Ganesh Chaturthi 2022:  गणेश चतुर्थीच्या दिवशी जुळन येईल हा शुभ योग, जाणून घ्या गणपतीची स्थापना करण्याचा शुभ मुहूर्त आणि पूजा पद्धती

 गणेश चतुर्थीच्या दिवशी जुळन येईल हा शुभ योग  |  फोटो सौजन्य: BCCL

Ganesh Chaturthi 2022 August Date: हिंदू धर्मात प्रत्येक महिन्याचे स्वतःचे वेगळे महत्त्व आहे. प्रत्येक महिना कोणत्या ना कोणत्या देवतेला समर्पित असतो. त्या महिन्यात त्या देवतांची पूजा केल्याने व्यक्तीचे सर्व संकट दूर होतात. यावेळी गणेश चतुर्थी 31 ऑगस्ट म्हणजे बुधवारी आहे. बुधवार असल्याने गणेश चतुर्थीचे महत्त्व अनेक पटींनी वाढते. बुधवार हा गणपतीला समर्पित असून या दिवशी गणेश चतुर्थी असल्याने या दिवशी उपवासाचे विशेष महत्त्व आहे. (ganesh chaturthi 2022 shubh muhurat vishesh yog ganpati pratistapana Date time and puja vidhi read in marathi)

अधिक वाचा : Maharashtra: राज्य सरकारी कर्मचाऱ्यांना शिंदे सरकारचं मोठं गिफ्ट, महागाई भत्त्यात ३ टक्क्यांनी वाढ

गणेश चतुर्थीच्या दिवशी घरोघरी गणपतीची स्थापना करून त्याला 10 दिवस घरात ठेवले जाते. या दिवसापासून दहा दिवसांचा गणेशोत्सव सुरू होतो. भाद्रपद महिन्यात येणाऱ्या गणेश चतुर्थीचा शुभ मुहूर्त आणि उपासना पद्धती जाणून घेऊया.

गणेश चतुर्थी 2022 तारीख आणि शुभ वेळ

हिंदू कॅलेंडरनुसार, यावेळी गणेश चतुर्थी 31 ऑगस्टपासून सुरू होत आहे. चतुर्थी तिथी 30 ऑगस्ट, मंगळवारी दुपारी 3:33 वाजता सुरू होईल आणि 31 ऑगस्ट रोजी दुपारी 3:22 वाजता समाप्त होईल. उदय तिथीनिमित्त गणेश चतुर्थी व्रत 31 ऑगस्ट रोजी ठेवण्यात येणार आहे. या दिवशी गणेशाची पूजा करण्याचा शुभ मुहूर्त दुपारी 11:05 ते 1:38 पर्यंत आहे. त्याचवेळी 09 सप्टेंबर 2022 रोजी गणेश विसर्जन होणार आहे.

अधिक वाचा: हे नेते झोपत का नाहीत?

गणपती कसा बसवायचा

गणेश चतुर्थीच्या दिवशी गणेशमूर्तीची स्थापना केली जाते. ढोल-ताशांच्या गजरात घराघरात गणपती विराजमान केला जातो. त्यांना 10 दिवस घरात ठेवले जाते. त्याची पूजा केली जाते. 

1. गणेश चतुर्थीला सकाळी आंघोळ करून स्वच्छ कपडे घाला.
2. यानंतर पाटावर लाल कापड टाकून गणेशमूर्तीची स्थापना केली जाते. 
3. बाप्पाला पाण्याने अभिषेक केला जातो. 
4. त्यांना अक्षत, दुर्वा, फुले अर्पण केली जातात. 
5. त्यांचा आवडता नैवेद्य मोदक अर्पण केले जातात 
6. शेवटी आरती आणि मंत्र जप केला जातो.

गणेश चतुर्थीच्या दिवशी घरात बाप्पाची स्थापना करून त्याची पूजा वगैरे केल्याने बाप्पा भक्तांचे सर्व अडथळे दूर करतात, अशी श्रद्धा आहे. त्यांचे संकट दूर करा आणि त्यांच्या सर्व मनोकामना पूर्ण करा.