engineering colleges : ही आहेत भारतातील टॉप टेन इंजिनिअरिंग कॉलेज
India's top ten engineering colleges : बारावी आणि जेईई अॅडव्हान्स या दोन्ही परीक्षा उत्तीर्ण झालेल्या विद्यार्थ्यांना भारतातील आयआयटीमध्ये प्रवेशाकरिता अर्ज करता येतो
भारतातील टॉप टेन इंजिनिअरिंग कॉलेज | फोटो सौजन्य: Representative Image
थोडं पण कामाचं
- भारतातील टॉप टेन इंजिनिअरिंग कॉलेज
- बारावी, जेईई मेन्स, जेईई अॅडव्हान्स या परीक्षा उत्तीर्ण झालेल्यांनाच इंजिनिअरिंग कॉलेजमध्ये संधी
- सर्वाधिक रँक मिळवणाऱ्या निवडक विद्यार्थ्यांना टॉप टेन इंजिनिअरिंग कॉलेजमध्ये संधी
India's top ten engineering colleges : बारावी आणि जेईई अॅडव्हान्स या दोन्ही परीक्षा उत्तीर्ण झालेल्या विद्यार्थ्यांना भारतातील आयआयटीमध्ये प्रवेशाकरिता अर्ज करता येतो. जेईई अॅडव्हान्स उत्तीर्ण होण्यासाठी आधी जेईई मेन्स ही परीक्षा उत्तीर्ण होणे आवश्यक आहे. यंदा शनिवार 15 एप्रिल 2023 रोजी जेईई मेन्स होणार आहे. ही परीक्षा उत्तीर्ण झालेल्या पहिल्या जास्तीत अडीच लाख विद्यार्थ्यांना जेईई अॅडव्हान्स परीक्षेला बसता येईल.
जेईई अॅडव्हान्स परीक्षा उत्तीर्ण झालेल्या पहिल्या जास्तीत जास्त 1 लाख जणांनाच भारतातील आयआयटीच्या विविध अभ्यासक्रमांसाठी प्रवेश मिळतो. इतरांना एनआयटी आणि केंद्रीय विद्यापीठांमध्ये प्रवेश दिला जातो. भारतातील टॉप टेन इंजिनिअरिंग कॉलेजमध्ये प्रवेश मिळालेल्या विद्यार्थ्यांना उत्तीर्ण झाल्यावर मोठ्या पॅकेजच्या नोकऱ्या मिळण्याची शक्यता जास्त असते. यामुळे विद्यार्थी टॉप टेन कॉलेजांसाठी धडपडत असतात.
मुंबईतला राजवाडा आहे मुकेश अंबानींचे घर
कपल्ससाठी मुंबईत फिरण्याचे BEST SPOTS
बातमीची भावकी
जाणून घ्या सध्याची भारतातील टॉप टेन इंजिनिअरिंग कॉलेज
- आयआयटी मद्रास : चेन्नईत आहे. येथे सिव्हिल, कॉम्प्युटर सायन्स, इलेक्ट्रिकल आणि इतर ट्रेडमध्ये बीटेक केले जाते. जेईई अॅडव्हान्समध्ये ऑल ओव्हर ३० हजार रँक मिळवणाऱ्यांनाच येथे प्रवेश मिळतो.
- आयआयटी मुंबई किंवा आयआयटी बॉम्बे : मुंबईत आहे. बीटेक सिव्हिल, कॉम्प्युटर सायन्ससह इतर ट्रेडमध्ये अभ्यासक्रम उपलब्ध आहेत. या संस्थेतून उत्तीर्ण झालेल्यांना हमखास मोठ्या पॅकेजच्या नोकऱ्या मिळतात.
- आयआयटी खरगपूर : या संस्थेतून उत्तीर्ण झालेल्यांनाही मोठ्या पॅकेजच्या नोकऱ्या मिळतात. प्रवेशासाठी अखिल भारतीय स्तरावर काऊन्सेलिंग केले जाते.
- आयआयटी दिल्ली : दक्षिण दिल्लीत आहे. संपूर्ण भारतात काही हजार रँक मिळवणाऱ्या उमेदवारांनाच त्यात प्रवेश दिला जातो. यासाठी उमेदवारांना जेईईच्या समुपदेशनात हजर राहावे लागेल.
- आयआयटी रुरकी : उत्तराखंडमध्ये रुरकी येथे आहे. सिव्हिल, कॉम्प्युटर सायन्स, मेकॅनिकलमध्ये बी.टेक. करता येते.
- आयआयटी हैदराबाद : तेलंगणातील हैदराबादमध्ये आहे. बीटेक सिव्हिल कॉम्प्युटर सायन्समध्ये करू शकता.
- आयआयटी गांधीनगर : गुजरातमध्ये गांधीनगर येथे आहे. जेईई अॅडव्हान्स परीक्षा उत्तीर्ण करणार्‍या बहुतेक इच्छुकांसाठी हा टॉपचा पर्याय आहे. येथे विविध ट्रेडमध्ये बी.टेक करू शकता.
- आयआयटी रोपर-रूपनगर : जेईई अॅडव्हान्स परीक्षेत चांगले गुण मिळवणाऱ्यांना येथे संधी मिळते
- आयआयटी, पाटणा : बिहारमध्ये पाटणा येथे आहे.
- आयआयटी गुवाहाटी : जेईई अॅडव्हान्स परीक्षेत चांगले गुण मिळवणाऱ्यांना येथे संधी मिळते