Nirjala Ekadashi Vrat: तुम्हीही निर्जला एकादशीचे व्रत करणार असाल तर या गोष्टींची घ्या विशेष काळजी
Nirjala Ekadashi Vrat 2022 । एकादशी व्रताला हिंदू धर्मामध्ये विशेष महत्त्व आहे. ज्येष्ठ मासातील शुक्ल पक्षातील एकादशीची तिथी निर्जला एकादशी म्हणून ओळखली जाते. म्हणजेच यंदा शुक्रवार १० जून २०२२ रोजी निर्जला एकादशी आहे. याला भीमसेनी एकादशी असे देखील म्हणतात.
- एकादशी व्रताला हिंदू धर्मामध्ये विशेष महत्त्व आहे.
- यंदा शुक्रवार १० जून २०२२ रोजी निर्जला एकादशी आहे.
- याला भीमसेनी एकादशी असे देखील म्हणतात.
Nirjala Ekadashi Vrat 2022 । मुंबई : एकादशी व्रताला हिंदू धर्मामध्ये विशेष महत्त्व आहे. ज्येष्ठ मासातील शुक्ल पक्षातील एकादशीची तिथी निर्जला एकादशी म्हणून ओळखली जाते. म्हणजेच यंदा शुक्रवार १० जून २०२२ रोजी निर्जला एकादशी आहे. याला भीमसेनी एकादशी असे देखील म्हणतात. सर्व एकादशींपैकी निर्जला एकादशी व्रत ही सर्वात मोठी एकादशी मानली जाते. या दिवशी दिवसभर पाणी न पिता उपवास केला जातो. या दिवशी निर्जला व्रत ठेवले जाते. पिवळे वस्त्र परिधान करून भगवान विष्णूची पूजा करून व्रताचा संकल्प केला जातो. हे व्रत करणाऱ्यावर भगवान विष्णू आणि माता लक्ष्मीची विशेष कृपा राहते असे मानले जाते. पण या व्रतामध्ये काही गोष्टींचीही काळजी घेतली पाहिजे. (If you are also going to fast for Nirjala Ekadashi, take special care of these things).
अधिक वाचा : 'ते' भाषण म्हणजे लवंगीच्या फुसक्या माळा
निर्जला उपवासाच्या एक दिवस आधी अशी करा तयारी
- भरपूर पाणी प्या - जर तुम्हीही निर्जला एकादशीचा उपवास करणार असाल तर उपवासाच्या एक दिवस आधी भरपूर पाणी प्या, तसेच त्यात लिंबू मिसळूनही पिऊ शकता.
- नारळ पाणी प्या - नारळाचे पाणी हे पोषक तत्वांचे भांडार मानले जाते. हे शरीराला पाण्याच्या कमतरतेपासून वाचवण्यास मदत करू शकते. निर्जला एकादशीचे व्रत करण्यापूर्वी तुम्ही नारळपाण्याचे अवश्य सेवन करा.
- मीठाचे सेवन कमी करा - जर तुम्हालाही जास्त मीठ खाण्याची सवय असेल तर लक्षात ठेवा की निर्जला एकादशीच्या एक दिवस आधी मीठाचे सेवन कमी करा. जास्त मीठ खाल्ल्याने जास्त तहान लागते.
- फळांचे सेवन करा - निर्जला एकादशीच्या व्रताच्या एक दिवस आधी जास्तीत जास्त पाणी असलेल्या फळांचे सेवन करावे. यामुळे शरीरातील ऊर्जा आणि पाण्याची कमतरता टिकून राहण्यास मदत होते.
- आराम करा - निर्जला एकादशी व्रत करण्यापूर्वी एक दिवस जास्त धावपळ करू नये. घरी राहा आणि आराम करा.
निर्जला व्रताच्या दिवशी कोणत्या गोष्टींची काळजी घ्यावी
- किचनमध्ये जास्त काम करू नये.
- गरमीमध्ये जास्त वेळ राहू नये.
- पंखा, कूलर किंवा एसी यांपासून जास्त वेळ लांब राहू नये.
- बाजार किंवा बाहेरील कामे करणे टाळा, कारण गरमी खूप जास्त असते.
