Dispute of Gyanvapi : सर्व्हे रिपोर्ट सादर करण्यास आयुक्तांनी मागितला वेळ, अहवाल तयार नसल्यानं आज होणार नाही सादर
वाराणसी ज्ञानवापी मशीद (Gyanvapi Masjid) परिसराचा सर्वेक्षण अहवाल आज दिवाणी न्यायाधीश (Civil Judge) वरिष्ठ विभाग रवी कुमार दिवाकर यांच्या न्यायालयात (Court) सादर केला जाणार नाही. हा अहवाल अद्याप तयार झालेला नाही.
सर्व्हे रिपोर्ट सादर करण्यास आयुक्तांनी मागितला वेळ | फोटो सौजन्य: Indiatimes
थोडं पण कामाचं
- न्यायालयात अर्ज करून दुसऱ्या दिवसाची तारीख देण्याची विनंती करणार
- आज दुपारी 1 वाजता सुप्रीम कोर्टात सुनावणी होणार
- सर्वेक्षणादरम्यानचे शेकडो तासांचे फोटो आणि व्हिडिओ आहेत. ते पाहून अहवाल तयार करण्यास वेळ लागणार आहे.
नवी दिल्ली : वाराणसी ज्ञानवापी मशीद (Gyanvapi Masjid) परिसराचा सर्वेक्षण अहवाल आज दिवाणी न्यायाधीश (Civil Judge) वरिष्ठ विभाग रवी कुमार दिवाकर यांच्या न्यायालयात (Court) सादर केला जाणार नाही. हा अहवाल अद्याप तयार झालेला नाही. आयोगाच्या कारवाईसाठी न्यायालयाने नियुक्त केलेले सहायक अधिवक्ता आयुक्त अजय सिंग यांनी सांगितले की, आजच सर्वेक्षण अहवाल सादर करण्याचे आदेश न्यायालयाने दिले होते, मात्र अद्यापही हा अहवाल महाधिवक्ता आयुक्तांनी तयार केलेला नाही.
बातमीची भावकी
दरम्यान, न्यायालयात अर्ज करून दुसऱ्या दिवसाची तारीख देण्याची विनंती करणार आहेत. न्यायालयाकडून जी तारीख मिळेल, त्या तारखेला अहवाल सादर केला जाईल. सर्वेक्षणादरम्यानचे शेकडो तासांचे फोटो आणि व्हिडिओ आहेत. ते पाहून अहवाल तयार करण्यास वेळ लागेल.
सर्वोच्च न्यायालयात आज सुनावणी
ज्ञानवापी मशीद संकुलातील सर्वेक्षणाचे प्रकरण आता सर्वोच्च न्यायालयात पोहोचले आहे. मस्जिद समितीने या सर्वेक्षणाविरोधात याचिका दाखल केली आहे. त्यावर आज दुपारी 1 वाजता सुप्रीम कोर्टात सुनावणी होणार आहे. न्यायमूर्ती डीवाय चंद्रचूड आणि न्यायमूर्ती पीएस नरसिंहा यांचे खंडपीठ या प्रकरणाची चौकशी करणार आहेत.13 मे रोजी वरिष्ठ अधिवक्ता फुझैल अहमदी यांनी ज्ञानवापी मशिदीचे सर्वेक्षण तत्काळ थांबवण्यासाठी सर्वोच्च न्यायालयात याचिका दाखल केली होती. त्यावर सर्वोच्च न्यायालयाने तातडीने सुनावणी घेण्यास नकार दिला. त्यासंबंधीच्या फाइल्स आधी पाहिल्या जातील, त्यानंतरच काही निर्णय घेतला जाईल, असे सर्वोच्च न्यायालयाने म्हटले होते. ज्ञानवापी परिसराच्या सर्वेक्षणानंतर शांतता आणि कायदा व सुव्यवस्थेबाबत पोलीस व प्रशासकीय विभागाकडून विशेष दक्षता घेतली जात आहे. संमिश्र लोकवस्तीच्या भागात पोलीस आणि पीएसी कर्मचारी तैनात करून स्थानिक गुप्तचर युनिटला हाय अलर्ट मोडवर ठेवण्यात आले आहे.