नेपाळमध्ये चालणार भारताचे रुपे कार्ड

नेपाळमध्ये चालणार भारताचे रुपे कार्ड 

Launch of Rupay in Nepal to enhance financial connectivity : नवी दिल्ली : नेपाळचे पंतप्रधान शेर बहादुर देउबा भारत दौऱ्यावर आहेत. आज (शनिवार २ एप्रिल २०२२) हिंदू नवसंवत्सराच्या पहिल्या दिवशी अर्थात गुढी पाडव्याच्या शुभ मुहूर्तावर दिल्लीत भारताचे पंतप्रधान नरेंद्र मोदी आणि शेर बहादुर देउबा यांनी संयुक्तपणे नेपाळसाठी रुपे कार्ड लाँच केले. आता नेपाळमध्येही भारताचे रुपे कार्ड चालणार आहे. यामुळे भारत आणि नेपाळ यांच्यात आर्थिक व्यवहारांचा नवा राजमार्ग खुला झाला आहे.

रुपे कार्ड ही आत्मनिर्भरतेकडे वाटचाल करत असलेल्या भारताची स्वदेशी कार्ड पेमेंट सिस्टिम आहे. रुपे अंतर्गत क्रेडिट कार्ड, डेबिट कार्ड, कॉन्टॅक्टलेस स्मार्ट कार्ड, स्टोअर व्हॅल्यू कार्ड, डिजिटल कार्ड, भारत क्यूआर हे सर्व प्रकार उपलब्ध आहेत. रुपे कार्ड भारत, नेपाळ, सिंगापूर, भूतान, मालदीव, सौदी अरेबिया, संयुक्त अरब आमिरात, बहारिन, म्यानमार, ऑस्ट्रेलिया, दक्षिण कोरिया या देशांमध्ये चालते. 

बातमीची भावकी

India Nepal railway service: भारत आणि नेपाळ दरम्यान पहिल्यांदाच सुरू होणार ट्रेन, पंतप्रधान मोदी करणार उद्घाटन

Travel To Offbeat Hill Stations : उन्हाळ्यात गर्दीपासून दूर चला थंड हवेच्या ठिकाणी 

Nepal Celebrates A Festival : नेपाळमध्ये साजरी केली जाते अनोखी 'दिवाळी', कोणत्या देवाची नाही तर कुत्र्यांची होते पूजा

शेर बहादुर देउबा नेपाळचे पंतप्रधान, संसदेत बहुमत सिद्ध

नेपाळ आणि भारत यांच्यात झालेले महत्त्वाचे निर्णय

1. बिहारच्या जयनगरपासून नेपाळच्या कुर्था पर्यंतच्या रेल्वे सेवेचे उद्घाटन
2. सोलर कॉरिडोर १३२ केव्ही पॉवर ट्रान्समिशन लाइन आणि सबस्टेशन यांचे उद्घाटन
3. भारत-नेपाळ सीमेचा गैरवापर होऊ नये यासाठी दोन्ही देश संयुक्तपणे काम करणार
4. भारताच्या सहकार्याने चालविली जाणार नेपाळ पोलीस अकादमी
5. नेपालगंज येथे ई- इंटीग्रेटेड चेक पोस्ट
6. रामायण सर्किट
7. भारत आणि नेपाळ संयुक्तपणे नेपाळमध्ये पंचेश्वर प्रकल्पावर काम करत आहेत. दोन्ही देश संयुक्तपणे जलविद्युत निर्मितीसाठी नियोजन करत आहेत. या प्रकल्पातील भारतीय गुंतवणूक वाढवण्याबाबत चर्चा