Astro: जूनचा महिना असणार खूप खास, ५ ग्रहांचे होणार परिवर्तन; या राशीतील लोकांना लागणार लॉटरी
Astro News । जूनचा महिना ज्योतिषशास्त्रानुसार खूप महत्त्वाचा असणार आहे. याचे कारण म्हणजे जून महिन्यात ५ महत्त्वाचे ग्रह स्थान बदलणार आहेत. यादरम्यान तीन महत्त्वाच्या ग्रहांचे संक्रमण होईल, तर दोन महत्त्वाच्या ग्रहांच्या स्थितीमध्ये परिवर्तन होईल.
- जूनचा महिना ज्योतिषशास्त्रानुसार खूप महत्त्वाचा असणार आहे.
- जून महिन्यात ५ महत्त्वाचे ग्रह स्थान बदलणार आहेत.
- यादरम्यान तीन महत्त्वाच्या ग्रहांचे संक्रमण होईल, तर दोन महत्त्वाच्या ग्रहांच्या स्थितीमध्ये परिवर्तन होईल.
Astro News । मुंबई : जूनचा महिना ज्योतिषशास्त्रानुसार खूप महत्त्वाचा असणार आहे. याचे कारण म्हणजे जून महिन्यात ५ महत्त्वाचे ग्रह स्थान बदलणार आहेत. यादरम्यान तीन महत्त्वाच्या ग्रहांचे संक्रमण होईल, तर दोन महत्त्वाच्या ग्रहांच्या स्थितीमध्ये परिवर्तन होईल. त्यामुळे देशातील आणि जगातील सर्वच लोकांच्या जीवनात लक्षणीय बदल होण्याची शक्यता आहे. यादरम्यान दोन महत्त्वाच्या ग्रहांचा शुभ योगायोगही तयार होत आहे, त्यामुळे त्याचाही परिणाम जाणवणार आहे. चला तर म जाणून घेऊया जून महिन्यात कोणत्या ग्रहांच्या स्थितीत आणि राशीमध्ये परिवर्तन होणार आहे. (June will be a very special month, people in this zodiac will have a lottery).
अधिक वाचा : रोज सकाळी उठल्यावर पोट साफ होत नसेल तर करा हे काम
या ग्रहांचे होणार परिवर्तन
- ३ जून २०२२ रोजी बुध वृषभ राशीमध्ये परिवर्तन करत आहे. यापूर्वी २५ एप्रिल रोजी बुध ग्रहाचे वृषभ राशीमध्ये संक्रमण झाले होते. तेव्हापासून बुध ग्रहाला सुमारे ७० दिवस वृषभ राशीत राहावे लागत आहे. बुध प्रथम या राशीत मागे फिरला, नंतर तो मावळला आणि आता शुक्रवारी ३ जून रोजी दुपारी १.०७ वाजता त्याचे संक्रमण होणार आहे.
- यादरम्यान ५ जून रोजी शनि ग्रह स्वतःच्या राशीत कुंभ राशीत वक्र असणार आहे. शनिचा हा बदल शनिवारी पहाटे ४.१४ वाजता होईल. ज्योतिषशास्त्रात शनि ग्रहाला खूप महत्त्व आहे. एका राशीतून दुसऱ्या राशीत जाण्यासाठी त्याला सुमारे २.५ वर्षांचा कालावधी लागतो. शनिच्या या बदलामुळे काही लोकांना अनपेक्षितपणे शुभ परिणाम मिळतील.
- सूर्य ग्रह म्हणजेच नऊ ग्रहांचा राजा देखील जून महिन्यात महत्त्वाचे संक्रमण करणार आहे. लक्षणीय बाब म्हणजे सूर्य हा ग्रह एका राशीत सुमारे एक महिना राहतो आणि नंतर राशी बदलतो. त्यामुळे आता सूर्य ग्रह राशी चक्रातील तिसऱ्या राशीत म्हणजेच मिथुन राशीत प्रवेश करणार आहे. याला मिथुन संक्रांती असेही म्हणतात. वेळेबद्दल भाष्य करायचे झाले तर हे संक्रमण बुधवारी १५ जून रोजी रात्री ११.५८ वाजता होईल.
- सुख-सुविधांसाठी प्रिय असलेला ग्रह शुक्र देखील जून महिन्यात राशी बदलणार आहे. या दरम्यान शुक्र वृषभ राशीत जाईल, जिथे बुध आधीच संक्रमण स्थितीत उपस्थित असणार आहे. शनिवारी १८ जून रोजी सकाळी ८.०६ वाजता शुक्र ग्रहाचे संक्रमण होईल. बुध आणि शुक्र यांचा राशीबदल अनेक लोकांसाठी खूप शुभ परिणाम देईल.
- जून महिन्याच्या शेवटच्या काही दिवसात मंगळ ग्रह देखील मेष राशीत संक्रमण करेल. मंगळ ग्रहाचे हे संक्रमण सोमवारी २७ जून रोजी पहाटे ५.३९ वाजता होईल. मंगळ ग्रहाला ज्योतिषशास्त्रात लाल आणि अग्निमय ग्रहाचा दर्जा दिला आहे. त्याच्या संक्रमणामुळे संबंधित राशीतील लोकांचा उत्साह, धैर्य, हिम्मत आणि पराक्रम वाढतो.
जूनमध्ये होतेय ग्रहांची अद्भुत युती
जून महिन्यात बुध आणि शुक्र या ग्रहांची युतीही होत आहे. खरं तर एप्रिल महिन्यापासून बुध वृषभ राशीत विराजमान आहे आणि आता या राशीत शुक्र ग्रहाच्या प्रवेशामुळे बुध-शुक्र यांची युती तयार होत आहे. ज्योतिषशास्त्रानुसार, बुध-शुक्र संयोगाने लक्ष्मी नारायण योग तयार होतो आणि या योगाला अतिशय शुभ योगाचा दर्जा देण्यात आला आहे. शुक्र आणि बुध हे दोन्ही नैसर्गिकरित्या शुभ, पवित्र आणि सात्विक ग्रह आहेत. बुध आणि शुक्र यांच्या युतीमुळे तयार होणारा लक्ष्मी नारायण योग व्यक्तीच्या धनात वाढ करतो. अशा परिस्थितीत व्यवसाय क्षेत्राशी संबंधित लोकांना या काळात चांगले आर्थिक धन मिळेल.
या राशीतील लोकांना मिळणार शुभ लाभ
खासकरून वृषभ, सिंह आणि धनु राशीसाठी जून महिना शुभ आणि लाभदायक आहे. या तीन राशीच्या लोकांसाठी जून महिन्यात विशेष आर्थिक लाभ होईल. यासोबतच कार्यक्षेत्रात यश मिळेल आणि नवीन नोकरीच्या शोधात असलेल्या लोकांना चांगली बातमी मिळेल. व्यापार्‍यांनाही नवीन डील्स आणि अनेक फायदे मिळतील. या व्यतिरिक्त या काळात कौटुंबिक संबंध दृढ होतील आणि प्रेमसंबंध मजबूत होतील.
डिस्क्लेमर : वरील दिलेल्या गोष्टी या पूर्वापारपासून सुरू असलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत.