Assembly elections Guidelines: उमेदवारांनो! फक्त 20 कार्यकर्ते घेऊन फिरा; रॅली आणि जाहीर सभांबाबत EC चा मोठा निर्णय, जाणून घ्या नवीन मार्गदर्शक तत्त्वे
Assembly elections : पाच राज्यांच्या (States) विधानसभा निवडणुका (Assembly elections) होणार आहेत. निवडणुका म्हटल्या म्हणजे प्रचारांच्या धुराळा उडत असतो. जो नाही तो आपल्या कार्यकर्त्यांना (Party Workers) घेऊन आपल्या मतदारसंघात (Constituency) मत मागण्यास उमेदवारांचे (Candidates) दौऱ्यावर दौरे होत असतात.
रॅली आणि जाहीर सभांबाबत EC चा मोठा निर्णय | फोटो सौजन्य: Indiatimes
थोडं पण कामाचं
- विधानसभा निवडणुकांबाबत निवडणूक आयोगाने (Election Commission) सोमवारी नवी मार्गदर्शक तत्त्वे (guidelines) जारी केली आहेत.
- नव्या सूचनांनुसार आता उमेदवार आणि कार्यकर्ते 20 च्या संख्येने घरोघरी जाऊन प्रचार करू शकतील.
- 8 जानेवारी 2022 रोजी जारी केलेल्या मार्गदर्शक तत्त्वांच्या सर्व सूचना आणि निर्बंध लागू राहतील.
EC issued Assembly elections guidelines : नवी दिल्लीः पाच राज्यांच्या (States) विधानसभा निवडणुका (Assembly elections) होणार आहेत. निवडणुका म्हटल्या म्हणजे प्रचारांच्या धुराळा उडत असतो. जो नाही तो आपल्या कार्यकर्त्यांना (Party Workers) घेऊन आपल्या मतदारसंघात (Constituency) मत मागण्यास उमेदवारांचे (Candidates) दौऱ्यावर दौरे होत असतात. परंतु आता कार्यकर्त्यांचा गराडा घेऊन उमेदवारांना मते मागता येणार नाहीत. विधानसभा निवडणुकांबाबत निवडणूक आयोगाने (Election Commission) सोमवारी नवी मार्गदर्शक तत्त्वे (guidelines) जारी केली आहेत. कोरोनाची वाढती प्रकरणे पाहता आयोगाने निवडणूक प्रचाराशी संबंधित निर्बंधांमध्ये मोठा दिलासा दिला आहे. नव्या सूचनांनुसार आता उमेदवार आणि कार्यकर्ते 20 च्या संख्येने घरोघरी जाऊन प्रचार करू शकतील. आयोगाने राजकीय पक्षांना आणखी कोणता दिलासा दिला आहे ते आपण या लेखात जाणून घेणार आहोत..
निवडणूक आयोगाने नवीन मार्गदर्शक तत्त्वे जारी केली आहेत
- पक्ष किंवा पक्षाचे उमेदवार आता 1000 लोकांसोबत सभा घेऊ शकणार आहेत. यामध्ये स्थानिक एसडीएमच्या मार्गदर्शक सूचनांचीही काळजी घ्यावी लागणार आहे.
- 11 फेब्रुवारी 2022 पर्यंत कोणताही रोड शो, पदयात्रा, सायकल/बाईक/वाहन रॅली आणि मिरवणुकांवर बंदी कायम राहील.
- घरोघरी प्रचारासाठी लोकांची संख्या 10 वरून 20 करण्यात आली आहे. या दरम्यान कोरोनाला योग्य वर्तनाची पूर्ण काळजी घ्यावी लागेल.
- इनडोअर सभांना उपस्थित राहणाऱ्यांची संख्या 300 वरून 500 पर्यंत वाढवण्यात आली आहे. पण हे लक्षात ठेवले लागेल की सभागृहाच्या क्षमतेपैकी केवळ 50% लोक सभेला उपस्थित राहिले पाहिजेत. एसडीएमएने जारी केलेल्या सूचनांचीही काळजी घ्यावी लागेल.
- राजकीय पक्ष आणि उमेदवारांना केवळ कोरोनाशी संबंधित योग्य उपचार आणि मार्गदर्शक तत्त्वांसह प्रचार करण्याची परवानगी असेल.
- या बदलांव्यतिरिक्त, 8 जानेवारी 2022 रोजी जारी केलेल्या मार्गदर्शक तत्त्वांच्या सर्व सूचना आणि निर्बंध लागू राहतील.
पाच राज्यांतील निवडणुकांची तारीख
उत्तर प्रदेशमध्ये सात टप्प्यात निवडणुका होणार आहेत. 10 फेब्रुवारी, 14 फेब्रुवारी, 20 फेब्रुवारी, 23 फेब्रुवारी, 27 फेब्रुवारी, 3 मार्च आणि 7 मार्च 2022 रोजी मतदान होणार आहे. मणिपूरमध्ये २७ फेब्रुवारी आणि ३ मार्चला दोन टप्प्यात मतदान होणार आहे. याबरोबर पंजाब, उत्तराखंड आणि गोव्यात १४ फेब्रुवारीला एकाच टप्प्यात मतदान होणार आहे. तर 10 मार्च रोजी मतमोजणी होणार आहे.
कोणत्या राज्यात किती जागा?
उत्तर प्रदेश- 403 जागा
पंजाब - 117 जागा
उत्तराखंड 70 जागा
मणिपुर - 60 जागा
गोवा - 40 जागा