Manish Sisodia Arrested: CBI ने दिल्लीचे उपमुख्यमंत्री मनीष सिसोदिया यांना का केली अटक? जाणून घ्या काय आहे हे संपूर्ण प्रकरण

CBIने दिल्लीचे उपमुख्यमंत्री मनीष सिसोदिया यांना का केली अटक  |  फोटो सौजन्य: Times Now

Sisodia Arrested: दिल्ली: दिल्लीचे (Delhi) उपमुख्यमंत्री (Deputy Chief Minister) आणि मुख्यमंत्री  (Chief Minister)अरविंद केजरीवाल( Arvind Kejriwal) यांचे निकटवर्तीय समजले जाणारे मनीष सिसोदिया (Manish Sisodia) यांना सीबीआयने अटक केली आहे.  मद्य घोटाळ्याप्रकरणात अटक करण्यात आली आहे. सीबीआयने आज सिसोदिया यांना चौकशीसाठी बोलावले होते. जवळपास 8 तास त्यांची चौकशी करण्यात आली, त्यानंतर सिसोदियांना अटक करण्यात आली आहे.  (Why did CBI arrest Delhi Deputy Chief Minister Manish Sisodia? Find out what the case is )

अधिक वाचा  : Images द्वारे पाठवा मराठी राजभाषा दिनानिमित्त शुभेच्छा संदेश

तत्पूर्वी, सीबीआयने सिसोदिया यांचे निकटवर्तीय दिनेश अरोरा, साऊथ लॉबीचे कथित सदस्य आणि पॉलिसी मिळविलेल्या राजकारणी आणि मद्यविक्रेत्यांच्या गटाकडून मिळालेल्या माहितीच्या आधारे उपमुख्यमंत्र्यांची सविस्तर चौकशी केली. दिल्ली सरकारच्या धोरणाचा काही व्यापाऱ्यांना फायदा झाल्याचा सिसोदियांवर आरोप आहे. यासाठी या लोकांनी लाच दिल्याचा आरोपही त्यांच्यावर करण्यात आला आहे. 

अधिक वाचा  : Daily Horoscope : जाणून घ्या कोणत्या राशीसाठी आठवड्यातील पहिला दिवस असेल भारी

सिसोदियांना सकाळी  11.10 वाजता सिसोदिया सीबीआय कार्यालयात चौकशीसाठी हजर झाले. याआधीही गेल्या रविवारी सिसोदिया यांना चौकशीसाठी बोलावण्यात आले होते. मात्र अर्थसंकल्पाच्या तयारीचा हवाला देत ते पुढे ढकलण्याची विनंती केली होती. त्यानंतर सीबीआयने त्यांना 26 फेब्रुवारीला हजर राहण्यास सांगितले होते. दरम्यान चौकशी झाल्यानंतर  सिसोदिया यांना अटक करण्यात आली.  दरम्यान, सिसोदिया यांच्या अटकेचा आम आदमी पक्षाने निषेध केला आहे. सिसोदिया यांना अटक करण्यात आली पण ही कारवाई का झाली, काय घोटाळा आहे, याची माहती जाणून घेऊ..

अधिक वाचा  : मराठी राजभाषा दिनानिमित्त पाठवा मराठमोळ्या शुभेच्छा संदेश

काय आहे हे संपूर्ण प्रकरण? 

• हे प्रकरण 2021 मध्ये सादर केलेल्या दिल्लीच्या नवीन दारू विक्री धोरणाशी संबंधित आहे.  केजरीवाल सरकारने 2021 मध्ये मद्यविक्रीसाठी नवीन धोरण तयार केले होते. ज्यामध्ये कथित घोटाळ्याचा आरोप आहे. वाद वाढल्यानंतर तो रद्दही करण्यात आला.
• या धोरणात सरकारचा दारूविक्रीशी काहीही संबंध नसून केवळ खासगी दुकानांनाच दारू विक्री करण्याची परवानगी होती. मद्याचा काळाबाजार रोखणे, महसूल वाढवणे आणि ग्राहकांचा चांगली सुविधा मिळावी हा त्याचा मुख्य उद्देश होता. 
• मनीष सिसोदिया हे दिल्लीच्या उत्पादन शुल्क विभागाचे प्रमुख आहेत. त्यामुळे त्यांच्यावर घोटाळ्याचा आरोप आहेत. 
• या धोरणांतर्गत दिल्लीत मद्याची होम डिलिव्हरी आणि दुकाने पहाटे 3 वाजेपर्यंत सुरू ठेवण्याची परवानगी देण्यात आली होती. परवानाधारक मद्यावर अमर्यादित सूट देखील देऊ शकत होते.
• नव्या धोरणात तरुणांचे दारू पिण्याचे वयही कमी करण्यात आले. त्यावरून बराच गदारोळ झाला. केजरीवाल सरकार तरुणांना नशेच्या आहारी ढकलत असल्याचा आरोप भाजपने केला होता. 
• दिल्ली सरकारने या धोरणातून उत्पन्नात लक्षणीय 27 टक्के वाढ नोंदवली. ज्यामुळे सुमारे 8,900 कोटी रुपये उत्पन्न झाले. याचदरम्यान दिल्ली पोलिसांच्या आर्थिक गुन्हे शाखेने आणि दिल्लीचे नायब राज्यपाल व्हीके सक्सेना यांनी या प्रकरणात गैरप्रकार झाल्याची भीती व्यक्त केली.
• या धोरणाविरोधात उपराज्यपालांनी सीबीआय चौकशीचे आदेश दिले होते.
•  सीबीआयने दाखल केलेल्या आरोपपत्रात सिसोदिया यांचे नाव अद्याप आलेले नाही, परंतु गेल्या वर्षी सीबीआयने त्यांच्या घरासह 31 ठिकाणी छापे टाकले आणि आता त्यांना अटक करण्यात आली आहे.
• दरम्यान, सीबीआयशिवाय ईडीही या घोटाळ्याची चौकशी करत आहे. मगुंथा श्रीनिवासुलरेड्डी यांचा मुलगा मगुंथा राघव याला ईडीने अलीकडेच अटक केली आहे. ईडीचा दावा आहे की, दिल्लीचे मुख्यमंत्री अरविंद केजरीवाल यांनी दिल्लीतील दारू व्यवसायासंदर्भात मागुंता श्रीनिवासुलरेड्डी यांची भेट घेतली होती.
•  सीबीआयने तेलंगणाचे मुख्यमंत्री केसीआर यांची कन्या कविताचे पूर्वी चार्टर्ड अकाउंटंट असलेले बुचीबाबू गोरंतला यांना अटक केली होती. 12 डिसेंबर रोजी सीबीआयच्या पथकाने कविता यांची देखील हैदराबादमध्ये 7 तासांपेक्षा जास्त वेळ चौकशी केली होती.