Nasal Vaccine Price: नाकावाटे देण्यात येणाऱ्या भारत बायोटेकच्या कोरोना प्रतिबंधक लसीची किंमत ठरली, जाणून घ्या काय असेल दर

Bharat Biotech Nasal Vaccine prices announced: नाकावाटे देण्यात येणाऱ्या भारत बायोटेकच्या कोरोना प्रतिबंधक लसीच्या किमती संदर्भात महत्त्वाची माहिती समोर आली आहे. 

Representative Image
प्रातिनिधिक फोटो (Photo: AFP) 
थोडं पण कामाचं
  • भारत बायोटेकची नाकावाटे देण्यात येणारी कोरोना प्रतिबंधात्मक लस
  • नाकावाटे देण्यात येणाऱ्या लसीची किंमत अखेर ठरली

Bharat Biotech Nasal Vaccine prices in India: नाकावाटे देण्यात येणाऱ्या कोरोना प्रतिबंधात्मक लसीला काही दिवसांपूर्वी मंजूरी मिळाली होती. भारत बायोटेकच्या INCOVACC या नाकावाटे देण्यात येणाऱ्या कोरोना प्रतिबंधात्मक लसीची किंमत अखेर ठरली आहे. मीडिया रिपोर्ट्सनुसार, खासगी रुग्णालयात या लसीच्या एका डोसची किंमत 800 रुपये इतकी असणार आहे. यासोबतच 5 टक्के जीएसटी सुद्धा द्यावा लागणार आहे. (bharat biotech Nasal Vaccine price announce rs 800 and gst amount read details in marathi)

रिपोर्ट्सनुसार, खासगी रुग्णालयात एका डोससाठी 150 रुपये इतका अ‍ॅडमिनिस्ट्रेटिव्ह चार्ज सुद्धा द्यावा लागणार आहे. म्हणजेच एका डोससाठी 800 रुपये अधिक 5 टक्के जीएसटी अधिक 150 रुपये अ‍ॅडमिनिस्ट्रेटिव्ह चार्जेस असे करुन एकूण 100 रुपयांच्या आसपास पैसे मोजावे लागण्याची शक्यता आहे. गेल्या आठवड्यातच भारत बायोटेकच्या इंट्रानेझल INCOVACC या कोरोना प्रतिबंधात्मक लसीला मान्यता मिळाली होती.

हे पण वाचा : लघवी जास्त वेळ रोखून ठेवल्यावर काय होतं?

जानेवारी महिन्याच्या अखेरीस होईल उपलब्ध

इंट्रानेझल लस आधी कोवॅक्सिन (Covaxin) किंवा कोविशिल्ड (Covishield) लस घेतलेल्या व्यक्तींना इंट्रानेझल लस यापूर्वी बूस्टर शॉट म्हणून मंजूर करण्यात आली होती. रिपोर्ट्सनुसार, जानेवारी महिन्याच्या अखेरीला ज्या व्यक्तींनी कोरोना लसीचे दोन्ही डोस घेतले आहेत त्यांच्यासाठी ही लस उपलब्ध होईल.

हे पण वाचा : रात्री झोपण्यापूर्वी खा हे पदार्थ अन् मग पाहा चमत्कार

भारत बायोटेकने नाकावाटे देण्यात येणारी ही लस वॉशिंग्टन विद्यापीठाच्या मदतीने तयार केली आहे. भारत बायोटेकचे अध्यक्ष आणि व्यवस्थापकीय संचालक डॉ. कृष्णा एला यांच्या मते, इनकोवॅड INCOVACC ही लस कोरोना विरुद्ध प्रभावी आहे. ही लस कोरोना विरोधात लढण्यासाठी प्रतिकारशक्ती प्रदान करते.

चीनमध्ये पुन्हा एकदा कोरोनाचा प्रादुर्भाव वाढत असल्याचं दिसून येत आहे. अशा स्थितीत भारत सरकारने सुद्धा सुरक्षेचा उपाय म्हणून सावध पावलं उचलण्यास सुरुवात केली आहे. खबरदारीचे उपाय म्हणून भारत सरकारच्या आरोग्य मंत्रालयाने परदेशातून येणाऱ्या नागरिकांसाठी गाईडलाईन्स प्रसिद्ध केल्या आहेत.

ज्या नागरिकांनी कोरोना प्रतिबंधात्मक लसीचे डोस घेतलेले नाहीयेत त्यांनी कोविड लस घ्यावी तसेच ज्या नागरिकांनी बुस्टर डोस घेतले नाहीत अशा नागरिकांनामध्ये बुस्टर डोस संदर्भात जनजागृती करण्यात येत आहे. गर्दीच्या ठिकाणी मास्क सुद्धा परिधान करण्यात येत आहेत.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी