Makar Sankranti 2022: मकर संक्रांतीचा सण 'या' पाच राशींसाठी शुभ, जाणून घ्या यात तुमची राशी आहे का?

Makar Sankranti सूर्य जेव्हा एका राशीतून दुसऱ्या राशीत प्रवेश करतो तेव्हा त्याला ज्योतिषात (astrology) संक्रांत म्हंटले जाते. मकर संक्रांतीच्या मुहूर्तावर सूर्याचा मकर राशीत प्रवेश होतो. एका संक्रांतीपासून दुसऱ्या संक्रांती पर्यंतचा काळ हा सौर मास (महिना) म्हणून ओळखला जातो.

makar sankranti
मकर संक्रांतीचा सण 'या' पाच राशींसाठी शुभ  |  फोटो सौजन्य: Times Now
थोडं पण कामाचं
  • 14 जानेवारी 2022 रोजी मकर राशीत 3 ग्रहांचा संयोग होईल, यासोबतच बुद्धादित्य योगही तयार होणार आहे.
  • पाच राशींवर सूर्यदेवाची विशेष कृपा राहील.
  • या राशीच्या लोकांना, सूर्याच्या संक्रमणा दरम्यान कार्य क्षेत्रात प्रसिद्धी मिळू शकते
Makar Sankranti नवी दिल्ली : सूर्य जेव्हा एका राशीतून दुसऱ्या राशीत प्रवेश करतो तेव्हा त्याला ज्योतिषात (astrology) संक्रांत म्हंटले जाते. मकर संक्रांतीच्या मुहूर्तावर सूर्याचा मकर राशीत प्रवेश होतो. एका संक्रांतीपासून दुसऱ्या संक्रांती पर्यंतचा काळ हा सौर मास (महिना) म्हणून ओळखला जातो. पौष महिन्यात सूर्य उत्तरायण होऊन मकर राशीत प्रवेश करतो. या 14 जानेवारी 2022 रोजी मकर राशीत 3 ग्रहांचा संयोग होईल, यासोबतच बुद्धादित्य योगही तयार होणार आहे. ग्रहांच्या स्थितीचा लाभ अनेक राशींना होतो, परंतु पाच राशींवर सूर्यदेवाची विशेष कृपा राहील. आज आपण त्या राशींविषयी जाणून घेणार आहोत.. 

मेष राशी

या राशीच्या लोकांना, सूर्याच्या संक्रमणा दरम्यान कार्य क्षेत्रात प्रसिद्धी मिळू शकते. राजकारणाच्या क्षेत्रात काम करणाऱ्यांची जनतेसमोर चांगली प्रतिमा बनू शकते. वैयक्तिक जीवनातील सकारात्मक बदलांमुळे तुमचे नाते सुधारणे शक्य आहे. सरकारी अडथळ्यांमुळे कामातील अडथळे दूर होण्याची शक्यता आहे. ज्या लोकांचा घरगुती व्यवसाय असेल ते त्या व्यवसायाकडे लक्ष देतील.

वृषभ राशी

या संक्रमणा दरम्यान वृषभ राशीच्या लोकांना मेहनतीचे फळ मिळू शकते. तसेच तुम्ही तुमच्यातील नकारात्मकता किंवा वाईट गोष्टी दूर करण्याचा प्रयत्न करू शकतात. धार्मिक कार्यक्रमात सहभागी व्हाल किंवा तुमच्या घरी मांगलिक शुभ प्रसंगाचे आयोजन केले जाईल. जर तुम्ही कोणावर प्रेम करत असाल तर मकर संक्रांती नंतर त्यांना लग्नासाठी मागणी घालू शकता आणि सकारात्मक प्रतिसाद मिळेल.

​कन्या राशीवर काय आहे मकर संक्रांतीचा प्रभाव

कन्या राशीचे विद्यार्थी जीवनात पूर्वी आलेल्या आव्हानांवर मात करतील. दिवसाच्या मध्यभागी एकाग्रता साधली पाहिजे. प्रेम जीवनामध्येही या राशीच्या लोकांमध्ये सुखद बदल होतांना दिसेल. संतती संबंधी तुम्हाला जी काळजी होती, ती तुम्ही तुमच्या जोडीदाराजवळ बोलू शकता. कामाच्या ठिकाणी तुमची प्रतिमा सुधारेल, मकर राशीत सूर्याचे भ्रमण सुरू असतांना तुम्ही तुमच्या कामाशी काम ठेवाल, जे तुमच्यासाठी चांगले राहील.

वृश्चिक राशी

मकर राशीत भ्रमण करताना सूर्य तुमच्या धैर्याच्या आणि पराक्रमाच्या तिसऱ्या स्थानी विराजमान होईल, म्हणून वृश्चिक राशीच्या लोकांमध्येही धैर्य आणि पराक्रमात वृद्धी होईल. उघडपणे तुम्ही तुमचं गुपीत लोकांशी शेअर कराल आणि इतरांचे बोलणे देखील समजून घ्याल. तुम्ही तुमचं मन सुधाराल, तुमची भूमिका चांगल्या प्रकारे पार पाडाल.

​मीन राशी

या राशीचे कही लोक त्यांच्या मुलांच्या इच्छा पूर्ण करण्‍यासाठी पैसे खर्च करतांना दिसतील. सूर्य देव तुमच्‍या राशीत अकराव्या भावात प्रवेश करेल, यामुळे लाभाची भावना प्राप्त होईल. जे लोक सरकारी नोकऱ्या करतात, त्यांना आर्थिक लाभ होण्याची शक्यता आहे. नोकरी करत असाल तर परदेशी स्त्रोतांच्या माध्यमातून मीन राशीच्या काही लोकांना लाभ मिळण्याची शक्यता आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी