utensils as per your zodiac sign कोणत्या राशीच्या व्यक्तींनी कोणत्या धातुची भांडी वापरावी?

कोणत्या राशीच्या व्यक्तींनी कोणत्या धातुची भांडी वापरावी? 

ज्यांचा ज्योतिषशास्त्रावर विश्वास आहे त्यांनी आपल्या राशीनुसार विशिष्ट धातुची भांडी वापरणे लाभाचे आहे. ज्योतिषशास्त्रात कोणत्या राशीच्या व्यक्तींनी कोणते पदार्थ खावे, त्यांना कोणत्या आजाराचा त्रास संभवतो किंवा धोका आहे अशी विविध प्रकारची माहिती विस्तृत स्वरुपात दिली आहे. ज्योतिषशास्त्रातील ग्रह आणि राशी यांचे गुणधर्म विचारात घेऊन राशीनिहाय धातुची भांडी सुचवण्यात आली आहेत. तसेच राशीनुसार तब्येतीची काळजी घेण्याच्या सूचना देण्यात आल्या आहेत. ज्योतिषशास्त्र आणि वास्तविकता यांचे संतुलन साधून आपण उत्तम निरोगी आयुष्य जगू शकता. 

1. ज्योतिषशास्त्रानुसार मेष, सिंह आणि वृश्चिक या तीन राशींच्या नागरिकांनी तांब्याची भांडी वापरावी. जर ते शक्य नसेल तर दिवसातून किमान काही वेळ तांब्याचे भांडे वापरावे. यामुळे अनेक शारीरिक समस्या दूर होण्यास मदत होईल.
2. ज्योतिषशास्त्रानुसार मिथुन, कन्या, धनु आणि मीन या चार राशींच्या नागरिकांनी स्टील किंवा पितळ्याची भांडी वापरावी. दिवसातून किमान एकदा तरी स्टील किंवा पितळ्याच्या भांड्याचा वापर करावा.
3. ज्योतिषशास्त्रानुसार वृषभ, कर्क आणि तूळ या तीन राशींच्या नागरिकांनी दिवसातून किमान एकदा तरी पितळ्याची किंवा चांदीची अथवा पंचधातू अथवा अष्टधातूपासून तयार केलेली भांडी वापरावी. 
4. ज्योतिषशास्त्रानुसार मकर राशीच्या नागरिकांनी दिवसातून किमान एकदा तरी लाकडी भांडे वापरावे.
5. ज्योतिषशास्त्रानुसार कुंभ राशीच्या नागरिकांनी दिवसातून किमान एकदा तरी स्टीलच्या भांड्यांचा वापर करावा.