Dussehra 2022: दसऱ्याला करा 3 गोष्टींचे गुप्त दान; देवी होईल प्रसन्न आणि देईल अपार धन- संपत्ती
धर्म-कर्म-भविष्य
Pooja Vichare | -
Dussehra 2022: बुधवार, 5 ऑक्टोबर रोजी दसरा साजरा होणार आहे. या दिवसाला खूप महत्त्व आहे आणि या दिवशी केलेल्या काही विशेष गोष्टींचे दान केल्याने देवी लक्ष्मीची कृपा होते.
दसऱ्याला करा 3 गोष्टींचे गुप्त दान; देवी आपोआप होईल प्रसन्न
थोडं पण कामाचं
- या दिवशी दुर्गा देवीनं महिषासुराचा वध केला आणि भगवान रामाने अहंकारी रावणाचा वध केला म्हणून याला विजयादशमी असेही म्हणतात.
- याशिवाय शस्त्रे आणि वाहनांची पूजाही केली जाते. देवी लक्ष्मीला प्रसन्न करण्यासाठीही हा दिवस खूप खास आहे.
- दसऱ्याच्या दिवशी केलेल्या युक्त्या, उपाय, दान आणि उपासना जलद परिणाम दर्शवतात.
मुंबई: Dussehra 2022 Date: हिंदू धर्मात दसरा हा मोठा सण मानला जातो. शारदीय नवरात्रीच्या दहाव्या दिवशी दसरा साजरा केला जातो. या दिवशी दुर्गा देवीनं महिषासुराचा वध केला आणि भगवान रामाने अहंकारी रावणाचा वध केला म्हणून याला विजयादशमी असेही म्हणतात. त्यामुळे अधर्मावर धर्माचा विजय म्हणून या दिवशी रावणाचे दहन केले जाते. याशिवाय शस्त्रे आणि वाहनांची पूजाही केली जाते. देवी लक्ष्मीला प्रसन्न करण्यासाठीही हा दिवस खूप खास आहे. दसऱ्याच्या दिवशी केलेल्या युक्त्या, उपाय, दान आणि उपासना जलद परिणाम दर्शवतात. आज दसऱ्याच्या दिवशी 3 गोष्टींचे दान करण्याचे महत्त्व जाणून घेत आहोत, गुप्तपणे दान केल्याने देवी लक्ष्मी लवकर प्रसन्न होते.
अधिक वाचा- ऑक्टोबर महिन्यातील सूर्यग्रहण, येथे मिळेल संपूर्ण माहिती
दसऱ्याला या वस्तूंचे दान करा
दसऱ्याचा दिवस अपार सुख आणि समृद्धी घेऊन येतो. त्यामुळे या दिवशी देवी लक्ष्मी प्रसन्न होईल अशा गोष्टी कराव्यात. दसऱ्याच्या दिवशी गुप्तपणे 3 वस्तू दान केल्याने देवी लक्ष्मी लवकर प्रसन्न होते. दसऱ्याच्या दिवशी कोणत्याही मंदिरात नवीन झाडू दान करा. या दरम्यान देवी लक्ष्मीला सुख-समृद्धी लाभू दे अशी प्रार्थना करा. याशिवाय दसऱ्याच्या दिवशी रावण दहन केल्यानंतर गुप्तपणे अन्न, पाणी आणि वस्त्र दान करावे. असे केल्याने देवी लक्ष्मी नेहमी कृपाळू राहते आणि कधीही पैशाची कमतरता भासू देत नाही.
बातमीची भावकी
हे काम दसऱ्याच्या दिवशी करणे देखील खूप शुभ आहे.
याशिवाय दसऱ्याबाबत इतरही काही समजुती आहेत. दसऱ्याच्या दिवशी सोने, चांदी, कार इत्यादी मौल्यवान वस्तू खरेदी करणे खूप शुभ आहे. असे मानले जाते की, या दिवशी या वस्तू खरेदी केल्याने वर्षभर घरात सुख-समृद्धी राहते. याशिवाय दसऱ्याच्या दिवशी नीळकंठ पक्षी पाहणे आणि सुपारी खाणे देखील खूप शुभ मानले जाते.
(Disclaimer: येथे दिलेली माहिती सामान्य गृहीतके आणि माहितीवर आधारित आहे. Times Now Marathi याची पुष्टी करत नाही.)