Numerology Prediction June 2022: जून महिन्यात या लोकांचे उजळणार भाग्य; पैशानेही होणार मालामाल

भविष्यात काय
Updated Jun 03, 2022 | 14:26 IST | टाइम्स नाऊ मराठी

Numerology Prediction June 2022 । ज्योतिषशास्त्राप्रमाणे अंकशास्त्रदेखील व्यक्तीचे भविष्य, स्वभाव आणि व्यक्तिमत्व सांगत असते. ज्याप्रमाणे प्रत्येक नावानुसार राशी असते, त्याचप्रमाणे अंकशास्त्रात प्रत्येक संख्येनुसार राशी असतात.

The fortunes of these people will shine in the month of June
जून महिन्यात या लोकांचे उजळणार भाग्य, पैशानेही होणार मालामाल  |  फोटो सौजन्य: BCCL
थोडं पण कामाचं
  • ज्योतिषशास्त्राप्रमाणे अंकशास्त्रदेखील व्यक्तीचे भविष्य, स्वभाव आणि व्यक्तिमत्व सांगत असते.
  • अंकशास्त्रात प्रत्येक संख्येनुसार राशी असतात.
  • अंकशास्त्रातील संख्येला मूलांक असेही म्हणतात.

Numerology Prediction June 2022 । मुंबई : ज्योतिषशास्त्राप्रमाणे (Astrology) अंकशास्त्रदेखील व्यक्तीचे भविष्य, स्वभाव आणि व्यक्तिमत्व सांगत असते. ज्याप्रमाणे प्रत्येक नावानुसार राशी असते, त्याचप्रमाणे अंकशास्त्रात (Numerology) प्रत्येक संख्येनुसार राशी असतात. अंकशास्त्रानुसार, तुमची संख्या काढण्यासाठी तुम्ही तुमची जन्मतारीख, महिना आणि वर्ष एकक अंकापर्यंत जोडता आणि त्यानंतर जो क्रमांक येईल तो तुमचा भाग्यांक असेल. (The fortunes of these people will shine in the month of June). 

अधिक वाचा : पैसे परत मिळवण्यासाठी शेजाऱ्याच्या गेटवर केला बॉम्बस्फोट

  1. मूलांक १ - कार्यक्षेत्रात प्रगती होईल आणि जीवनात मान-सन्मान वाढेल. आर्थिक संपत्ती वाढीसाठी शुभ योग घडत आहेत आणि तुम्ही तुमच्या गुंतवणुकीतून पैसे कमवाल. प्रेमसंबंधात समाधानी असाल परंतु जर तुम्ही तुमच्या आतील मनाचे म्हणणे ऐकले तर चांगले परिणाम दिसून येतील. जूनच्या शेवटी, वेळ अनुकूल असेल आणि तुम्ही तुमच्या भविष्याबद्दल काही ठोस विचार कराल.
  2. मूलांक २ - या महिन्यात तुमच्या कार्यक्षेत्रात हळू-हळू प्रगती होईल आणि तुमच्या कार्यात तुम्हाला यश मिळेल. आर्थिक व्यवहार या महिन्यात अधिक होऊ शकतात. तसेच तुम्हाला तुम्हाला तुमच्या गुंतवणुकीची काळजी घ्यावी लागेल. प्रेमसंबंधात व्यावहारिक निर्णय घेण्याची गरज आहे. जूनअखेर ज्येष्ठांच्या आशिर्वादाने जीवनात आनंद आणि सुख-समृद्धी येऊ शकते. 
  3. मूलांक ३ - आर्थिक बाबतीत वेळ अनुकूल असेल आणि तुम्ही तुमच्या गुंतवणुकीतून फायदा मिळवण्यास सक्षम असाल. कामाच्या ठिकाणी निष्काळजीपणामुळे त्रास होऊ शकतो. प्रेम संबंधात अहंकाराचा संघर्ष टाळा, अन्यथा अडचणी येऊ शकतात. जूनअखेरीस चर्चेतून प्रश्न सुटतील, चांगले परिणाम समोर येतील.
  4. मूलांक ४ - आर्थिक बाबतीत वेळ अनुकूल असेल आणि मेहनतीच्या जोरावर तुम्हाला पैसा मिळवू शकाल. कार्यक्षेत्रात प्रगतीची संधी मिळेल आणि तुम्हाला नवीन प्रोजेक्टमधून भरपूर लाभ मिळतील. प्रेमसंबंधात कठोर परिश्रम आणि प्रयत्नांच्या बळावर तुम्ही खूप काही साध्य करू शकाल. जूनच्या शेवटी न्यायालयीन प्रकरणे तुमच्या बाजूने होतील.
  5. मूलांक ५ - आर्थिक बाबींमध्ये वेळ अनुकूल राहील आणि तुम्ही तुमच्या अंतर्ज्ञानाचे पालन करून निर्णय घेतल्यास चांगले परिणाम मिळतील. प्रेमाच्या नात्यातील वचन पूर्ण होण्यास वेळ लागेल, परंतु तुम्ही तुमच्या बाजूने प्रयत्न करत राहिला तरच तुम्ही स्वस्थ असाल. जून अखेरीस काळ अनुकूल होईल आणि मान-सन्मान वाढेल.
  6. मूलांक ६ - कार्यक्षेत्रात लक्षणीय प्रगती होईल आणि नवनवीन प्रकल्प यशाकडे वाटचाल करतील. आर्थिक बाबतीत वेळ अनुकूल राहील आणि अचानक धनामध्ये वाढ शक्यता आहे. प्रेमसंबंधात काही चांगली बातमी मिळू शकते. जूनच्या शेवटी परिस्थिती तुमच्यासाठी प्रतिकूल असू शकते आणि तुम्ही संयमाने जीवनात निर्णय घेतल्यास, चांगले परिणाम मिळतील.
  7. मूलांक ७ - कार्यक्षेत्रात प्रगती होईल आणि या महिन्यापासून तुम्ही तुमच्या प्रकल्पात काही नवीन बदल घडवून आणू शकता. आर्थिक बाबतीत वेळ अनुकूल असून पैसा लाभदायक राहील. तुमचे प्रियजनही पुढे जाऊन तुमची संपत्ती वाढवण्यात मदत करू शकतात. प्रेमसंबंधात प्रतिकूल परिस्थिती निर्माण होईल आणि या महिन्यात कोणताही महत्त्वाचा निर्णय पुढे ढकलल्यास चांगले होईल. जूनच्या शेवटी चांगली बातमी मिळेल.
  8. मूलांक ८ - कामाच्या ठिकाणी प्रगती होईल तसेच नवीन प्रकल्प यशस्वी होतील. तुमच्या अपेक्षेपेक्षा थोडे कमी असले तरी. आर्थिक बाबींमध्ये खर्च जास्त असू शकतो आणि आरोग्याशी संबंधित खर्च देखील वाढू शकतो. प्रेमसंबंधात परस्पर प्रेम अधिक घट्ट होईल. जून महिन्याच्या अखरीस तुम्हाला अचानक कुठूनतरी मदत मिळेल, ज्यामुळे सुख-समृद्धीचा मार्ग मोकळा होईल.
  9. मूलांक ९ - प्रेम संबंध रोमँटिक राहतील आणि परस्पर प्रेम अधिक घट्ट होईल. तुम्ही तुमच्या जोडीदारासोबत कुठेतरी बाहेर जाण्याचा निर्णयही घेऊ शकता. आर्थिक संपत्तीचा लाभ हळूहळू होईल आणि शेवटी गुंतवणुकीतून फायदा होईल. कामाच्या ठिकाणी कोणताही नवीन प्रकल्प अडचणींनी भरलेला राहील आणि नुकसान होण्याची शक्यताही वाढत आहे. जूनच्या अखेरीस अहंकारामुळे होणाऱ्या भांडणापासून स्वत:ला वाचवा. अन्यथा त्रास वाढू शकतो.


डिस्क्लेमर : वरील दिलेल्या गोष्टी या पूर्वापारपासून सुरू असलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी