Exercise for cervical : सर्व्हाईकलच्या वेदना करतात जगणं कठीण, या उपायांनी मिळेल दिलासा
सतत एका जागी बसल्यामुळे आणि इतर काही कारणांमुळे सर्व्हायकलचा त्रास सुरू होतो आणि हळूहळू तो वाढत जातो. काही विशिष्ट व्यायामांना या त्रासापासून सुटका करून घेता येऊ शकते. हे व्यायाम सर्व्हायकलची लक्षणं सौम्य करू शकतात.
सर्व्हाईकलच्या वेदना करतात जगणं कठीण | फोटो सौजन्य: Times of India
थोडं पण कामाचं
- सर्व्हायकलच्या वेदना असतात असह्य
- व्यायामांनी होते मान मोकळी
- नियमित व्यायामाने दूर होतात वेदना
Exercise for cervical : सर्व्हायकल स्पाँडिलोसीस या आजाराच्या वेदना अत्यंत त्रासदायक असतात. मान आणि त्याच्या आजूबाजूचा भाग दुखणे, सतत आखडलेला असणे आणि अधूनमधून चक्कर येणे ही या आजाराची प्राथमिक लक्षणं मानली जातात. सर्व्हायकल स्पाईन कमजोर होणे, हे त्यामागचं मुख्य कारण असतं. सतत एका जागी बसल्यामुळे आणि इतर काही कारणांमुळे हा त्रास सुरू होतो आणि हळूहळू तो वाढत जातो. काही विशिष्ट व्यायामांना या त्रासापासून सुटका करून घेता येऊ शकते. हे व्यायाम सर्व्हायकलची लक्षणं सौम्य करू शकतात. जाणून घेऊया, या व्यायामांविषयी.
१. नेक स्ट्रेच
- सर्वप्रथम एक जागी ताठ बसा
- तुमची हनुवटी पुढे आणा
- तुमच्या मानेत ताण जाणवेपर्यंत तुमची हनुवटी पुढे ढकलण्याचा प्रयत्न करा
- या स्थितीत 5 सेकंद राहा आणि पुन्हा पूर्वीच्या स्थितीत या.
- त्यानंतर मान मागे झुकवून हनुवटी वरच्या दिशेने उचला आणि मानेला ताण जाणवेपर्यंत वर न्या.
- ही कृती पाच वेळा करा
अधिक वाचा - Motion Sickness: प्रवासात होतो डोकेदुखी आणि उलटीचा त्रास? या चुका टाळा
२. नेक टिल्ट
- ताठ बसा आणि हनुवटी खाली झुकवा
- आपली हनुवटी छातीला टेकवण्याचा प्रयत्न करा
- या स्थितीत पाच सेकंद राहा आणि पुन्हा रिलॅक्स स्थितीत राहा
- हा व्यायाम पाच वेळा करा
३. साइड टू साइड नेक टिल्ट
- सरळ आण ताठ बसा.
- आपली मान एका बाजूला झुकवा.
- तुमचा कान खांद्याला टेकेपर्यंत एका बाजूला झुका
- कान खांद्याला टेकल्यानंतर तिथेच थांबा
- या अवस्थेत पाच सेकंंद थांबा
- पुन्हा सामान्य अवस्थेत या
- दुसऱ्या बाजूला मान झुकवा.
- कान खांद्याला टेकल्यानंतर तिथेच थांबा
- या अवस्थेत पाच सेकंंद थांबा
- पुन्हा सामान्य अवस्थेत या
- हा व्यायाम 5 वेळा करा
अधिक वाचा - Fever Cure Tips: ताप वाढल्यास करा हे घरगुती उपाय, लगेच मिळेल आराम
४. नेक टर्न
- ताठ बसा आणि कंबर सरळ असु द्या.
- मान डाव्या बाजूला फिरवा.
- जितकी शक्य होईल तितकी मान फिरवण्याचा प्रयत्न करा.
- मानेला पूर्ण ताण मिळाल्यानंतर त्या अवस्थेत पाच सेकंद राहा
- पुन्हा मान पूर्वस्थितीत आणा
- मान उजवीकडे फिरवा
- मानेला पूर्ण ताण ळाल्यानंतर त्या अवस्थेत पाच सेकंद राहा
- पुन्हा मान पूर्वस्थितीत आणा
- मान उजवीकडे फिरवा
- ही कृती पाच वेळा करा
नियमित करा व्यायाम
मानेला वेदना असताना हे व्यायाम करणं काहीसं त्रासदायक ठरू शकतं. मात्र नियमित हे व्यायाम केले, तर हळूहळू मान आणि पाठीच्या मणक्याच्या भागातील स्नायू शिथिल होत जातात आणि होणाऱ्या वेदना कमी होतात. त्यासाठी नियमितपणे हा व्यायाम करण्याचा सल्ला दिला जातो.
डिस्क्लेमर - सर्व्हायकलच्या वेदना कमी करण्याबाबत सामान्यज्ञानाच्या आधारे देण्यात आलेल्या या काही टिप्स आहेत. तुम्हाला याबाबत काही गंभीर प्रश्न असतील, तर तज्ज्ञांच्या सल्ल्याने उपचार घेणे आवश्यक आहे.