Garlic for Weight Loss : दररोज सकाळी लसूण खा आणि वजन घटवा
Weight Loss Tips, Eat Garlic for Weight Loss : दररोज सकाळी लसूण खाऊन झटपट वजन घटविणे सहज शक्य आहे.
Garlic for Weight Loss : दररोज सकाळी लसूण खा आणि वजन घटवा | फोटो सौजन्य: Representative Image
थोडं पण कामाचं
- Garlic for Weight Loss : दररोज सकाळी लसूण खा आणि वजन घटवा
- लसणात फायबर, कॅल्शियम, व्हिटॅमिन बी ६, व्हिटॅमिन सी, मँगनीज
- लसूण शरीरातील विषद्रव्ये शरीराबाहेर टाकण्यास मदत करते
Weight Loss Tips, Eat Garlic for Weight Loss : अनेकजण हल्ली वाढलेले वजन कसे कमी करावे या चिंतेत असतात. जेवढ्या सहजतेने वजन वाढते तेवढेच ते कमी करणे कठीण होऊन बसते. दीर्घकाळ व्यायाम आणि डाएट करूनही काहींच्या वजनात मर्यादीत घट होते. यामुळे निराश होऊन ते पुन्हा खाण्यापिण्याच्या चुकीच्या सवयींकडे वळतात आणि पुन्हा वजन वाढण्यास सुरुवात होते. या सर्व समस्या आता दूर होऊ शकतात. उपाय आहे लसूण. होय दररोज सकाळी लसूण खाऊन झटपट वजन घटविणे सहज शक्य आहे.
दररोज सकाळी रिकाम्या पोटी लसणाच्या किमान पाच पाकळ्या (कच्च्या लसणाच्या पाच पाकळ्या) व्यवस्थित चावून खाव्या. लसूण खाल्ल्याने वजन कमी करण्यास मोठी मदत मिळते.
बातमीची भावकी
- लसणात फायबर, कॅल्शियम, व्हिटॅमिन बी ६, व्हिटॅमिन सी, मँगनीज हे पोषक घटक आहेत. वजन घटविण्यासाठी हे सर्व पोषक घटक उपयुक्त आहेत.
- लसूण शरीरातील विषद्रव्ये शरीराबाहेर टाकण्यास मदत करते. तसेच लसूण फॅट बर्न करण्यास मदत करते. यामुळे लसणाच्या सेवनाने वजन कमी होण्यास मदत होते.
- लसूण व्यवस्थित चावून खाल्ल्यास भूक कमी होते. बराच वेळ पोट भरल्यासारखे वाटते. यामुळे वजन कमी होण्यास मदत होते.
- लसूण पचनक्षमता वाढवते आणि खाल्लेले पदार्थ लवकर पचविण्यास मदत करते.
- लसणात कमी कॅलरी असतात आणि शरीरातील अतिरिक्त कॅलरी बर्न करण्याचे काम लसूण करते.
- दररोज सकाळी रिकाम्या पोटी सहन होईल एवढे गरम पाणी प्यावे. तसेच लसणाच्या पाकळ्या खाव्या. यामुळे वजन घटविण्यास आणि पचनक्षमता वाढविण्यास मदत होते.
- जर लसूण पाकळ्या खाणे जमत नसेल तर एक ग्लास पाण्यात लसूण पाकळ्या भिजवून ठेवा. सकाळी ते पाणी प्या.
- काही जण मधासोबत लसूण पाकळ्या खातात. मधात मिसळून लसूण पाकळ्या खाण्यासाठी लसूण पाकळ्या किमान एक तास मधात मिसळून ठेवा. नंतर मध आणि लसूण या मिश्रणाचे सेवन करा. वजन कमी होण्यास मदत होईल
- वजन कमी करण्यासाठी रिकाम्यापोटी एक ग्लास पाणी, लिंबू रस मिसळून पिऊ शकता. या पाण्यात लसूण पाकळ्या मिसळू शकता.