Margashirsha Purnima 2022: मार्गशीर्ष पौर्णिमेला करा फक्त ही गोष्ट, सर्व इच्छा होतील पूर्ण

Margashirsha Purnima 2022: मार्गशीर्ष पौर्णिमेला करा फक्त ही गोष्ट, होतील सर्व इच्छा पूर्ण 

Margashirsha Purnima: बुधवारी (7 डिसेंबर 2022) मार्गशीर्ष पौर्णिमा आहे. या पौर्णिमेला विशेष महत्त्व आहे. असं मानले जाते की, भगवान विष्णू यांना हा महिना खूप आवडतो आणि या काळात धार्मिक कार्य केल्याने श्री विष्णू प्रसन्न होतात. यावर्षी मार्गशीर्ष पौर्णिमेला एक विशेष योग घडत आहे. या दिवशी सर्वार्थ सिद्धी, रवी आणि सिद्ध योग असे तीन योग आहेत. यामध्ये स्नान करणे, दान करणे आणि जप, तपस्या करणे हे पुण्याचे मानले जाते. (Margashirsha Purnima Vrat Katha Puja time  Vidhi Samagri do this thing to fulfill wish read in marathi)

पौर्णिमेच्या दिवशी उपवास करून सत्यनारायणाची कथा सांगितल्याने लक्ष्मी माता प्रसन्न होते असे म्हटले जाते. हिंदू पंचांगानुसार, यंदाच्या वर्षी बुधवारी 7 डिसेंबर रोजी सकाळी 8 वाजून 1 मिनिटांनी पौर्णिमा सुरू होत आहे. तर दुसऱ्या दिवशी म्हणजे गुरुवारी 8 डिसेंबर रोजी सकाळी 9 वाजून 37 मिनिटांनी पौर्णिमा समाप्त होईल. यामुळे पौर्णिमेचा बहुतांश काळ हा 7 डिसेंबर रोजीच आहे.

मार्गशीर्ष पौर्णिमेला उपासना 

मार्गशीर्ष पौर्णिमेला सकाळी लवकर स्ना करुन मंदिराची साफ-सफाई, स्वच्छता करावी. मंदिरातील भगवान विष्णू, श्री कृष्ण आणि माता लक्ष्मी यांच्या फोटो किंवा मूर्तीवर गंगाजल, कच्चे दूध मिसळून ते अपर्ण करा. यानंतर देवाला अबीर, गुलाल, चंदन, अक्षत, फुले, तुळशीचे पाने अर्पण करा. यानंतर सत्यनारायणाची कथा वाचावी. मग पूजा पूर्ण झाल्यावर कुटुंबातील सर्व ज्येष्ठ सदस्यांचे आशीर्वाद घ्यावे.

मार्गशीर्ष पौर्णिमेला काय करावे

1. सकाळी घर आणि मंदिराची साफ-सफाई, स्वच्छता करून भगवान श्री विष्णू, श्री कृष्ण आणि लक्ष्मी मातेची पूजा नक्की करा. 
2. पुराणानुसार, श्री दत्त यांचा जन्म मार्गशीर्ष पौर्णिमेला झाला आहे. त्यामुळे या पौर्णिमेला श्री दत्त यांची पूजा करावी. 
3. या दिवशी उपवास करणाऱ्या व्यक्तीने दुपारच्या सुमारास झोपू नये.
4. गरजूंना अन्न, कपडे दान करावेत. 
5. रात्री चंद्र देवाची पूजा करा. दूध आणि साखर एकत्र करुन ते चंद्राला अर्पण करा. यामुळे प्रगतीचा मार्ग मोकळा होईल.
6. या दिवशी मांसाहार करु नये.