Guru Purnima 2022: गुरूपौर्णिमा कधी आहे? येथे पाहा योग्य तारीख, पूजेची पद्धत, शुभ वेळ आणि महत्त्व

आध्यात्म
Updated Jun 18, 2022 | 10:23 IST | टाइम्स नाऊ मराठी

Guru Purnima 2022 । आषाढ महिन्यात येणारी पौर्णिमा गुरु पौर्णिमा म्हणून ओळखली जाते. धार्मिक मान्यतेनुसार चार वेदांचे ज्ञान देणारे महर्षी वेद व्यास यांचा जन्म या दिवशी झाला होता.

When is Guru Purnima, see here the right date, method of worship, auspicious time and importance
गुरूपौर्णिमा कधी आहे? येथे पाहा योग्य तारीख आणि पूजेची पद्धत  |  फोटो सौजन्य: BCCL
थोडं पण कामाचं
  • आषाढ महिन्यात येणारी पौर्णिमा गुरु पौर्णिमा म्हणून ओळखली जाते.
  • यंदा गुरू पौर्णिमा १३ जुलै रोजी बुधवारी आहे. 
  • धार्मिक मान्यतेनुसार चार वेदांचे ज्ञान देणारे महर्षी वेद व्यास यांचा जन्म या दिवशी झाला होता.

Guru Purnima 2022 । मुंबई : आषाढ महिन्यात येणारी पौर्णिमा गुरु पौर्णिमा म्हणून ओळखली जाते. धार्मिक मान्यतेनुसार चार वेदांचे ज्ञान देणारे महर्षी वेद व्यास यांचा जन्म या दिवशी झाला होता. मानवजातीसाठी त्यांचे असलेले महत्त्वाचे योगदान पाहता त्यांची जयंती गुरुपौर्णिमा म्हणून साजरी केली जाते. महर्षी वेदव्यास यांनी मानवाला प्रथमच चार वेदांचे ज्ञान दिले होते. म्हणूनच त्यांना प्रथम गुरु ही पदवी दिली जाते. पौर्णिमेच्या दिवशी भगवान विष्णूच्या पूजेलाही विशेष महत्त्व आहे. (When is Guru Purnima, see here the right date, method of worship, auspicious time and importance). 

अधिक वाचा : राज्यसभेत नाक कापले आता कपडे सांभाळा,सोमय्यांचा सेनेला इशारा

कधी आहे गुरूपौर्णिमा 

यंदा गुरू पौर्णिमा १३ जुलै रोजी बुधवारी आहे. 

गुरू पौर्णिमेचे महत्त्व

भारतीय संस्कृतीमध्ये गुरूला विशेष महत्त्व आहे. गुरु व्यक्तीला योग्य दिशेने नेण्याचे काम करतात. गुरूंच्या कृपेनेच माणसाला जीवनात यश मिळते. गुरुंच्या सन्मानार्थ, आषाढ महिन्यातील शुक्ल पक्षाच्या पौर्णिमेला गुरुपौर्णिमा हा सण साजरा केला जातो.

गुरू पौर्णिमा पूजा-विधी 

  1. गुरूपौर्णिमेच्या पवित्र दिवशी सकाळी लवकर उठून स्नान करावे. या दिवशी पवित्र नद्यांमध्ये स्नान करण्याचे खूप महत्त्व आहे.
  2. ज्यांना पवित्र नद्यांमध्ये स्नान करता येत नाही त्यांनी स्नानाच्या पाण्यात गंगाजल टाकून स्नान करावे. स्नान करताना सर्व पवित्र नद्यांचे ध्यान करावे.
  3. स्नान केल्यानंतर घरातील मंदिरात दिवा लावावा.
  4. शक्य असल्यास या दिवशीही उपवास धरा.
  5. गंगाजलाने सर्व देवतांना अभिषेक घाला. 
  6. पौर्णिमेच्या पवित्र दिवशी भगवान विष्णूच्या पूजेला विशेष महत्त्व आहे.
  7. या दिवशी भगवान विष्णूसह देवी लक्ष्मीची पूजा करा.
  8. भगवान विष्णूला नैवेद्य दाखवावा. तसेच भगवान विष्णूच्या नैवेद्यामध्ये तुळशीचा समावेश करा. धार्मिक मान्यतेनुसार भगवान विष्णू तुळशीशिवाय भोग स्वीकारत नाहीत.
  9. भगवंताला फक्त सात्विक गोष्टी अर्पण केल्या जातात हे लक्षात ठेवा.
  10. भगवान विष्णू आणि देवी लक्ष्मीची आरती करा.
  11. या पवित्र दिवशी भगवान विष्णू आणि माता लक्ष्मीचे जास्तीत जास्त ध्यान करा.
  12. गुरुपौर्णिमेच्या दिवशी महर्षी वेद व्यासजींची पूजा केल्याने विशेष फल प्राप्त होते.
  13. या दिवशी आपल्या गुरूंचे ध्यान करा.
  14. धार्मिक मान्यतांनुसार गुरूंच्या कृपेने माणसाचे जीवन आनंदाने भरून जाते.
  15. पौर्णिमेला चंद्राची पूजा करण्याचेही विशेष महत्त्व आहे.
  16. चंद्रोदयानंतर चंद्राची पूजा करावी.
  17. चंद्राला अर्घ्य अर्पण केल्याने दोषांपासून मुक्ती मिळते.
  18. या दिवशी गरजू लोकांना मदत करा.
  19. जर तुमच्या घराशेजारी गाय असेल तर त्या गायीला जरूर चारा खावू घाला. गायीला चारा दिल्याने अनेक प्रकारचे दोष दूर होतात.

डिस्क्लेमर : वरील दिलेल्या गोष्टी या पूर्वापारपासून सुरू असलेल्या मान्यता आहेत. त्यामुळे टाइम्स नाऊ मराठी या सर्वांचे समर्थन करत नाही. अनेकांच्या मान्यतांचा सन्मान करून वरील गोष्टी दिलेल्या आहेत.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी