Vakri Shani 2022: ५ जूनपासून शनि वक्र स्थितीत होणार मार्गस्थ; या ५ राशींवर होणार मोठा परिणाम

धर्म-कर्म-भविष्य
Updated Jun 03, 2022 | 15:18 IST | टाइम्स नाऊ मराठी

Shani Vakri 5 June 2022 Effect on Zodiac Signs । ज्योतिषशास्त्रामध्ये शनिदेवाला न्यायाधीश मानले जाते. शनि देवाला कर्माचा दाता देखील म्हणतात. शनिच्या राशी बदलामुळे तीन राशींवर शनीची ढैय्या आणि दोन राशींवर शनिची साडेसाती सुरू आहे.

Saturn will be in curved position from 5th June; These 5 Zodiac Signs will have a big effect
५ जूनपासून शनि वक्र स्थितीत होणार मार्गस्थ, वाचा सविस्तर   |  फोटो सौजन्य: BCCL
थोडं पण कामाचं
  • ज्योतिषशास्त्रामध्ये शनिदेवाला न्यायाधीश मानले जाते.
  • शनि देवाला कर्माचा दाता देखील म्हणतात.
  • . शनिच्या राशी बदलामुळे तीन राशींवर शनीची ढैय्या आणि दोन राशींवर शनिची साडेसाती सुरू आहे.

Shani Vakri 5 June 2022 Effect on Zodiac Signs । मुंबई : ज्योतिषशास्त्रामध्ये शनिदेवाला न्यायाधीश मानले जाते. शनि देवाला कर्माचा दाता देखील म्हणतात. शनिच्या राशी बदलामुळे तीन राशींवर शनीची ढैय्या आणि दोन राशींवर शनिची साडेसाती सुरू आहे. आता शनि आपली चाल बदलणार आहे. ५ जूनपासून शनि वक्र म्हणजेच उलट्या चालीने मार्गस्थ होईल. शनिच्या वक्र स्थितीचा शनिच्या साडेसाती आणि ढैय्यामुळे त्रस्त असलेल्या राशींवर अधिक प्रभाव पडेल. (Saturn will be in curved position from 5th June; These 5 Zodiac Signs will have a big effect). 

जाणून घ्या कोणत्या राशींवर साडेसाती आणि ढैय्या चालू आहे 

सध्या शनिदेव कुंभ राशीत भ्रमण करत आहेत. त्यामुळे शनिच्या या संक्रमणामुळे कुंभ, मकर आणि मीन राशीत शनी ढैय्या सुरू आहेत. कर्क आणि वृश्चिक राशींवर शनिच्या ढैय्याचा प्रभाव आहे. 

अधिक वाचा : पैसे परत मिळवण्यासाठी शेजाऱ्याच्या गेटवर केला बॉम्बस्फोट

वक्र स्थितीतील शनि या राशींवर टाकणार प्रभाव

  1. मकर राशी - मकर राशीवर शनिच्या साडेसातीचा प्रभाव आहे. त्यामुळे मकर राशीतील लोकांच्या नोकरी आणि व्यवसायात काही अडचणी येऊ शकतात. शनिच्या वक्र अवस्थेत तुम्ही सावधगिरी बाळगणे आवश्यक आहे. मेहनतीवर विश्वास ठेवा. शनिवारी हनुमान चालिसाचे पठण केल्यास फायदा होईल.
  2. कुंभ राशी - शनिदेव तुमच्या राशीत विराजमान आहेत आणि तुमच्या राशीत वक्र चालीत वाटचाल करतील. त्यामुळे शनिची उलटी चाल तुमच्यावर सर्वाधिक परिणाम करेल. पैशाच्या बाबतीत संयम बाळगावा लागेल. शनिवारी एखाद्या गरीब किंवा गरजू व्यक्तीला दान केल्याने शनिदेव प्रसन्न होतात.
  3. मीन राशी - मीन राशीच्या लोकांसाठी शनिच्या साडेसातीचा पहिला टप्पा सुरू आहे. अशा स्थितीत वक्र चालीत असलेला शनि तुमच्या करिअरमध्ये अडचणी निर्माण करू शकतो. अनावश्यक खर्चामुळे तुम्हाला मानसिक ताण येऊ शकतो. जोडीदाराला आनंदी ठेवण्याचा प्रयत्न करा. शनिवारी शनि चालिसाचे पठण करणे लाभदायक ठरेल.
  4. कर्क राशी - कर्क राशीच्या लोकांसाठी शनी ढैय्या सुरू आहेत. शनिच्या ढैय्याच्या या काळात तुम्हाला अडचणींचा सामना करावा लागतो. वक्र स्थितीतील शनिच्या काळात तुम्हाला पैसा आणि आरोग्याशी संबंधित बाबींमध्ये सावध राहण्याचा सल्ला देण्यात आला आहे. शनिवारी शनिशी संबंधित वस्तूंचे दान करणे लाभदायक ठरेल.
  5. वृश्चिक राशी - शनिची वक्र अवस्था तुमच्या स्वभावावर अधिक प्रभाव टाकू शकते. तुम्ही क्रोध आणि अहंकाराचे बळी होऊ शकता. त्यामुळे तुमचे काम बिघडू शकते. वैवाहिक जीवनात अडचणी येऊ शकतात. शनिवारी हनुमानजींची पूजा केल्यास लाभ होईल.

डिस्क्लेमर : वरील दिलेल्या गोष्टी या पूर्वापारपासून सुरू असलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी