Lunar Eclipse 2022: भारतातील या शहरात पहिल्यांदा दिसणार चंद्रग्रहण, जाणून घ्या इतर शहरांमधील ग्रहणाची वेळ
धर्म-कर्म-भविष्य
Pooja Vichare | -
Chandra Grahan 2022: वर्षातील शेवटचे चंद्रग्रहण 8 नोव्हेंबर रोजी होत असून ते अरुणाचल प्रदेशातील इटानगर शहरात प्रथम दिसणार आहे. हे चंद्रग्रहण देशात दिसणार असल्याने त्याचा सुतक कालावधीही वैध असेल.
भारतातील या शहरात पहिल्यांदा दिसणार चंद्रग्रहण, जाणून घ्या इतर शहरांमधील ग्रहणाची वेळ
थोडं पण कामाचं
- 15 दिवसांपूर्वी झालेल्या सूर्यग्रहणानंतर (solar eclipse ) आता उद्या 8 नोव्हेंबरला चंद्रग्रहण होणार आहे.
- वर्षातील शेवटचे चंद्रग्रहण (lunar eclipse ) भारतातील अनेक भागांमध्ये दिसणार आहे.
- सर्व प्रथम संपूर्ण चंद्रग्रहण अरुणाचल प्रदेशातील (Arunachal Pradesh) इटानगर शहरात दिसणार आहे.
मुंबई: Chandra Grahan 2022: 15 दिवसांपूर्वी झालेल्या सूर्यग्रहणानंतर (solar eclipse ) आता उद्या 8 नोव्हेंबरला चंद्रग्रहण होणार आहे. वर्षातील शेवटचे चंद्रग्रहण (lunar eclipse ) भारतातील अनेक भागांमध्ये दिसणार आहे. सर्व प्रथम संपूर्ण चंद्रग्रहण अरुणाचल प्रदेशातील (Arunachal Pradesh) इटानगर शहरात दिसणार आहे. दरम्यान भारतात हे चंद्रग्रहण पूर्वेकडील शहरांमध्ये चंद्रोदयानंतरच दिसणार आहे. हे चंद्रग्रहण संपूर्ण चंद्रग्रहण असल्याने त्याचा सुतक कालावधी वैध असेल आणि 9 तास आधी लागेल.
मेष राशीत चंद्रग्रहण होत आहे
वर्षातील शेवटचे चंद्रग्रहण मेष आणि भरणी नक्षत्रात होत आहे. ज्याचा सर्व 12 राशींवर परिणाम होईल. भारतीय वेळेनुसार हे चंद्रग्रहण 8 नोव्हेंबरला संध्याकाळी 5.20 वाजता दिसणार आहे आणि संध्याकाळी 6.20 वाजता संपेल. त्याचा सुतक कालावधी 8 नोव्हेंबर रोजी सकाळी 8.21 वाजता सुरू होईल.
अधिक वाचा- Alia Bhatt Ranbir Kapoor: आलिया आणि रणबीरच्या मुलीचं कसं असेल भविष्य? पाहा ज्योतिषाची भविष्यवाणी
या ठिकाणी पूर्ण चंद्रग्रहण दिसेल?
भारतीय वेळेनुसार दुपारी 1.32 पासून चंद्रग्रहण जगात दिसणार असले तरी भारतात ते संध्याकाळी चंद्रोदयासह दिसणार आहे. भारताबद्दल बोलायचे झाले तर संपूर्ण चंद्रग्रहण देशाच्या पूर्व भागात जसे की इटानगर, कोलकाता, पाटणा, सिलीगुडी, गुवाहाटी आणि रांची इत्यादी भागात दिसणार आहे. त्याचबरोबर अनेक शहरांमध्ये आंशिक चंद्रग्रहण दिसणार आहे. जगाच्या इतर भागांबद्दल बोलायचे तर हे चंद्रग्रहण ईशान्य युरोप, ऑस्ट्रेलिया, पॅसिफिक महासागर आणि हिंदी महासागरात दिसणार आहे.
भारतीय शहरांमध्ये चंद्रग्रहण सुरू होण्याची वेळ
दिल्ली संध्याकाळी 5.28
नोएडा संध्याकाळी 5.30
अमृतसर संध्याकाळी 5.32
लखनऊ संध्याकाळी 5.16
भोपाळ संध्याकाळी 5.36
लुधियाना संध्याकाळी 5.34
जयपूर संध्याकाळी 5.37
शिमला संध्याकाळी 5.20
मुंबई संध्याकाळी 6.01
कोलकाता संध्याकाळी 4.52
रायपूर संध्याकाळी 5.21
पाटणा संध्याकाळी 5.00
इंदूर संध्याकाळी 5.43
देहरादून संध्याकाळी 5.22
उदयपूर संध्याकाळी 5.49
गांधीनगर संध्याकाळी 5.55
बातमीची भावकी
(Disclaimer: येथे दिलेली माहिती सामान्य गृहीतके आणि माहितीवर आधारित आहे. Times Now Marathi याची पुष्टी करत नाही.)