस्मेटिक सर्जरीमधील फरक तुम्हाला माहित आहे का? जाणून घ्या फरक

करा हे उपाय

लघवीशी संबंधित आजार टाळायचे असतील, तर नियमितपणे काही उपाय करणे गरजेचं आहे.

  1. मद्यपान केल्यामुळे अधिक प्रमाणात लघवी येते. त्यामुळे ब्लॅडरला इन्फेक्शन होण्याची शक्यता असते. यासाठी मद्यपान प्रमाणात करणे गरजेचं आहे.
  2. मासिक पाळीच्या काळात पेल्विक फ्लोअरच्या स्नायूंची क्षमता कमी झालेली असते. त्यामुळे वारंवार लघवीला जाण्याची गरज निर्माण होते. या दिवसांमध्ये पॅड वापरण्याऐवजी मॅस्ट्रुअल ब्लड कपचा वापर करण्याचा सल्ला दिला जातो. यामुळे पॅडच्या तुलनेत पाचपट अधिक रक्त साठवण्याची क्षमता असते.
  3. लघवीला आल्याची जाणीव होताच ताबडतोब लघवीला जाणे, हा आजार टाळण्याचा सर्वोत्तम उपाय असल्याचं डॉक्टर सांगतात. वेळच्या वेळी लघवीला जाण्याच्या सवयीमुळे वरील सर्व आजार सहज टाळता येणं शक्य आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी