Vastu: पूजेच्या ठिकाणी चुकूनही या दिशेला लावू नका दिवा; घरात येईल आर्थिक संकट

आध्यात्म
Updated Jun 16, 2022 | 11:42 IST | टाइम्स नाऊ मराठी

Vastu Shastra । वास्तुशास्त्राचा आपल्या जीवनावर खोलवर परिणाम होत असतो. जर तुम्ही तुमचे काम वास्तुनुसार करायला सुरुवात केली तर तुम्हाला तुमच्या जीवनात अनेक बदल पाहायला मिळतील.

Do not accidentally place a lamp in this direction at the place of worship
पूजेच्या ठिकाणी चुकूनही या दिशेला लावू नका दिवा   |  फोटो सौजन्य: BCCL
थोडं पण कामाचं
  • वास्तुशास्त्राचा आपल्या जीवनावर खोलवर परिणाम होत असतो.
  • घरामध्ये मंदिराचे खूप महत्व मानले जाते.
  • घरातील दिवा पूर्व दिशेला लावणे फार शुभ असते असे मानले जाते.

Vastu Shastra । मुंबई : वास्तुशास्त्राचा आपल्या जीवनावर खोलवर परिणाम होत असतो. जर तुम्ही तुमचे काम वास्तुनुसार करायला सुरुवात केली तर तुम्हाला तुमच्या जीवनात अनेक बदल पाहायला मिळतील. तसेच जर तुम्ही वास्तूला हलके घेतले तर ती तुमच्या आयुष्यातील सर्वात मोठी चूक ठरू शकते. वास्तुशास्त्रानुसार एखाद्या घरात वास्तुशी संबंधित दोष आढळल्यास अनेक समस्या उद्भवतात. (Do not accidentally place a lamp in this direction at the place of worship). 

अधिक वाचा : ऊसाचा रस पिण्यापूर्वी जाणून घ्या या गोष्टी, नाहीतर ...

पूजेच्या दिव्याची काळजी घेणे आवश्यक

घरामध्ये मंदिराचे खूप महत्व मानले जाते. पण त्याहीपेक्षा महत्त्वाची गोष्ट म्हणजे त्या मंदिरातील दिव्याची ज्योत. कारण वास्तुशास्त्रामध्ये पूजा घराबाबत अनेक नियम सांगण्यात आले आहेत. पूजा करताना सर्वकाही योग्य ठिकाणी नसेल तर ते तुमच्यासाठी ते अत्यंत त्रासदायक ठरू शकते. देव-देवतांची पूजा करताना पूजेच्या वस्तू जसे की कलश, अगरबत्ती, दिवा किंवा इतर साहित्य योग्य दिशेने न ठेवल्यास व्यक्तीच्या घरात सकारात्मक ऊर्जेचा अभाव निर्माण होतो आणि पूजेचे पूर्ण फळही मिळत नाही. त्याचप्रमाणे मंदिरातील दिव्याची ज्योत कोणत्या बाजूला आहे याची विशेष खबरदारी घेणे आवश्यक आहे. जर तुम्ही असे केले नाही तर तुमच्या घरातून सुख आणि शांती दूर जाण्याची शक्यता आहे.

दिवा कोणत्या दिशेला असावा

  1. पूर्व दिशा - वास्तुशास्त्रानुसार, घरातील दिवा पूर्व दिशेला लावणे फार शुभ असते असे मानले जाते. या दिशेला दिवा लावणाऱ्या व्यक्तीला दीर्घायुष्य लाभते.
  2. दक्षिण दिशा - वास्तुशास्त्रानुसार दिव्याची ज्योत दक्षिण दिशेला कधीही लावू नये. असे मानले जाते की या दिशेला दिवा लावल्याने घरात धनाची कमतरता दूर होते. कारण या दिशेला यमराजाचे वास्तव्य आहे.
  3. पश्चिम दिशा - जर तुम्हाला सर्व प्रकारच्या संकटांपासून मुक्ती मिळवायची असेल तर तुमच्या पूजा घरातील दिव्याची ज्योत पश्चिम दिशेला लावा. ही दिशा शुभ मानली जाते. जर तुम्ही काही संकटातून जात असाल तर हे काम नक्की करा.
  4. उत्तर दिशा - वास्तुशास्त्रानुसार दिव्याची ज्योत उत्तर दिशेला असणे देखील शुभ मानले जाते. वास्तुशास्त्रानुसार या दिशेला दिवा लावल्यास धनाची खूप प्राप्ती होते.

डिस्क्लेमर : वरील दिलेल्या गोष्टी या पूर्वापारपासून सुरू असलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी