Vastu Tips For Plant: 'हे' झाड लावल्याने घरात येईल पैसाच-पैसा, काही दिवसातच व्हाल कोट्यधीश
Vastu Plant Tips: वास्तुशास्त्रात अशा अनेक झाडं आणि रोपांविषयी सांगण्यात आलं आहे की, जे घरात लावल्याने सकारात्मक उर्जा संचारते. यासोबतच माता लक्ष्मीची कृपाही त्या व्यक्तीवर होते. आज आपण अशाच आणखी एका वनस्पतीबद्दल जाणून घेणार आहोत.
'हे' झाड लावल्याने घरात येईल पैसाच-पैसा, व्हाल कोट्यधीश!
थोडं पण कामाचं
- वास्तू शास्त्रातील काही खास टिप्स
- बेलाचे झाड घराजवळ लावणं शुभदायक
- माता लक्ष्मीची आपल्यावर होईल कृपा
Bilva Tree Tips: वास्तुशास्त्रात (Vastu) प्रत्येक वनस्पतीचे (tree) वेगळे महत्त्व अधोरेखित करण्यात आले आहे. जे घरात किंवा घराबाहेर लावण्याचा उद्देशही वेगळा असतो. वास्तू तज्ज्ञांच्या मते, झाड किंवा रोप योग्य दिशेने किंवा योग्य ठिकाणी लावले तरच ते सकारात्मक परिणाम देतात. अन्यथा आपल्याला नकारात्मक परिणामांना सामोरे जावे लागते. लक्ष्मी मातेची (Laxmi Mata) कृपादृष्टी आपल्यावर कायम राहावी यासाठी घरात तुळशीचे रोप (Tulsi) लावले जाते. जेणेकरून माता लक्ष्मी सदैव आपल्या घरात आणि कुटुंबात वास करेल. मात्र, याच्याशिवाय जर घरात पैशाची कमतरता भासू द्यायची नसेल तर घराजवळ बेलाचे (बिल्वदल) झाड लावणे योग्य आहे. (vastu tips not only basil bilva plant also attracts money like a magnet makes millionaires in a few days)
बेलाच्या झाडाचे नाव ऐकताच आपल्या मनात भगवान शंकराचे नाव पहिले येते. शतकानुशतके शिवलिंगावर बेलाची पाने ही अर्पण केली जात आहेत. याबाबत असेही म्हटले जाते की, भगवान महादेवाला बिल्वपत्र हे खूपच प्रिय आहे. पण तुम्हाला माहित आहे का की, यामध्ये लक्ष्मी मातेचा देखील वास असतो. त्यामुळे बेलपत्राची पूजा केल्याने शंभू महादेव तसेच लक्ष्मीची मातेची देखील कृपा आपल्यावर होते. चला जाणून घेऊया बेलाच्या झाडाचे नेमके काय आहेत फायदे.
घराजवळ बेलाचे झाड लावण्याचे नेमके फायदे
- - ज्योतिष शास्त्रात असे सांगितले आहे की, घराजवळ बेलाचे झाड लावल्याने त्या घरातील व्यक्तीला कोणत्याही प्रकारच्या आर्थिक समस्यांचा सामना करावा लागत नाही. असे म्हणतात की, बेलाच्या वृक्षाखाली उभे राहून अन्न, खीर, मिठाई इत्यादी दान केल्याने त्या व्यक्तीच्या घरी कधीही गरिबी येत नाही.
- - असं म्हटलं जातं की, घराजवळ बेलाचे झाड लावल्यास घरात साप येत नाहीत, बेलाचे झाड हे शंभू महादेवाशी संबंधित आहे.
- - वास्तूनुसार बेलाचे झाड लावल्याने शिवशंभू देवाचा आशीर्वाद प्राप्त होतो. असे केल्याने आपली रखडलेली सर्व कामं देखील पूर्ण होतात.
अधिक वाचा: Bel Patra Tree Benefit: घरात बेल लावण्याचे 5 फायदे, या दिशेला बेल लावल्याने फायदे होतील
- - बेलाच्या झाडाची मुळं जर लाल कपड्यात बांधून घराच्या तिजोरीत ठेवल्यास त्या व्यक्तीला कधीही पैशाची कमतरता भासत नाही.
- - असे मानले जाते की, बेलाचे झाड लावल्याने संततीची वृद्धी होते. त्याचबरोबर हे झाड तोडल्याने संततीची वाढ देखील खुंटते.
- - असे मानले जाते की या झाडाला स्वच्छ पाण्याने दिल्याने आपले पितृ तृप्त होतात आणि त्यांचा आपल्याला आशीर्वाद प्राप्त होतो.
- - वास्तु तज्ज्ञांच्या मते, बेलाचे झाड आणि पांढरा आक जोडीने लावल्याने शिवशंकर आणि माता लक्ष्मी या दोघांचा आशीर्वाद प्राप्त होतो.
(टीप: वर देण्यात आलेली माहिती ही सामान्य गृहीतके आणि माहितीवर आधारित आहे. टाइम्स नाऊ मराठी याची पुष्टी करत नाही.)