Morning Astro Tips: ब्रह्म मुहूर्तामध्ये केलेल्या या चुका खराब करू शकतात संपूर्ण दिवस; सकाळी चुकूनही करू नका हे काम

आध्यात्म
Updated Jun 14, 2022 | 10:51 IST | टाइम्स नाऊ मराठी

Astro Tips For Early Morning । सकाळची सुरुवात डोळे उघडताच देवाचे दर्शन घेणे, सूर्यदेवासमोर नतमस्तक होणे, आपल्या हातांचे दर्शन घेणे इत्यादी शुभ कार्याने करावी असे शास्त्रात सांगितले आहे. असे म्हणतात की सकाळी केलेल्या कामामुळे व्यक्तीला सकारात्मकता येते.

These mistakes made in the divine moment can spoil the whole day
सकाळच्या वेळी केलेल्या या चुका खराब करू शकतात संपूर्ण दिवस   |  फोटो सौजन्य: BCCL
थोडं पण कामाचं
  • सकाळच्या वेळी केलेल्या चुका खराब करू शकतात संपूर्ण दिवस.
  • धार्मिक मान्यता आहे की, व्यक्तीने डोळे उघडताच आरशाकडे पाहू नये.
  • जे लोक सकाळी उठून ड्रग्स घेतात त्यांना राहू ग्रह त्रास देतो.

Astro Tips For Early Morning । मुंबई : सकाळची सुरुवात डोळे उघडताच देवाचे दर्शन घेणे, सूर्यदेवासमोर नतमस्तक होणे, आपल्या हातांचे दर्शन घेणे इत्यादी शुभ कार्याने करावी असे शास्त्रात सांगितले आहे. असे म्हणतात की सकाळी केलेल्या कामामुळे व्यक्तीला सकारात्मकता ऊर्जा मिळते. तसेच दिवसभर मन फ्रेश राहते. त्यामुळे सकाळच्या कामांवर विशेष भर देण्यात आला आहे. (These mistakes made in the divine moment can spoil the whole day). 

सकाळी उठल्यानंतर काय करावे आणि काय करू नये या गोष्टी शास्त्रामध्ये स्पष्टपणे नमूद केल्या आहेत. जर या गोष्टींची काळजी घेतली नाही किंवा त्याकडे थोडे जरी दुर्लक्ष केले गेले तर ते तुमचा संपूर्ण दिवस खराब करू शकतात. चला तर म जाणून घेऊया ब्रह्म मुहूर्तावर उठून कोणकोणत्या गोष्टी करणे टाळले पाहिजे. 

अधिक वाचा : अनिल देशमुखांची Default Bail साठी न्यायालयात धाव

सकाळच्या वेळी चुकूनही करू नका ही कामे

  1. धार्मिक मान्यता आहे की, व्यक्तीने डोळे उघडताच आरशाकडे पाहू नये. कारण उठल्याबरोबर लगेचच आपला चेहरा पाहणे अशुभ मानले जाते. 
  2. तसेच जिथे तुम्ही झोपता तिथे वन्य प्राण्यांची चित्रे अथवा फोटो नसावेत. डोळे उघडताच त्यांचे दर्शन होणे शुभ मानले जात नाही. यामुळे व्यक्तीमध्ये नकारात्मकता येते. तसेच एखाद्या व्यक्तीचे कोणाशी तरी वाद होण्याची शक्यता वाढते.
  3. असे मानले जाते की सकाळी सकाळी स्वतःची सावली देखील पाहू नये. जर एखाद्या व्यक्तीला हे करावे लागले तर ती अज्ञात भीती आणि तणावाची शिकार होऊ शकते. त्यामुळे सकाळी उठून चुकूनही या चुका करू नका.
  4. सकाळी डोळे उघडल्यावर सगळ्यात आधी देवाचे स्मरण करा. त्यांना हात जोडून नमस्कार केला पाहिजे. यानंतर आपल्या दोन्ही तळहातांचे दर्शन घ्या.

हा करा मंत्र

कराग्रे वसते लक्ष्मी, कर मध्य सरस्वती ।
 
कर मुळे तू गोविंदा, प्रभाते कर दर्शनम् ।

मंत्राचा जप केल्याने होणार फायदा

  1. सकाळी लवकर या मंत्राचा जप केल्याने माता लक्ष्मीचा आशिर्वाद प्राप्त होतो. हाताच्या अग्रभागी लक्ष्मी, मध्यभागी सरस्वती आणि मुळामध्ये भगवान विष्णू वास करतात, असे शास्त्रात सांगितले आहे. त्यामुळे तळहाताचे दर्शन शुभ मानले जाते. 
  2. ज्योतिषशास्त्रांची मान्यता आहे की, सकाळी उठल्यानंतर केलेल्या काही चुका पापी ग्रह राहूला शक्ती देतात आणि त्या व्यक्तीला त्रास देऊ लागतात.
  3. जे लोक सकाळी उठून ड्रग्स घेतात त्यांना राहू ग्रह त्रास देतो. अशा लोकांच्या आयुष्यातील समस्या कधीच कमी होत नाहीत.


 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी