My Tiranga My Pride : काँग्रेसने नेहरुंचा फोटो असलेला ठेवला डीपी, अशा प्रकारे दिले पंतप्रधान मोदींच्या आवाहनाला प्रतिसाद

पंतप्रधान नरेंद्र मोदी यांनी समस्त देशवासियांना आपल्या सोशल मीडिया प्रोफाईलवर तिरंगा असलेला डीपी (डिस्प्ले पिक्चर) लावण्याचे आवाहन केले होते. त्यावर काँग्रेसने आपल्या ट्विटर अकाऊंटवर तिरंगा हातात असलेल्या जवाहरलाल नेहरु यांचा फोटो लावला आहे. तसेच संघाने अजूनही आपल्या ट्विटर अकाऊंटवरून तिरंगा लावलेला नाही यावरून टीकास्त्र सोडले आहे.

nehru with tricolor
जवाहरलाल नेहरु  |  फोटो सौजन्य: BCCL
थोडं पण कामाचं
  • पंतप्रधान नरेंद्र मोदी यांनी समस्त देशवासियांना आपल्या सोशल मीडिया प्रोफाईलवर तिरंगा असलेला डीपी (डिस्प्ले पिक्चर) लावण्याचे आवाहन केले होते.
  • त्यावर काँग्रेसने आपल्या ट्विटर अकाऊंटवर तिरंगा हातात असलेल्या जवाहरलाल नेहरु यांचा फोटो लावला आहे.
  • तसेच संघाने अजूनही आपल्या ट्विटर अकाऊंटवरून तिरंगा लावलेला नाही यावरून टीकास्त्र सोडले आहे.

My Tiranga My Pride : नवी दिल्ली : पंतप्रधान नरेंद्र मोदी (PM Narendra Modi) यांनी समस्त देशवासियांना आपल्या सोशल मीडिया प्रोफाईलवर (Soicial Media) तिरंगा (Tricolor) असलेला डीपी (Display Picture)  लावण्याचे आवाहन केले होते. त्यावर काँग्रेसने (Congress) आपल्या ट्विटर अकाऊंटवर (Twitter Account) तिरंगा हातात असलेल्या जवाहरलाल नेहरु (Jawaharlal Nehru) यांचा फोटो लावला आहे. तसेच संघाने (RSS) अजूनही आपल्या ट्विटर अकाऊंटवरून तिरंगा लावलेला नाही यावरून टीकास्त्र सोडले आहे. ज्यांनी स्वातंत्र्यापासून ५२ वर्षे आपल्या मुख्यालयावर तिरंगा फडकावला नाही ते लोक पंतप्रधान मोदींच्या आवाहनाला प्रतिसाद देतीला का? असा सवाल उपस्थित केला आहे. 

अधिक वाचा :  China Taiwan Memes : WWIII सोशल मीडियावर ट्रेंड, नेटकर्‍यांनी शेअर केले भन्नाट मीम्स


काँग्रेसचे महासविच जयराम रमेश यांनी ट्विट करून म्हटले आहे की, “१९२९ साली लाहोरच्या काँग्रेस अधिवेशनात रावी नदीच्या तिरावर पंडित नेहरु यांनी तिरंग फडकावला होता, तेव्हा नेहरु म्हणाले होते की,”आता हा तिरंगा फडकावल आहे, जोपर्यंत भारतात पुरुष, बाई आणि लहान मुलं जिवंत आहेत तोपर्यंत हा तिरंगा झुकता कामा नये’ देशवासियांनी असेच केले असे जयराम रमेश म्हणाले. 


जयराम रमेश यांनी राष्ट्रीय स्वयंसेवक संघावर टीका करताना म्हणाले की, आम्ही नेहरुंचा फोटो लावत आहोत, नेहरुंनी हातात तिरंगा घेतला आहे. पण पंतप्रधान नरेंद्र मोदीचा संदेश त्यांच्या कुटुंबीयांकडे पोहोचलेला दिसत नाही. ज्यांनी ५२ वर्षांत नागपुरात आपल्या मुख्यालयात तिरंगा फडकावला नाही ते पंतप्रधान मोदींच्या आवाहनाला प्रतिसाद देतील का असेही जयराम रमेश म्हणाले आहेत. 

अधिक वाचा : Shinde Vs Thackreay : आम्ही १० दिवसांसाठी सुनावणी काय टाळली, तुम्ही सरकार स्थापन केले; सरन्यायाधीशांनी सुनावले खडे बोल


काँग्रेस नेते पवर खेडा यांनी राष्ट्रीय स्वयंसेवक संघ आणि सरसंघचालक मोहन भागवत यांचे ट्विटर अकाऊंतचा डीपीचा स्क्रीनशॉट शर केला आहे तसेच संघवाल्यांनो आता तरी तिरंगा आपला करूना घ्या असे म्हटले आहे. 


पंतप्रधान नरेंद्र मोदी, केंद्रीय गृहमंत्री अमित शहा आणि भारतीय जनता पक्षाचे अध्यक्ष जे.पी.नड्डा यांच्यासह केंद्रातील अनेक मंत्र्यांनी आणि भाजपच्या अनेक नेत्यांनी सोशल मीडियावर आपल्या प्रोफाईलवरील डीपीवर तिरंगा लावला आहे तसेच नेटकर्‍यांना फोटो अपडेट करण्याचे आवाहन केले आहे.  पंतप्रधान नरेंद्र मोदी यांनी रविवारी मन की बात कार्यक्रमात म्हणाले होते की,  स्वातंत्र्याचा  अमृतमहोत्सवाचे रुपांतर जन आंदोलनात होत आहे. नागरिकांनी २ ऑगस्टपासून १५ ऑगस्टपासून आपल्या सोशल मीडियावर तिरंगा अपडेट करण्याचे आवाहन केले होते.  

अधिक वाचा : Congress: राहुल की प्रियंका, कोण होणार Congressचा पुढचा अध्यक्ष?; पुढच्या महिन्यात निवडणूक

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी