Republic Day : कर्तव्यपथावर महाराष्ट्राच्या नारीशक्तीचा जागर

कर्तव्यपथावर महाराष्ट्राच्या नारीशक्तीचा जागर  |  फोटो सौजन्य: Representative Image

Maharashtra Chitrarath or Maharashtra Tableau based on the Nari Shakti participated in Republic Day Parade : आज (गुरुवार 26 जानेवारी 2023) भारताचा 74वा प्रजासत्ताक दिन साजरा होत आहे. परंपरेनुसार प्रजासत्ताक दिनी सकाळी दिल्लीत कर्तव्यपथावर परेड झाली. या परेडमध्ये (पथसंचलन) महाराष्ट्राच्या वतीने 'साडेतीन शक्तिपीठे आणि नारी शक्ती' या संकल्पनेवर आधारित चित्ररथ सहभागी झाला. 

महाराष्ट्राच्या चित्ररथावर कोल्हापूर, तुळजापूर, माहूर आणि नाशिक या साडेतीन शक्तिपिठांच्या देवींच्या मूर्ती होत्या. तसेच गोंधळी, पोतराज, वारकरी यांचा समावेश दिसत होता. राज्यातील सांस्कृतिक वैविध्य अनुभवण्याची संधी महाराष्ट्राच्या चित्ररथाद्वारे देण्यात आली होती. 

विशेष म्हणजे दिल्लीत कर्तव्यपथावर आणि महाराष्ट्रात मुंबई येथे शिवाजी पार्कवर असे 2 ठिकाणी महाराष्ट्राचे चित्ररथ परेडमध्ये सहभागी झाले. दोन्ही चित्ररथांच्या संकल्पनेत फरक होता. पण दोन्ही चित्ररथांसाठी 2 वेगवेगळी गाणी रचण्याची जबाबदारी डोंबिवलीच्या प्राची गडकरी यांना देण्यात आली होती. या 2 गाण्यांसाठी कौशल इनामदार आणि वैशाली सामंत या दोघांनी संगीताची बाजू सांभाळली होती.

भारताचे लष्करी सामर्थ्य

प्रजासत्ताक दिन विशेष रांगोळी

बातमीची भावकी

74th Republic Day of India : प्रजासत्ताक दिनी कर्तव्यपथावर भारताच्या सामर्थ्याची झलक

Happy Republic Day : इस्रायलकडून भारतीय भाषांमध्ये प्रजासत्ताक दिनाच्या शुभेच्छा

Republic Day Wishes in Marathi 2023 :प्रजासत्ताक दिनानिमित्त शुभेच्छा Wishes, Images, WhatsApp Stickers द्वारे देऊन साजरा करा राष्ट्रीय सण!

महाराष्ट्रातील साडेतीन शक्तिपीठे

महाराष्ट्रात कोल्हापूर, तुळजापूर, माहूर आणि नाशिक या ठिकाणी शक्तिपीठे आहेत. या शक्तिपीठांना महाराष्ट्रातील साडेतीन शक्तिपीठे या नावाने ओळखले जाते. दरवर्षी लाखो भाविक या शक्तिपिठांना भेट देऊन देवीचे दर्शन घेतात. 

1. तुळजापूर येथे तुळजाभवानी देवीचे मंदिर आहे. या मंदिराला आद्य आणि पूर्ण शक्तिपीठ म्हणून ओळखले जाते.
2. कोल्हापूर येथे महालक्ष्मी देवीचे मंदिर आहे. या मंदिराला पूर्ण शक्तिपीठ म्हणून ओळखले जाते.
3. माहूर येथे रेणुकामातेचे मंदिर आहे. या मंदिराला पूर्ण शक्तिपीठ म्हणून ओळखले जाते.
4. वणी येथे सप्तश्रृंगी देवीचे मंदिर आहे. या मंदिराला अर्ध शक्तिपीठ म्हणून ओळखले जाते.