Hyderabad Encounter : बलात्काऱ्यांवरील चकमक बनावट, SC च्या चौकशी समितीचा अहवाल, पोलिसांवर चालवला जाणार खटला

Hyderabad Encounter : बलात्काऱ्यावरील चकमक बनवाट- SC   |  फोटो सौजन्य: Times Now

नवी दिल्ली: सर्वोच्च न्यायालयाने (Supreme Court) नियुक्त केलेल्या न्यायिक चौकशी आयोगाने (Judicial Inquiry Commission) डिसेंबर 2019 च्या कथित हैदराबाद (Hyderabad) चकमक (Encounter) हत्याकांडाच्या अहवालाचे सार्वजनिक करण्यास मंजुरी दिली आहे. आयोगाच्या अहवालानुसार, एसीपी रॅकसह 10 पोलीस कर्मचारी बनावट चकमकीत आरोपी असल्याची म्हटलं गेलं आहे. दरम्यान तेलंगणा सरकारने हा अहवाल सीलबंद लिफाफ्यात ठेवावा अशी मागणी केली होती, सर्वोच्च न्यायालयाने ही मागणी फेटाळून लावली आहे.  

बातमीची भावकी

Rajiv Gandhi Assassination case: सर्वोच्च न्यायालयाने राजीव गांधींच्या मारेकऱ्याला का सोडले, समजून घ्या त्याच्या मागची कहाणी

Shri Krishna Janmabhoomi Case : ज्ञानवापीनंतर कृष्णभूमीचा वाद; श्रीकृष्ण जन्मभूमीवर शाही ईदगा, कोर्टाकडून याचिका मंजूर

Lalu Yadav Cbi Raid : सीबीआयने दिल्ली-पाटणासह लालू यादवांच्या 17 ठिकाणांवर टाकले छापे

यावर सरन्यायाधीश म्हणाले, 'यामध्ये गुप्ततेची कोणतीही चर्चा नाही. आमच्या आदेशानुसार चौकशी करण्यात आली असून काही लोक दोषी आढळले असून त्या अहवालाच्या आधारे राज्य सरकारने कारवाई करावी. यासह ज्यांनी चकमकीच्या चौकशीची मागणी करणारी जनहित याचिका दाखल केली आहे. त्या याचिकाकर्त्यांसोबत न्यायालयीन अहवालाची प्रत शेअर करण्याची परवानगी देण्यात आली. यामुळे आता प्रकरण पु्न्हा तेलंगणा उच्च न्यायालयाकडे सोपवण्यात आले आहे.

चकमकीनंतर चौकशी समिती स्थापन

12 डिसेंबर 2019 रोजी, सर्वोच्च न्यायालयाने 6 डिसेंबर 2019 रोजी हैदराबादमध्ये चार आरोपींच्या कथित चकमकीला कारणीभूत असलेल्या परिस्थितीची चौकशी करण्यासाठी माजी SC न्यायाधीश न्यायमूर्ती व्हीएस सिरपूरकर यांच्या अध्यक्षतेखालील चौकशी आयोगाची स्थापना करण्याचे निर्देश दिले. त्यात मुंबई उच्च न्यायालयाच्या माजी न्यायाधीश न्यायमूर्ती रेखा बलदोटा आणि सीबीआयचे माजी संचालक कार्तिकेयन यांचा समावेश होता.

पोलिसांवर खुनाचा खटला चालणार

चौकशीनंतर आयोगाने आपला अहवाल सर्वोच्च न्यायालयात सादर केला. सर्वोच्च न्यायालयाने हे प्रकरण पुढील कार्यवाहीसाठी उच्च न्यायालयात पाठवण्यास सांगितले आहे. सर्वोच्च न्यायालयाने स्थापन केलेल्या चौकशी आयोगाने प्रसिद्ध हैदराबाद चकमक बनावट असल्याचे म्हटले आहे. या चकमकीत सहभागी असलेल्या 10 पोलिसांवर हत्येचा गुन्हा दाखल करण्याची शिफारस करण्यात आली आहे. 

या गुन्ह्यातील  9 पोलिसांची नावे आहेत ती खालीलप्रमाणे - 

1. श्री व्ही सुरेंद्र, एसीपी शादनगर ,
2. कॅनडा नरसिंह रेड्डी, मंडळ अधिकारी
3. के व्यंकटेश्वरलू, उपनिरीक्षक
4. शेख लाल मदार, एस.आय)
5. मोहम्मद सिराजुद्दीन (हेड कॉन्स्टेबल) 
6. धर्मकार जानकीराम (हेड कॉन्स्टेबल)
7. सैदुपल्ली अरविंद गौर, पोलीस हवालदार
8. बाळू राठोड
9. देवर शेट्टी श्रीकांत  (दहाव्या आरोपीचं नाव अद्याप हाती आलेलं नाही.)