Eknath Shinde : शिवसेनेच्या बंडखोरीनंतर भाजप ऍक्शन मोडमध्ये, अमित शहांनी घेतली जे पी नड्डा यांची भेट

अमित शहा जे पी नड्डा   |  फोटो सौजन्य: BCCL

Eknath Shinde : नवी दिल्ली : शिवसेना नेते एकनाथ शिंदे ३५ आमदारांसोबत गुजरातमध्ये दाखल झाले असून नॉट रिचेबल झाले आहेत. भाजपसोबत शिवसेनेने सत्तास्थापन करावी अशी अट शिंदे यांनी घातली आहे. शिवसेनेच्या या बंडखोरीवर भाजपन ऍक्शन मोडमध्ये आली आहे. केंद्रीय गृहमंत्री अमित शहा यांनी भाजपचे अध्यक्ष जेपी नड्डा यांची भेट घेतली आहे. तर दुसरीकडे राज्याचे विरोधी पक्षनेते देवेंद्र फडणवीससुद्धा महाराष्ट्रातून दिल्लीसाठी रवाना झाले आहेत.

एकनाथ शिंदे घेणार भाजप नेत्यांची भेट

आज सांयकाळी शिवसेना नेते एकनाथ शिंदे केंद्रीय गृहमंत्री अमित शहा आणि भाजपध्यक्ष जेपी नड्डा यांची भेट घेणार आहेत.

शिवसेनेचा अंतर्गत प्रश्न

दरम्यान शरद पवार यांनी दिल्लीत पत्रकार परिषद घेतली आणि हा शिवसेनेचा अंतर्गत प्रश्न असल्याचे म्हटले आहे. असे असले तरी महाविकास आघाडी संकटातून नक्की बाहेर पडेल असा विश्वास व्यक्त करत ठाकरे सरकार स्थापन होण्यापूर्वीही आमचे आमदार पळवले होते असेही शरद पवार म्हणाले आहेत.