Ruckus in Bihar: अग्निपथ योजनेवरून बिहारमध्ये मोठा गोंधळ; विद्यार्थ्यांनी केला रास्ता रोको, ट्रेनवर दगडफेक
Ruckus in Bihar | केंद्र सरकारने सैन्यात भरतीसाठी आणलेल्या अग्निपथ योजनेवरून बिहारमध्ये आज सकाळपासूनच गदारोळ सुरू आहे. विविध ठिकाणी तरुण मोठ्या संख्येने आंदोलन करत आहेत.
- अग्निपथ योजनेवरून बिहारमध्ये आज सकाळपासूनच गदारोळ सुरू आहे.
- विविध ठिकाणी तरुण मोठ्या संख्येने आंदोलन करत आहेत.
- अग्निपथ योजनेच्या अंतर्गत दरवर्षी ४५,००० तरूणांना सैन्यात भरती केले जाईल.
Agneepath Scheme । नवी दिल्ली : केंद्र सरकारने सैन्यात भरतीसाठी आणलेल्या अग्निपथ योजनेवरून बिहारमध्ये आज सकाळपासूनच गदारोळ सुरू आहे. विविध ठिकाणी तरुण मोठ्या संख्येने आंदोलन करत आहेत. सकाळी नऊ वाजता मोठ्या संख्येने तरुण बक्सर येथील रेल्वे स्थानकावर पोहोचले आणि रेल्वे रुळावर बसले. याठिकाणी त्यांनी सरकारच्या विरोधात घोषणाबाजी सुरू केली. त्यांच्या कामगिरीमुळे जनशताब्दी एक्स्प्रेस तासभर उभी राहिली. त्याचवेळी पाटण्याकडे जाणाऱ्या पाटलीपुत्र एक्स्प्रेसवर काही तरुणांनी दगडफेक केली. तसेच राज्यातील तरूणांमध्ये देखील या योजनेवरून नाराजीचे वातावरण पाहायला मिळत आहे. तरूण वर्ग सोशल मीडियाच्या माध्यमातून आपला आक्रोश मांडत आहे. (agitation in Bihar due to Agneepath Scheme, youth throwing stones at train).
अधिक वाचा : कधी आणि का साजरा केला जातो फादर्स डे? वाचा सविस्तर
सरकार विरोधात निदर्शने
सरकारची ही योजना पूर्णपणे चुकीची असल्याचे आंदोलक तरुणांचे म्हणणे आहे. चार वर्षांत निवृत्त होणार, तर पुढे काय करणार? येथे आरपीएफ रेल्वे ट्रॅक खाली करण्यात गुंतली आहे. तसेच आंदोलक तरूणांनी सरकार विरोधात घोषणाबाजी देखील केली.
काय आहे अग्निपथ योजना
दरम्यान, अग्निपथ योजनेच्या अंतर्गत दरवर्षी ४५,००० तरूणांना सैन्यात भरती केले जाईल. लक्षणीय बाब म्हणजे यात केवळ यात केवळ १७ ते २१ वर्षे वयोगटातील तरुणांनाच सहभागी होता येणार आहे. ही भरती गुणवत्ता आणि वैद्यकीय चाचणीच्या आधारे केली जाईल. यामध्ये निवड झालेल्या तरुणांना चार वर्षे सैन्यात सेवा करावी लागणार आहे. या चार वर्षांत अग्निवीरांना ६ महिन्यांचे मूलभूत लष्करी प्रशिक्षण दिले जाणार आहे. तसेच या अग्निवीरांना दरमहा ३०,००० ते ४०,००० रुपये पगार आणि इतर काही फायदे मिळतील. या कालावधीत अग्निवीरला तिन्ही सेवेतील कायम सैनिकांप्रमाणे पुरस्कार, पदके आणि विमा संरक्षण मिळेल. चार वर्षे पूर्ण झाल्यावर २५% स्थायी संवर्गात भरती केली जाईल. चार वर्षांनंतर बाहेर पडणाऱ्या अग्निवीरला सेवा निधी पॅकेज अंतर्गत १२ लाख रूपये मिळणार आहेत.
योजनेवरून वाद का?
या योजनेबाबत तरुणांमध्ये प्रचंड नाराजी आहे. याची अनेक कारणे सांगितली जात आहेत. यामध्ये चार वर्षांनंतर २५ टक्के अग्निवीरांनाही कायमस्वरूपी संवर्गात प्रवेश मिळेल अशी देखील चर्चा आहे, पण दहावी-बारावी उत्तीर्ण झालेले तरूण ४ वर्षांनी ७५ टक्के अग्निवीर तरूण काय करणार? सरकार त्यांना १२ लाख रुपये एकदम देत आहे पण दुसरी नोकरी मिळवण्यासाठी कोणतीही योजना नाही.
