बिहारला भूकंपाचे धक्के

tremors felt in parts of Bihar : उत्तर भारतातील बिहार या राज्याच्या अनेक जिल्ह्यांना आज (रविवार ३१ जुलै २०२२) सकाळी ७.५८ वाजता भूकंपाचे धक्के जाणवले. या भूकंपाची तीव्रता ५.५ रिश्टर स्केल होती. भूकंपाचे केंद्र नेपाळची राजधीनी असलेल्या काठमांडूपासून १४७ किमी अंतरावर होते. 

Earthquake of 5.5 magnitude hits Nepal, tremors felt in parts of Bihar
बिहारला भूकंपाचे धक्के  |  फोटो सौजन्य: Representative Image
थोडं पण कामाचं
  • बिहारला भूकंपाचे धक्के
  • सकाळी ७.५८ वाजता भूकंपाचे धक्के जाणवले
  • भूकंपाची तीव्रता ५.५ रिश्टर स्केल

tremors felt in parts of Bihar : उत्तर भारतातील बिहार या राज्याच्या अनेक जिल्ह्यांना आज (रविवार ३१ जुलै २०२२) सकाळी ७.५८ वाजता भूकंपाचे धक्के जाणवले. या भूकंपाची तीव्रता ५.५ रिश्टर स्केल होती. भूकंपाचे केंद्र नेपाळची राजधीनी असलेल्या काठमांडूपासून १४७ किमी अंतरावर होते. 

बिहार हे राज्य नेपाळच्या सीमेलगत आहे. याच कारणामुळे नेपाळमध्ये भूकंप झाला त्यावेळी बिहारच्या काही जिल्ह्यांमध्येही भूकंपाचे धक्के जाणवले. बिहारची राजधानी पाटणा तसेच सहरसा, पूर्णिया, मधेपुरा, कटिहार, अररिया, दरभंगा, मधुबनी, सीतामढी, मोतिहारीसह अनेक जिल्ह्यांमध्ये भूकंपाचे सौम्य धक्के जाणवले. या भूकंपामुळे बिहारमध्ये जीवितहानी झाल्याचे वृत्त नाही. काही ठिकाणी नागरिकांना भूकंप झाला याची माहिती बातम्यांच्या माध्यमातून मिळाली. त्यांना भूकंप जाणवला नाही. तर काही भागांमध्ये भूकंपाची जाणीव नागरिकांना झाली. ज्या भागांमध्ये भूकंप झाल्याची जाणीव झाली त्या भागांमध्ये नागरिक भूकंप जाणवू लागताच घराबाहेर रस्त्यांवर आले. भूकंपानंतर सर्व काही स्थिरस्थावर याची खात्री पटल्यानंतरच नागरिक पुन्हा घरात गेले. 

बिहारच्या अनेक भागांमध्ये शनिवार ३० जुलै २०२२ पासून पावसाचा जोर वाढला आहे. नद्यांच्या पाण्याची पातळी वाढू लागली आहे. या अशा वातावरणात भूकंप झाल्यामुळे प्रशासनाच्या चिंतेत वाढ झाली.

भूकंपाविषयी विश्वासार्ह अंदाज व्यक्त करणे कठीण

जगातील कोणत्याही संस्थेला खात्रीने विशिष्ट भागात विशिष्ट दिवशी विशिष्ट क्षमतेचा भूकंप येईल असा ठाम अंदाज व्यक्त करणे शक्य झालेले नाही. पावसाप्रमाणे भूकंपाविषयी विश्वासार्ह अंदाज व्यक्त करणे कठीण आहे.

भूकंप येत असल्यास घरात स्वतःचे रक्षण करण्याचे उपाय

  1. विजेची उपकरणे, गॅस जोडणी बंद करा; काचेच्या वस्तूंपासून आणि काचेच्या खिडक्यांपासून दूर राहा
  2. जमिनीवर शक्यतो मोकळ्या जागी अथवा खाटेखाली अथवा जड टेबलाखाली असलेल्या मोकळ्या जागेत शांत बसा. हाताने डोके आणि मान झाका
  3. गादीवर झोपले असल्यास तसेच राहा, उशीने डोके आणि मान झाका
  4. भूकंप जाणवत असताना शांत राहा, सुरक्षित राहा पण उगाच धावपळ करू नका
  5. लिफ्ट वापरणे टाळा, जिन्याचा वापर करा

भूकंप येत असल्यास घराबाहेर स्वतःचे रक्षण करण्याचे उपाय

  1. भूकंप जाणवू लागल्यास मोकळ्या मैदानात जा, वाहनात असल्यास वाहन आहे तिथेच थांबवा आणि शांत राहा
  2. शक्यतो उंच इमारत, पूल, विजेचे अथवा दिव्याचे खांब, विजेच्या तारा आणि विजेची उपकरणे, मोठे झाड यापासून दूर राहा

भूकंपाममुळे ढिगाऱ्याखाली दबल्यास स्वतःचे रक्षण करण्याचे उपाय

  1. शांत राहा, रुमाल अथवा कापडाने चेहरा झाकून घ्या
  2. एखादी अवजड वस्तू हाती लागल्यास थोड्या थोड्या वेळाने जमिनीवर ती वस्तू आपटून हलका आवाज करा किंवा शिटी वाजवा यामुळे मदत करणारे पथक लवकर आपल्यापर्यंत पोहोचू शकेल
  3. धूळ उडवू नका, आगपेटीचा (काडेपेटी) वापर करणे टाळा 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी