World's most expensive whisky | जगातील सर्वात महागड्या व्हिस्कीच्या बाटलीचा इंग्लंडमध्ये होणार लिलाव...
Old Scotch whisky : एरवी अनेक मौल्यवान, दुर्मिळ किंवा जुन्या वस्तूंचा लिलाव होत असल्याचे आपण ऐकत असतो. मात्र जर दारूच्या एखाद्या बाटलीचा लिलाव होणार असेल आणि त्यावर उड्या पडणार असतील तर. कल्पनाच भन्नाट वाटते ना. मात्र असेच होणार आहे इंग्लंडमध्ये. स्कॉट व्हिस्कीच्या एका जुन्या बाटलीचा हा लिलाव असणार आहे. विशेष म्हणजे ही स्कॉच व्हिस्कीची जगातील सर्वात मोठी बाटली असणार आहे. होय सर्वात मोठी म्हणजे तब्बल 311 लिटरची स्कॉच व्हिस्कीची ही बाटली आहे.
स्कॉच व्हिस्कीची जगातील सर्वात महागडी बाटली | फोटो सौजन्य: Representative Image
थोडं पण कामाचं
- स्कॉट व्हिस्कीच्या एका जुन्या बाटलीचा लिलाव
- स्कॉच व्हिस्कीची जगातील सर्वात मोठी तब्बल 311 लिटरची बाटली
- 32 वर्ष जुन्या मॅकॅलनच्या 311 लिटरच्या विक्रमी बाटलीचा इंग्लंडमध्ये लिलाव
Auction of World's most expensive bottle of whisky : लंडन : एरवी अनेक मौल्यवान, दुर्मिळ किंवा जुन्या वस्तूंचा लिलाव होत असल्याचे आपण ऐकत असतो. मात्र जर दारूच्या एखाद्या बाटलीचा लिलाव होणार असेल आणि त्यावर उड्या पडणार असतील तर. कल्पनाच भन्नाट वाटते ना. मात्र असेच होणार आहे इंग्लंडमध्ये. स्कॉट व्हिस्कीच्या एका जुन्या बाटलीचा हा लिलाव असणार आहे. विशेष म्हणजे ही स्कॉच व्हिस्कीची जगातील सर्वात मोठी बाटली असणार आहे. होय सर्वात मोठी म्हणजे तब्बल 311 लिटरची स्कॉच व्हिस्कीची ही बाटली आहे. जगातील स्कॉच व्हिस्की(Scotch whisky)च्या सर्वात मोठ्या बाटलीचा (world's largest bottle of Scotch whisky)या महिन्यात इंग्लंडमध्ये लिलाव होणार आहे. 32 वर्ष जुन्या मॅकॅलनच्या (Macallan) 311 लिटरच्या विक्रमी बाटलीचा हा लिलाव आहे. (Auction of World's most expensive bottle of Scotch whisky to be held in UK)
जुन्या दारूची कमाल
असे म्हणतात की दारू जितकी जुनी तितकी ती अधिक चवदार असते. रसिक मंडळी त्यासाठी वाटेल ती किंमत मोजण्यास तयार असतात. युरोप, अमेरिकेत तर दारूचे विविध प्रकार दीर्घ काळासाठी साठवून ठेवले जातात. या राखून ठेवलेल्या दारूला मोठी किंमत मिळते. द इंट्रेपिड (The Intrepid)नावाने ओळखली जाणारी ही बाटली 5 फूट 11 इंच उंच असून एडिनबर्गस्थित लिलावगृहाद्वारे तिचा लिलाव केला जाईल. या एका बाटली एरवीच्या 444 बाटल्यांएवढी स्काच व्हिस्की आहे. वेल्स ऑनलाइननुसार 19 लाख डॉलरच्या विक्रमी किंमतीला विकल्या गेलेल्या व्हिस्कीच्या सर्वात महागड्या बाटलीचा (most expensive bottle of whisky) जागतिक विक्रम ही 5 फूट 11 इंच उंच बाटली मोडू शकते.
अधिक वाचा : Shawarma : शॉरमा खाल्ल्यामुळे शाळकरी विद्यार्थिनीचा मृत्यू, १८ जण रुग्णालयात दाखल
गिनिज बुकात नोंदणी
गिनीज वर्ल्ड रेकॉर्ड्सने (Guinness World Records) गेल्या वर्षी बाटली प्रमाणित केली होती. तर या लिलावात 13 लाख पौडांपेक्षा जास्त मिळालेल्या रकमेच्या 25 टक्के रक्कम मेरी क्युरी धर्मादाय संस्थेला (Marie Curie charity) दान केली जाईल.
वेल्स ऑनलाइनच्या मते, लिलावाचे नेतृत्व करणारे ल्योन आणि टर्नबुलचे कॉलिन फ्रेझर म्हणाले की, “बोलीदारांना स्कॉच व्हिस्कीच्या इतिहासाचा एक तुकडा खरेदी करण्याची संधी मिळेल. जगातील सर्वोत्कृष्ट डिस्टिलरी म्हणून ओळखल्या जाणार्‍या डिस्टिलरीच्या खास 32-वर्ष जुन्या सिंगल-माल्ट स्कॉचचे म्हणजे द मॅकलन ते मालक बनतील.”
32 वर्ष साठवलेली व्हिस्की
व्हिस्की मॅकॅलनच्या स्पेसाइड वेअरहाऊसमध्ये 32 वर्षांमध्ये परिपक्व झाली होती. ही व्हिस्की गेल्या वर्षी डंकन टेलर स्कॉच व्हिस्कीने बाटलीत पॅक केली होती. डंकन टेलर स्कॉच व्हिस्की ही जगातील आघाडीची व्हिस्की बॉटलिंग कंपनी आहे.
लिलाव करणाऱ्या कंपनीच्या मते, या व्हिस्कीला गुळगुळीत पोत आहे आणि एक गोड एकूण चव आहे. त्यात काही पांढरी मिरची लांब, उबदार वाढणारी आणि आफ्टरटेस्टमध्ये फ्रेंच सफरचंद टार्टची चवदेखील आहे.
याशिवाय, वेल्स ऑनलाइनने नोंदवले आहे की या कार्यक्रमाच्या स्मरणार्थ, काही खास बाटल्यांचे सेट देखील तयार करण्यात आले आहेत. यामध्ये 12 बाटल्यांचा संग्रह आहे. यातील प्रत्येक बाटलीत 32-वर्ष जुन्या मॅकॅलन व्हिस्की भरण्यात आली आहे. ही व्हिस्की त्याच विक्रमी बाटलीतून भरण्यात आलेली आहे.