Hanuman jayanti 2022:हनुमान जयंतीला करा हे उपाय, शनी आणि राहू-केतूही बिघडवू शकणार नाही काही
Hanuman Jayanti 2022: हनुमान जयंतीचा दिवस म्हणजे हनुमानाची विशेष कृपा मिळवण्याचा दिवस असतो. या दिवशी करण्यात आलेले उपाय इतके ताकदवान असतात की त्यामुळे शनी तसेच राहू-केतुच्या होण्याऱ्या वाईट प्रभावापासून सुटका मिळते.
- १६ एप्रिलला आहे हनुमान जयंती
- जरूर करा हे उपाय
- शनी, राहू-केतूच्या वाईट प्रभावापासून मिळेल मुक्ती
मुंबई: हिंदू पंचांगातील पहिला महिना म्हणजे चैत्र महिना(chaitra month) खूप खास असतो. या महिन्यापासून हिंदूचे नववर्ष सुरू होते. चैत्र नवरात्री असते. गुढीपाडवा असतो. भगवान रामाचा जन्मदिवस रामनवमी(ram navami) असते. तसेच श्रीरामाचे परमभक्त हनुमानाचा जन्मदिवसही या महिन्यात येतो. चैत्र महिन्याच्या शुक्ल पक्षाच्या पोर्णिमेला संकटमोचक हनुमानाचा जन्म झाला होता. यावर्षी १६ एप्रिलला हनुमान जयंती(hanuman jayanti) साजरी केली जात आहे. Do this things on Hanuman jayanti 2022
अधिक वाचा - ऑनलाइन गेमिंगमध्ये केवायसी होऊ शकते बंधनकारक...
एप्रिल महिन्यात राशी बदलत आहे शनी, राहू-केतु
ज्योतिषाच्या नजरेने पाहिल्यास एप्रिल महिन्यात मोठे बदल होत आहेत. या महिन्यात शनी, राहू-केतुसारखे ग्रह राशी बदल करत आहेत. यामुळे वाईट परिणाम आयुष्यावर होऊ शकतो. छाया ग्रह राहु-केतु १२ एप्रिल २०२२ला राशी बदल करत आहे. तर शनी २९ एप्रिलला गोचर करत आहे. ज्योतिषानुसार या क्रूर ग्रहांच्या स्थितीत बदल झाल्याने अशुभ परिणाम अनेकांच्या जीवनावर होणार आहे.
संकटमोचक हनुमान
- पवनपुत्र हनुमान प्रत्येक संकट दूर करतात. यासाठी त्याला संकटमोचक म्हटले जाते. त्यामुळे १६ एप्रिलला हनुमान जयंतीच्या दिवशी काही उपाय करा ज्यामुळे शनी, राहु-केतुपासून होणाऱ्या त्रासापासून मुक्ती मिळेल.
- हनुमान जयंतीच्या दिवशी ११ वेळा हनुमान चालिसाचे पठण करा. हनुमान मंदिरात जाऊन संकटमोचकच्या मूर्तीसमोर बसून याचे पठण करा. असे केल्याने शनिचा त्रास अथवा साडेसातीपासून सुटका मिळेल.
- हनुमानाला बेसनचे लाडू प्रिय आहेत. हनुमान जयंतीच्या दिवशी त्यांना बेसन लाडूचा प्रसाद चढवा. असे केल्याने जीवनात सुख-समृद्धी येईल. संकटमोचकला गोड पान अर्पण करा. यात काथा, गुलकंद, खोबरे, बडिशेप आणि गुलाबकतरीचा वापर करा.
- हनुमानाला सिंदूर चोला अर्पण केल्याने अनेक समस्यांचे समाधान मिळते. दरम्यान, हनुमान जयंतीच्या दिवशी बजरंगबलीला चोला जरूर चढवा. तसेच चमेलीच्या लाल फुलांची माळा आणि लाल लंगोटही अर्पण करा.
- हनुमान मंदिरात त्रिकोणी लाल झेंडा लावा. असे केल्याने प्रत्येक कामात यश मिळेल तसेच भरपूर प्रगती होईल.