Astrology: २४ जून रोजी घडणार अद्भुत खगोलीय घटना; एकाचवेळी पाहायला मिळणार पाच ग्रह
Five Planet । संपूर्ण पृथ्वीवर सौर मंडळाच्या ग्रहांचे स्वतःचे एक अद्भुत जग आहे. लक्षणीय बाब म्हणजे त्यांचे अनोखे सौंदर्य एकत्र पाहण्याची संधी काही दशकांनंतरच मिळते, जी यावेळी २४ जून रोजी येत आहे.
- २४ जून रोजी घडणार अद्भुत खगोलीय घटना.
- संपूर्ण पृथ्वीवर सौर मंडळाच्या ग्रहांचे स्वतःचे एक अद्भुत जग आहे.
- पाच ग्रहांचे एकत्रीकरण ही एक दुर्मिळ खगोलीय घटना आहे.
Five Planet । मुंबई : संपूर्ण पृथ्वीवर सौर मंडळाच्या ग्रहांचे स्वतःचे एक अद्भुत जग आहे. लक्षणीय बाब म्हणजे त्यांचे अनोखे सौंदर्य एकत्र पाहण्याची संधी काही दशकांनंतरच मिळत असते, जी यावेळी २४ जून रोजी येत आहे. या दुर्मिळ खगोलीय घटनेत तुम्ही एकाच वेळी पाच ग्रह पाहू शकणार आहात. आर्यभट्ट निरीक्षण विज्ञान संशोधन संस्थेचे ज्येष्ठ खगोलशास्त्रज्ञ डॉ. शशिभूषण पांडे यांच्या म्हणण्यानुसार, मेष, बुध, शुक्र, मंगळ, गुरू आणि शनि हे ग्रह क्षितिजापासून सुमारे ७५ अंशाच्या कोनात किंचित झुकलेले आहेत. (Amazing astronomical events on June 24, in One time can see five planets).
अधिक वाचा : आनंद सेना स्थापन करणार एकनाथ शिंदे? वाचा सविस्तर
दरम्यान, एकूणच जवळजवळ ते एका सरळ रेषेत पाहायला मिळतील. यामध्ये, क्षितिजाच्या अगदी वर तुम्हाला पूर्वेला बुध ग्रह पाहता येईल. सूर्यापासून जास्त अंतर असल्यामुळे बुध ग्रह उघड्या डोळ्यांनी पाहणे सोपे होईल. शुक्र त्याच्या वरच्या बाजूला दिसेल, नंतर मंगळ, नंतर गुरू म्हणजेच शनि गुरूच्या शेवटी दिसेल. दरम्यान चंद्र देखील शुक्र आणि मंगळा ग्रहामध्ये विराजमान होईल. अनेक ग्रहांच्या मिलनामुळे ही खगोलीय घटना दुर्मिळ झाली आहे. २३ ते २५ जूनच्या या कालावधीत ही घटना पाहता येईल. २४ जून रोजी मंगळ सर्वांच्या जवळ जाणार आहे. ही खगोलीय घटना सूर्योदयाच्या ४५ मिनिटे आधी पाहता येते.
पुढच्या वेळेस २०४० मध्ये घडणार अशी खगोलीय घटना
पाच ग्रहांचे एकत्रीकरण ही एक दुर्मिळ खगोलीय घटना आहे. पुढच्या वेळी हा योगायोग २०४० मध्ये घडेल. खर तर आभासी अंतराच्या बाबतीत सर्व ग्रह एकमेकांच्या अगदी जवळ असतील, पण प्रत्यक्षात त्यांच्यातील परस्पर अंतर करोडो किमी एवढे असेल. मात्र आकाशीय सौंदर्याच्या दृष्टीने ही खगोलीय घटना अविस्मरणीय ठरते.
स्थितीनुसारच असेल सौरमंडळ
बंगळुरू येथील इंडियन स्टार फिजिक्सचे वरिष्ठ शास्त्रज्ञ प्रा आर सी कपूर यांच्या मते, या खगोलीय घटनेतील विशेष गोष्ट म्हणजे या पाच ग्रहांची स्थिती सूर्यापासून त्यांची स्थिती सारखीच आहे. सूर्याच्या सर्वात जवळ येतो बुध, नंतर शुक्र, मग मंगळ, मग गुरु आणि नंतर शनि.
डिस्क्लेमर : वरील दिलेल्या गोष्टी या पूर्वापारपासून सुरू असलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत.