Congress Protest : महागाई, बेरोजगारीविरोधात काँग्रेसचं आज देशव्यापी आंदोलन, पंतप्रधानांच्या निवासस्थानाला घेराव

काँग्रेसने (Congress) आज (5 ऑगस्ट) महागाई (Inflation) आणि बेरोजगारीविरोधात (Unemployment) देशव्यापी आंदोलनाची घोषणा केली आहे. या आंदोलनादरम्यान काँग्रेस कार्यकर्ते पंतप्रधान नरेंद्र मोदी (PM Narendra Modi) यांच्या दिल्लीतील निवासस्थानाला घेराव घालण्याचा प्रयत्न करणार आहेत. तसेच नॅशनल हेराल्ड प्रकरणी ईडी काँग्रेस अध्यक्षा सोनिया गांधी आणि राहुल गांधी यांची चौकशी करत असल्याने काँग्रेस संसदेत सरकारला घेरण्याचा प्रयत्नात असणार आहे.

Congress Protest
महागाई, बेरोजगारीविरोधात काँग्रेसचं आज देशव्यापी आंदोलन  |  फोटो सौजन्य: Times Now
थोडं पण कामाचं
  • काँग्रेसने महागाई आणि बेरोजगारीबाबत केंद्रातील नरेंद्र मोदी सरकारवर आक्रमक भूमिका
  • काँग्रेसच्या मुख्यालयात गुरुवारी रात्रीपासूनच काँग्रेस कार्यकर्ते जमू लागले.
  • काँग्रेस कार्यकर्ते राष्ट्रपती भवनावर मोर्चा काढणार असून पंतप्रधानांच्या निवासस्थानाला घेराव घालणार आहेत.

Congress Protest : काँग्रेसने (Congress) आज (5 ऑगस्ट) महागाई (Inflation) आणि बेरोजगारीविरोधात (Unemployment) देशव्यापी आंदोलनाची घोषणा केली आहे. या आंदोलनादरम्यान काँग्रेस कार्यकर्ते पंतप्रधान नरेंद्र मोदी (PM Narendra Modi) यांच्या दिल्लीतील निवासस्थानाला घेराव घालण्याचा प्रयत्न करणार आहेत. तसेच नॅशनल हेराल्ड प्रकरणी ईडी काँग्रेस अध्यक्षा सोनिया गांधी आणि राहुल गांधी यांची चौकशी करत असल्याने काँग्रेस संसदेत सरकारला घेरण्याचा प्रयत्नात असणार आहे. तर एक पाऊल पुढे जात काँग्रेसने महागाई आणि बेरोजगारीबाबत केंद्रातील नरेंद्र मोदी सरकारवर आक्रमक भूमिका घेतली आहे.

काँग्रेसचे माजी अध्यक्ष राहुल गांधी यांनी गुरुवारी पंतप्रधान नरेंद्र मोदी यांचं नाव घेत 'मी मोदींना अजिबात घाबरत नाही. सत्य दडपता येत नाही. तुम्हाला जे करायचे आहे ते करा, पण सत्याला आळा घालता येत नाही," असं म्हटलं होतं.

दिल्ली पोलिसांनी परवानगी नाकारली

काँग्रेसच्या मुख्यालयात गुरुवारी रात्रीपासूनच काँग्रेस कार्यकर्ते जमू लागले. मात्र, दिल्ली पोलिसांनी या आंदोलनाला परवानगी दिलेली नाही. "जंतर-मंतर वगळता, नवी दिल्ली जिल्ह्यातील संपूर्ण भागात CrPC कलम 144 लागू आहे. सुरक्षा, कायदा आणि सुव्यवस्था, रहदारीच्या कारणांमुळे 5 ऑगस्ट रोजी नवी दिल्ली जिल्ह्यातील परिसरात आंदोलन, धरणे,घेरावाला परवानगी देता येणार नाही," असं दिल्ली पोलिसांनी सांगितलं. दिल्ली पोलिसांनी परवानगी नाकारल्याने राहुल गांधी म्हणाले होते की, "लोकशाहीत आंदोलन करणे हा आमचा अधिकार आहे. पोलीस परवानगी देत ​​नाहीत, ठीक आहे, रोखून दाखवा."

Read Also : ममता बॅनर्जी पंतप्रधान मोदींना भेटून करणार महत्त्वाची मागणी

राष्ट्रपती भवनावर मोर्चा, पंतप्रधानांच्या निवासस्थानाला घेराव

काँग्रेस नेते केसी वेणुगोपाल यांनी सांगितलं की, "वाढती महागाई, बेरोजगारी आणि जीवनावश्यक वस्तूंवर जीएसटी लादल्याच्या विरोधात काँग्रेस दिल्लीत निदर्शने करणार आहे. याशिवाय राष्ट्रपती भवनावर मोर्चा काढणार असून पंतप्रधानांच्या निवासस्थानाला घेराव देणार आहोत." काँग्रेसचे लोकसभा आणि राज्यसभा खासदार संसद भवन ते राष्ट्रपती भवनापर्यंत मोर्चा काढणार आहेत.

Read Also : शकीलचा मेव्हणा सलीम फ्रूटला एनआयएकडून अटक

काँग्रेसचे ज्येष्ठ नेते प्रमोद तिवारी म्हणाले की, "आम्ही राष्ट्रपती भवनावरील मोर्चासाठी परवानगी मागितली आहे आणि पक्षाच्या 80 हून अधिक खासदारांना तिथे शांततेने जाण्याची परवानगी दिली जाईल, अशी अपेक्षा आहे. तसंच पंतप्रधानांच्या निवासस्थानाला घेरावही घातला जाणार आहे, ज्यामध्ये CWC सदस्य आणि वरिष्ठ नेते सहभागी होतील. 

जिल्हा मुख्यालयावर निदर्शने, धरपकड

पंचायतीपासून ते जिल्हास्तरापर्यंत काँग्रेसचे लोकप्रतिनिधी जिल्हा मुख्यालयावर आंदोलन करुन जेलभरो करतील, असा निर्णयही पक्षाने घेतला आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी