Shukra Pradosh Vrat 2022: ज्येष्ठ महिन्यातील पहिले प्रदोष व्रत आज; जाणून घ्या पूजेची पद्धत
Shukra Pradosh Vrat 2022 । ज्येष्ठ महिन्यातील शुक्ल पक्षातील पहिले प्रदोष व्रत आज २७ मे रोजी आहे. प्रदोष व्रताच्या दिवशी भगवान शंकराची पूजा केली जाते. हे व्रत महिन्यातून दोनदा येते, एक शुक्ल पक्षात आणि एक कृष्ण पक्षात.
- ज्येष्ठ महिन्यातील शुक्ल पक्षातील पहिला प्रदोष व्रत आज २७ मे रोजी आहे.
- प्रदोष व्रताच्या दिवशी भगवान शंकराची पूजा केली जाते.
- प्रदोष व्रत शुक्रवारी आल्यास त्याला शुक्र प्रदोष म्हणतात.
Shukra Pradosh Vrat 2022 । मुंबई : ज्येष्ठ महिन्यातील शुक्ल पक्षातील पहिले प्रदोष व्रत आज २७ मे रोजी आहे. प्रदोष व्रताच्या दिवशी भगवान शंकराची पूजा केली जाते. हे व्रत महिन्यातून दोनदा येते, एक शुक्ल पक्षात आणि एक कृष्ण पक्षात. प्रदोष व्रत सोमवारी येते तेव्हा त्याला सोम प्रदोष म्हणतात. प्रदोष व्रत शुक्रवारी आल्यास त्याला शुक्र प्रदोष म्हणतात. आज शुक्र प्रदोष व्रत आहे. (The first Pradosh vrat of the jyeshtha month today, Learn the method of worship).
अधिक वाचा : ...तर आहारात करा व्हिटॅमिन बी-१२ समृद्ध पदार्थांचा समावेश
प्रदोष व्रताचा शुभ मुहूर्त (Pradosh Vrat 2022 Shubh Muhurt)
प्रारंभ - २७ मे २०२२ सकाळी ११ वाजून ४७ मिनिटांपासून सुरू
समाप्त - २८ मे २०२२ दुपारी १ वाजून ९ मिनिटांनी समाप्त
शुक्र प्रदोष व्रताचा शुभ योग
शुक्र प्रदोष व्रताच्या दिवशी सकाळपासूनच शुभ योग सुरू झाला आहे. हा योग रात्री ९.१० वाजेपर्यंत राहील. हे दोन्ही योग शुभ कार्यासाठी शुभ मानले जातात. या दोन्ही योगांमध्ये काम करणे खूप शुभ मानले जाते. याशिवाय या दिवशी सर्वार्थ सिद्धी योगही तयार होत आहे. २७ मे रोजी पहाटे ५.२५ वाजता सर्वार्थ सिद्धी योग सुरू झाला आहे. हा योग रात्रभर राहील. या योगात कोणतेही काम करणे खूप शुभ मानले जाते.
शुक्र प्रदोष व्रताच्या दिवशी भगवान शंकराची अशी करा पूजा
- या दिवशी सकाळी लवकर उठून स्नान करा.
- स्नान केल्यानंतर स्वच्छ व हलके पांढरे किंवा गुलाबी रंगाचे वस्त्र परिधान करून व्रताचे व्रत करावे.
- यानंतर भगवान शंकराला बेलपत्र, अक्षत, दिवा, धूप, गंगाजल इत्यादी अर्पण करून पूजा करा.
- प्रदोष व्रतामध्ये तुम्ही फक्त पाणी पिऊ शकता, या दिवशी कोणतेही अन्न खाल्ले जात नाही.
- दिवसभर उपवास केल्यानंतर सूर्यास्ताच्या काही वेळापूर्वी पुन्हा स्नान करावे.
- संध्याकाळी ईशान्य दिशेला तोंड करून कुशल आसनावर बसावे आणि शंकराला पाण्याने स्नान करून रोळी, मोली, तांदूळ, धूप, दिवा लावून पूजा करावी. भगवान शंकराला तांदळाची खीर आणि फळे अर्पण करा.
- शेवटी ओम नमः शिवाय मंत्राचा १०८ वेळा जप करा आणि भोलेनाथाची प्रार्थना करा.
डिस्क्लेमर : वरील दिलेल्या गोष्टी या पूर्वापारपासून सुरूअसलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत.