Amavasya 2022 Date Time: यंदाच्या वर्षातली शेवटची अमावस्या पितरांच्या मुक्तीसाठी महत्त्वाची

वर्षातली शेवटची अमावस्या पितरांच्या मुक्तीसाठी महत्त्वाची  |  फोटो सौजन्य: Representative Image

Amavasya 2022 Date Time, do this important work for the peace of ancestors: महाराष्ट्रात वापरल्या जाणाऱ्या हिंदू पंचागानुसार गुरुवार 22 डिसेंबर 2022 आणि शुक्रवार 23 डिसेंबर 2022 रोजी मार्गशीर्ष महिन्यातील अमावस्या आहे. ही 2022 या वर्षातील शेवटची अमावस्या आहे. या अमावस्येला पहाटे आंघोळ करतात, सूर्याला अर्ध्य देतात. नंतर घरातल्या देवांची पूजा करतात. यानंतर पितरांचे श्राद्ध केले जाते. पितरांना मुक्ती मिळावी यासाठी हा विधी केला जातो. अमावस्येच्या दिवशी यथाशक्ती दान करून पुण्यसंचय केला जातो. 

पंचागानुसार गुरुवार 22 डिसेंबर रोजी संध्याकाळी 7 वाजून 14 मिनिटांनी अमावस्या या तिथीचा प्रारंभ होत आहे. शुक्रवार 23 डिसेंबर रोजी दर्शवेळा अमावस्या आहे. अमावस्या या तिथीची समाप्ती दुपारी 3 वाजून 47 मिनिटांनी होईल. यामुळे अमावस्येशी संबंधित धार्मिक विधी शुक्रवार 23 डिसेंबर 2022 रोजी तिथी समाप्तीच्या आधी पूर्ण करणे योग्य होईल.  अमावस्येचा प्रारंभ गुरुवारी संध्याकाळी होत असल्यामुळे तिथीशी संबंधित विधी शुक्रवार 23 डिसेंबर रोजी केले जातील. 

गुरुवार 22 डिसेंबर 2022
सूर्योदयाची वेळ : सकाळी 7 वाजून 7 मिनिटे

शुक्रवार 23 डिसेंबर 2022
दर्शवेळा अमावस्या
सूर्योदयाची वेळ : सकाळी 7 वाजून 7 मिनिटे

अमावस्येच्या दिवशी पुण्यसंचय करण्यासाठी करायच्या कृती....

1. गायीला आणि कुत्र्याला अन्न खाऊ घाला. प्राण्यांची काळजी घ्या, त्यांचे संगोपन करा.
2. गरजूंना अन्नदान, वस्त्रदान, पैशांच्या स्वरुपातील दान करा. यथाशक्ती दान करा.
3. रुग्ण, ज्येष्ठ नागरिक आणि दिव्यांग याची सेवा करा.
4. नियम आणि कायदे पाळा. वाद टाळा. 

बातमीची भावकी

Margashirsha Purnima 2022: मार्गशीर्ष पौर्णिमेला करा फक्त ही गोष्ट, सर्व इच्छा होतील पूर्ण

New Year 2023 upay: 2023 वर्षाच्या पहिल्या दिवशी करा 'हे' उपाय, वर्षभर होईल पैशांचा वर्षाव

शनि भारी असेल अथवा शनि पीडा, शनि ढय्या, शनि साडेसातीचा त्रास असेल तर करा हे सोपे पण प्रभावी 11 उपाय

12 राशींवरील शनिचा प्रभाव, Effect of Shani on 12 Zodiac Signs

1. मेष रास : 2022 आणि 2023 मध्ये शनि साडेसातीचा फेरा किंवा शनि ढय्या नाही
2. वृषभ रास : 2022 आणि 2023 मध्ये शनि साडेसातीचा फेरा किंवा शनि ढय्या नाही
3. मिथुन रास : 17 जानेवारी 2023 रोजी शनि ढय्येतून मुक्तता
4. कर्क रास : 17 जानेवारी 2023 पासून शनि ढय्या सुरू
5. सिंह रास : 2022 आणि 2023 मध्ये शनि साडेसातीचा फेरा किंवा शनि ढय्या नाही
6. कन्या रास : 2022 आणि 2023 मध्ये शनि साडेसातीचा फेरा किंवा शनि ढय्या नाही
7. तुळ रास : 17 जानेवारी 2023 रोजी शनि ढय्येतून मुक्तता
8. वृश्चिक रास : 17 जानेवारी 2023 पासून शनि ढय्या सुरू
9. धनु रास : 17 जानेवारी 2023 रोजी शनि साडेसातीच्या फेऱ्यातून मुक्तता
10. मकर रास : मकर राशीच्या शनि साडेसातीचा अंतिम टप्पा 2023 पासून सुरू
11. कुंभ रास : कुंभ राशीच्या शनि साडेसातीचा दुसरा टप्पा 2023 पासून सुरू
12. मीन रास : मीन राशीच्या शनि साडेसातीचा पहिला टप्पा 2023 पासून सुरू