जुलै महिन्यात ९४ ते १०६ टक्के पावसाची शक्यता
IMD All India Weather Forecast Bulletin भारतीय हवामान खात्याच्या अंदाजानुसार जुलै महिन्यात (जुलै २०२१) देशात ९४ ते १०६ टक्के पावसाची शक्यता आहे.
जुलै महिन्यात ९४ ते १०६ टक्के पावसाची शक्यता
थोडं पण कामाचं
- जुलै महिन्यात ९४ ते १०६ टक्के पावसाची शक्यता
- उत्तर आणि उत्तर पश्चिम भारतामध्ये सर्वसाधारण पावसाची शक्यता
- मध्य भारतात सर्वसाधारणच्या तुलनेत जास्त पावसाची शक्यता
नवी दिल्ली: भारतीय हवामान खात्याच्या अंदाजानुसार जुलै महिन्यात (जुलै २०२१) देशात ९४ ते १०६ टक्के पावसाची शक्यता आहे. उत्तर आणि उत्तर पश्चिम भारतामध्ये सर्वसाधारण पावसाची शक्यता आहे. मध्य भारतात सर्वसाधारणच्या तुलनेत जास्त पावसाची शक्यता आहे. IMD All India Weather Forecast Bulletin
महाराष्ट्रात ७ किंवा ८ जुलैनंतर पुन्हा पावसाला सुरुवात होण्याची शक्यता आहे. महाराष्ट्राच्या किनारी भागात तसेच सह्याद्रीच्या परिसरात सर्वसाधारणच्या तुलनेत कमी पावसाची शक्यता आहे. उत्तर महाराष्ट्र, विदर्भासह मराठवाड्याच्या पूर्वकडील भागात सर्वसाधारणच्या तुलनेत जास्त पावसाची शक्यता आहे. विदर्भात आणि मध्य महाराष्ट्रात सर्वसाधारणच्या तुलनेत कमी पावसाची शक्यता आहे.
बातमीची भावकी
पाऊस पडणार, पण कसा?... पावसाची भविष्यवाणी
- जुलै महिन्यात मध्यम स्वरुपाच्या पावसाचा अंदाज आहे.
- ऑगस्ट महिन्याच्या पहिल्या आठ दिवसांमध्ये पावसाचा जोर जास्त दिसून येईल. नंतर पावसाचा जोर कमी राहील.
- सप्टेंबर महिन्यात सुरुवातीला कमी पाऊस पडेल. पण २० सप्टेंबर नंतर पुढील दहा चांगला पाऊस पडेल, असा अंदाज आहे.
- ऑक्टोबर महिन्यात पावसाच्या तीव्रतेत चढउतारांची शक्यता आहे. ऑक्टोबरच्या पहिल्या दहा दिवसांत आणि शेवटच्या दहा-बारा दिवसांत पावसाचा जोर जाणवेल. एरवी कमी पावसाची शक्यता आहे.
- १० नोव्हेंबर पर्यंत पावसाचा शेवटचा टप्पा असेल. यानंतर थंडीला सुरुवात होईल, असा अंदाज आहे.
- महाराष्ट्रात २२ जून ते ८ ऑगस्ट या कालावधीत चांगल्या पर्जन्यवृष्टीची शक्यता आहे. यातही २२ जून ते १७ जुलै दरम्यान राज्यात उत्तम पावसाची शक्यता आहे. सप्टेंबरच्या पहिल्या पंधरवड्यातही राज्यात पावसाची स्थिती चांगली असेल.