हिवाळा महिना गुलाबी थंडीचा नाही तर धोक्याचा ऋतू, या दिवसात तब्बल 6 पटीने वाढतो Heart Attack चा धोका

वाळा (Winter) म्हटलं म्हणजे आपण सर्वजण गुलाबी थंडीचा आनंद लुटण्याचा विचार करत असतो. परंतु या ऋतूमध्ये अनेक आजारही होत असतात. या ऋतूत (Season) हृदयाची काळजी घेणं ही गरजेचं असतं.

Heart Attack
गुलाबी थंडीत 6 पटीने वाढतो हार्ट अटॅकचा धोका  |  फोटो सौजन्य: Times Now
थोडं पण कामाचं
  • हिवाळ्याच्या सुरूवातीला हृदयविकारामुळे होणारे मृत्यू खूप झपाट्याने वाढतात.
  • थंडीच्या दिवसांत तापामुळे आपल्या हृदयावर ताण येतो.
  • फ्लूचा संसर्ग झाल्यानंतर एका आठवड्यात हृदयविकाराचा धोका अचानक 6 पटीने वाढू शकतो.

Heart Health  : नवी दिल्ली : हिवाळा (Winter) म्हटलं म्हणजे आपण सर्वजण गुलाबी थंडीचा आनंद लुटण्याचा विचार करत असतो. परंतु या ऋतूमध्ये अनेक आजारही होत असतात. या ऋतूत (Season) हृदयाची काळजी घेणं ही गरजेचं असतं. हृदय हा आपल्या शरीराचा सर्वात महत्वाचा भाग आहे. पण आपल्या जीवनशैलीतील काही वाईट सवयींमुळे हृदय व रक्तवाहिन्यासंबंधी प्रणालीचे अपरिमित नुकसान होते.  दरम्यान हृदयासंबंधी धक्कादायक एक सत्य समोर आले आहे. संशोधकांच्या मते, हिवाळ्यात हृदयविकाराचा (Heart Attack) झटका येण्याचा धोका जास्त असतो.

लोकांना असं वाटतं की हिवाळ्यात फक्त सर्दी-पडसं आणि फ्लूचे रुग्ण वाढतात. पण सत्य तर हे आहे की, या दिवसांत हृदयविकाराचा धोका सर्वाधिक असतो. हिवाळ्याच्या सुरूवातीला हृदयविकारामुळे होणारे मृत्यू खूप झपाट्याने वाढतात. उन्हाळ्याच्या तुलनेत हिवाळ्यात हृदयविकाराचा झटका येण्याचा धोका दुपटीने वाढतो, असे अभ्यासातून दिसून आले आहे. संशोधकांना असे आढळून आले आहे की, थंडीच्या दिवसांत तापामुळे आपल्या हृदयावर ताण येतो. त्यामुळे निरोगी असलेल्यांसोबतच हृदयरोगींनीही हिवाळ्यात हृदयाची विशेष काळजी घेतली पाहिजे. पण या धोक्याला सक्रियपणे थांबवण्याचा आणि येणारे संकट टाळण्याचा काही मार्ग आहे का? याविषयी आपण मुंबई परेल येथील ग्लोबल हॉस्पिटलमधील कार्डियोवस्कुलर आणि थेरॅसिक सर्जरीचे सल्लागार डॉ. चंद्रशेखर कुलकर्णी यांच्याकडून आज जाणून घेणार आहोत..

6 पटीने वाढतो हार्ट अटॅकचा धोका काय आहे कारण?

टोरंटो विद्यापीठाने प्रकाशित केलेल्या आणि न्यू इंग्लंड जर्नल ऑफ मेडिसिनमध्ये प्रकाशित झालेल्या संशोधनात हृदयाच्या आरोग्याशी संबंधित एक शोध घेण्यात आला आहे. कॅनेडियन संशोधकांनी श्वसन संक्रमण, विशेषत: इन्फ्लूएंझा आणि हृदयविकाराचा झटका यांच्यात लक्षणीय संबंध नोंदवला आहे. Express.Co.Uk मधील संशोधनाने अहवाल दिला आहे की फ्लूचा संसर्ग झाल्यानंतर एका आठवड्यात हृदयविकाराचा धोका अचानक 6 पटीने वाढू शकतो. कारण इन्फ्लूएंझा हृदय आणि रक्तवहिन्यासंबंधित प्रणालीवर ताण आणतो.

हार्ट अटॅक आणि ऋतूचा संबंध

डॉ. चंद्रशेखर कुलकर्णी म्हणतात की, हिवाळ्याच्या दिवसांत हृदयविकाराच्या झटक्याचे प्रमाण सर्वात अधिक असते. ही स्थिती अशा लोकांमध्ये सर्वात सामान्य आहे ज्यांच्या धमन्या आधीच संकुचित आहेत. सकाळच्या वेळी हृदयविकाराचा झटका येण्याची शक्यता जास्त असते, जेव्हा तापमान सर्वात कमी असते. या ऋतूमध्ये शारीरिक हालचालींचा अभाव, मानसिक दडपण, खाण्यापिण्याच्या चुकीच्या सवयी आणि व्हायरल इन्फेक्शन यामुळे हृदयविकाराचा धोकाही वाढतो. 

फ्लू आणि इन्फूएंजामुळे हार्ट अटॅकचा धोका का वाढतो?

कोणत्याही संसर्गामुळे हृदयाची रक्त पंप करण्याची गरज अधिक वाढते, त्यामुळे आधीच खराब झालेल्या हृदयासाठी अधिकच त्रासदायक स्थिती निर्माण होते. याशिवाय, गंभीर इन्फ्लूएंझामुळे शरीरात ऑक्सिजनची पातळी कमी झाल्याने हृदयाचे ठोके अनियमित होऊ शकतात. रक्तदाब कमी झाल्यास मायोकार्डियल इस्केमिया होऊ शकतो.

इन्फ्लूएंजा व हार्ट अटॅकचा इतिहास आहे, धोक्याचे संकेत काय?

श्वास लागणे आणि कमी पातळी असलेल्या तापापासून इतर कोणत्याही प्रकारच्या तापाकडे वेळीच लक्ष दिले पाहिजे.

हिवाळ्यात फ्लूपासून कसा बचाव करावा?

डॉ कुलकर्णी म्हणतात की कोविड-19 साठी आपण पाळलेला एक साधा उपाय हृदयविकाराचा झटका टाळण्यासाठी पुरेसा आहे. ज्यांचे हृदय कमकुवत आहे, त्यांनी विशेषत: या ऋतूत स्वतःची काळजी घ्यावी. यावेळी डॉक्टरांनी आपल्या आहाराकडे विशेष लक्ष देण्याचा सल्ला दिला आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी